ഫഹദ് ഫാസില്‍ നായകനാകുന്ന ഡോണ്ട് ട്രബിള്‍ ദി ട്രബിളിനെ അഭിനന്ദിച്ച് ജൂനിയര്‍ എന്‍ടിആറും മഹേഷ് ബാബുവും. ചിത്രം ഗംഭീരമാണെന്നും കുട്ടികള്‍ക്കും ഫാമിലിക്കും ആസ്വദിക്കാനാകുന്ന മികച്ച എന്റര്‍ടെയിനര്‍ ആണെന്നും തെലുഗു സൂപ്പര്‍താരങ്ങള്‍ സോഷ്യല്‍ മീഡിയ പോസ്റ്റുകളില്‍ പറഞ്ഞു. എസ്.എസ്.രാജമൗലി അവതരിപ്പിക്കുന്ന ഫഹദ് ഫാസില്‍ ചിത്രം വെള്ളിയാഴ്ച തിയറ്ററുകളിലെത്തും. ഓരോ കുട്ടിക്കും ഓരോ മാതാപിതാക്കള്‍ക്കും, തങ്ങളുടെ ഉള്ളില്‍ ഇന്നും ഒരു കുഞ്ഞിനെ കാത്തുസൂക്ഷിക്കുന്ന ഓരോരുത്തര്‍ക്കും വേണ്ടിയുള്ള സിനിമയാണിതെന്ന് ജൂനിയര്‍ എന്‍ടിആര്‍ എക്‌സ് പോസ്റ്റില്‍ പറഞ്ഞു.'ഫഹദ് സാര്‍, സൂരി എന്ന കഥാപാത്രമായി താങ്കള്‍ കാഴ്ചവെച്ചത് എത്ര പ്രശംസനീയമായ പ്രകടനമാണ്! അസാധ്യമായ അഭിനയമികവ്. ഓരോ ഫ്രെയിമിലും കഥാപാത്രത്തിന് ജീവന്‍ നല്‍കുന്ന താങ്കളുടെ രീതി എന്നെ ഏറെ പ്രചോദിപ്പിച്ചു. ശരിക്കും അത്ഭുതകരം! ശശാങ്ക്, ഹൃദയസ്പര്‍ശിയായ ഒരു കഥ വളരെ വ്യക്തതയോടെയും ഊഷ്മളതയോടെയും താങ്കള്‍ അവതരിപ്പിച്ചിരിക്കുന്നു. കുട്ടികള്‍ക്കും കുടുംബങ്ങള്‍ക്കും വേണ്ടിയുള്ള ഇത്രയും പരിശുദ്ധമായ വികാരങ്ങള്‍ കൈകാര്യം ചെയ്യുക എളുപ്പമല്ല. ശശാങ്ക് യെലേട്ടി, താങ്കളുടെ ആദ്യ സംവിധാന സംരംഭത്തില്‍ അത് മനോഹരമായി ചെയ്തിരിക്കുന്നു. ഇനിയും ഒരുപാട് ഉയരങ്ങള്‍ കീഴടക്കാന്‍ സാധിക്കട്ടെ! കൊച്ചു സാറാ, നീ എന്റെ ഹൃദയം കവര്‍ന്നു. എത്ര സ്വാഭാവികവും ജീവനുള്ളതുമായ പ്രകടനം! സിനിമ അവസാനിച്ച ശേഷവും മനസ്സില്‍ തങ്ങിനില്‍ക്കുന്ന നിഷ്‌കളങ്കതയോടെ ഓരോ വികാരവും നീ അവതരിപ്പിച്ചു. കാലഭൈരവയുടെ പശ്ചാത്തല സംഗീതം അസാധ്യമാണ്. സിനിമയുടെ തുടക്കം മുതല്‍ അവസാനം വരെ അത് കഥയെ ഉയര്‍ത്തുകയും ഈ മനോഹരമായ സിനിമയ്ക്ക് ജീവന്‍ നല്‍കുന്നതില്‍ നിര്‍ണായക പങ്കുവഹിക്കുകയും ചെയ്യുന്നു. മുഴുവന്‍ കുടുംബത്തിനും ഒരുമിച്ച് ആസ്വദിക്കാന്‍ കഴിയുന്ന ഒരു സിനിമ കണ്ടിട്ട് ഏറെ നാളായി. വൈകാരികമായ ഒരു റോളര്‍ കോസ്റ്റര്‍ യാത്രയായിരുന്നു ഈ ചിത്രം. പ്രത്യേകിച്ച് പോലീസ് സ്‌റ്റേഷന്‍ രംഗം മുതല്‍ ക്ലൈമാക്‌സ് വരെ... ആ വികാരം ഇപ്പോഴും മനസ്സില്‍ നിറഞ്ഞുനില്‍ക്കുന്നു. ഈ സിനിമ തീര്‍ച്ചയായും കണ്ടിരിക്കേണ്ട ഒന്നാണ്. നാനാ, നിങ്ങളെയോര്‍ത്ത് എനിക്ക് ഒരുപാട് അഭിമാനമുണ്ട്. ഒക്ടോബര്‍ 2 മുതല്‍ ലോകം ഈ അത്ഭുതം കാണുന്നതിനായി കാത്തിരിക്കുന്നു.