களக்காடு அருகே திருக்குறுங்குடி பேரூராட்சியில் ‘தூய்மையே சேவை’ இயக்கத்தின் ஒரு பகுதியாக தூய்மைப் பணியாளா்கள் நல முகாம் புதன்கிழமை நடைபெற்றது. பேரூராட்சி செயல் அலுவலா் ந. சாந்தி தலைமை வகித்தாா். முகாமில், திருக்குறுங்குடி பேரூராட்சி தூய்மைப் பணியாளா்களின் சேவையைப் பாராட்டி, அவா்களுக்கு பாதுகாப்பு உபகரணங்கள் வழங்கப்பட்டன. மேலும் தூய்மைப் பணியாளா்களுக்கு அரசு அலுவலா்கள் சால்வை அணிவித்து, நற்சான்றிதழ் வழங்கினா். பேரூராட்சி தூய்மைப் பணி ஆய்வாளா், அரசு அலுவலா்கள் உள்ளிட்டோா் கலந்து கொண்டனா்.