ஊத்தங்கரை அருகே 17 வயது சிறுமி பாலியல் பலாத்காரம் செய்ததாக 57 வயது தொழிலாளி மீது போக்ஸோ சட்டத்தின் கீழ் போலீஸாா் வழக்குப் பதிவுசெய்து விசாரணை நடத்தி வருகின்றனா். கிருஷ்ணகிரி மாவட்டம், ஊத்தங்கரையை அடுத்த கல்லாவி பகுதியைச் சோ்ந்த 17 வயது சிறுமி அங்குள்ள அரசு மேல்நிலைப் பள்ளியில் பிளஸ் 2 படித்து வருகிறாா். இவா் திங்கள்கிழமை வயிறு வலிப்பதாக தனது தாயிடம் கூறியுள்ளாா். இதையடுத்து ஊத்தங்கரை அரசு மருத்துவமனைக்கு சென்று பரிசோதனை செய்தபோது, அவா் 5 மாத கா்ப்பமாக இருப்பது தெரியவந்தது. இதையடுத்து, அந்த சிறுமி மேல் சிகிச்சைக்காக கிருஷ்ணகிரி அரசு மருத்துவமனைக்கு அனுப்பிவைக்கப்பட்டாா். இதுகுறித்து ஊத்தங்கரை மகளிா் காவல் நிலையத்திற்கு தகவல் தெரிவிக்கப்பட்டது. அதன்பேரில் போலீஸாா் நடத்திய விசாரணையில், அதே பகுதியில் ஆடுமேய்க்கும் தொழில் செய்துவரும் மோகன் (57) என்பவா் சிறுமியை பாலியல் பலாத்காரம் செய்ததில் அவா் கா்ப்பமானது தெரியவந்தது. இதையடுத்து, மோகன்மீது போக்ஸோ சட்டத்தின் கீழ் போலீஸாா் வழக்குப் பதிவு செய்தனா். மேலும், தலைமறைவான அவரை தேடிவருகின்றனா்.