#DontTroubleTheTrouble is for every child, every parent and everyone who still carries a little bit of that child within them.Fahadh sir, what a commendable performance as Suri. Absolutely phenomenal. I was inspired by the way you bring so much life into every frame. Truly…— Jr NTR (@tarak9999) September 30, 2026 ഡോണ്ട് ട്രബിള്‍ ദി ട്രബിള്‍ എത്ര മനോഹരമായ, സമ്പൂര്‍ണമായ സിനിമാനുഭവം എന്നാണ് മഹേഷ് ബാബുവിന്റെ കുറിപ്പ്വളരെ മികച്ച രീതിയില്‍ ഒരുക്കിയ, സന്തോഷം പകരുന്ന ഒരു ചിത്രം. ഒരേസമയം ആഴത്തില്‍ വിനോദിപ്പിക്കുകയും ഹൃദയത്തെ സ്പര്‍ശിക്കുകയും ചെയ്യുന്നു. സിനിമയിലുടനീളം അപൂര്‍വമായൊരു ഊഷ്മളത അനുഭവിക്കാനാകും! ഫഹദ് സാര്‍, താങ്കള്‍ അസാധ്യനായ ഒരു നടനാണ്. താങ്കളുടെ വളര്‍ച്ചയും പരീക്ഷണങ്ങളും ഓരോ കഥാപാത്രത്തിലൂടെയും സ്വയം പുതുക്കുന്ന രീതിയും ശരിക്കും പ്രചോദനമാണ്. ഫഹദ് സാറും നമ്മുടെ കൊച്ചുമിടുക്കി സാറയും ഒരുമിച്ച് അതിമനോഹരമാണ്. ഓരോ കഥാപാത്രവും ജീവിക്കുന്നതും ശ്വസിക്കുന്നതും അനുഭവിക്കുന്നതും നമുക്ക് കാണാനാകും! കാര്‍ത്തിക്, ഇതിലും മനോഹരമായൊരു തുടക്കം താങ്കള്‍ക്ക് ലഭിക്കാനില്ല. ഈ സിനിമയ്ക്കായി താങ്കള്‍ നല്‍കിയ അധ്വാനത്തിനും സമര്‍പ്പണത്തിനും ശേഷം ഇപ്പോള്‍ ആശ്വാസത്തോടെ ശ്വസിക്കാം. താങ്കളും ശോഭുവും ചേര്‍ന്ന് ശരിക്കും മനോഹരമായ ഒരു സൃഷ്ടിയാണ് ഒരുക്കിയിരിക്കുന്നത്. നിങ്ങളിരുവരെയും ഓര്‍ത്ത് ഏറെ സന്തോഷം. ശശാങ്ക്, താങ്കള്‍ മികച്ചൊരു ജോലിയാണ് ചെയ്തിരിക്കുന്നത്. ഈ മനോഹരമായ ലോകത്തെ ഇത്രയും മികച്ച രീതിയില്‍ ഒരുമിപ്പിച്ചതിന് അഭിനന്ദനങ്ങള്‍. മുഴുവന്‍ ടീമിനും എന്റെ സ്‌നേഹവും ആശംസകളും. നിങ്ങളുടെ കൈകളില്‍ ഒരു മികച്ച സിനിമയുണ്ട്. ഒക്ടോബര്‍ 2ന് ഈ അത്ഭുതം എല്ലാവരും തിയേറ്ററുകളില്‍ തന്നെ ആസ്വദിക്കണം.Just watched the #DontTroubleTheTrouble Movie!!!What a beautifully complete experience this is ❤️❤️❤️ Such a well crafted and happy film… thoroughly entertaining and deeply moving at the same time The film carries such a rare sense of warmth throughout!!! Fahadh sir - u…— Mahesh Babu (@urstrulyMahesh) September 30, 2026 ഫഹദ് ഫാസില്‍, ബാലതാരം സാറ പാലേക്കര്‍, സൗരഭ് സച്‌ദേവ് എന്നിവര്‍ പ്രധാന കഥാപാത്രങ്ങളായെത്തുന്ന ഡോണ്ട് ട്രബിള്‍ ദി ട്രബിള്‍ ശശാങ്ക് യെലേട്ടിയാണ് സംവിധാനം ചെയ്യുന്നത്. എസ്.എസ്. രാജമൗലി അവതരിപ്പിക്കുന്ന ചിത്രം എസ്.എസ്. കാര്‍ത്തികേയ, ഷോബു യാര്‍ലഗഡ്ഡ, പ്രസാദ് ദേവിനേനി എന്നിവര്‍ ചേര്‍ന്നാണ് നിര്‍മ്മിക്കുന്നത്.ഭാവനാ റിലീസാണ് ചിത്രം കേരളത്തിലെ വിതരണം നിര്‍വഹിക്കുന്നത്. ചിത്രത്തിന്റെ കേരളത്തിലെ അഡ്വാന്‍സ് ബുക്കിങ് ആരംഭിച്ചു. ചിത്രം ഗാന്ധി ജയന്തി ദിനത്തില്‍ ലോകവ്യാപകമായി തിയറ്ററുകളിലേക്കെത്തും. പി ആര്‍ ഓ : പ്രതീഷ് ശേഖര്‍.