راجدھانی دہلی میں تیز ہواؤں اور گرج چمک کے ساتھ ہونے والی موسلادھار بارش سے موسم انتہائی خوشگوار ہو گیا ہے۔ مسلسل بارش کے درمیان انتظامیہ نے لوگوں کو محتاط رہنے اور حفاظتی اقدامات اختیار کرنے کا مشورہ دیا ہے۔ مسلسل بارش کے باعث درجۂ حرارت میں کمی درج کی گئی ہے، جس سے دہلی کے باشندوں کو حبس والی گرمی سے کافی راحت ملی ہے۔ ہندوستانی محکمۂ موسمیات (آئی ایم ڈی) نے دہلی کے کئی علاقوں کے لیے یلو اور آرینج الرٹ جاری کیا ہے۔Delhi: Rain lashes several parts of the national capital(Visuals from Kartavya Path) pic.twitter.com/wUggAdhKqn— IANS (@ians_india) July 28, 2026آئی ایم ڈی کے مطابق آئندہ چند گھنٹوں میں بارش کی شدت مزید بڑھ سکتی ہے۔ کئی علاقوں میں شدید سے انتہائی شدید بارش ہونے کا قوی امکان ہے۔ بارش کے باعث شہر کے متعدد علاقوں میں پانی جمع ہونے کی صورتحال پیدا ہونے کا بھی خدشہ ہے۔ ایسے میں محکمۂ موسمیات نے شہریوں سے اپیل کی ہے کہ غیر ضروری صورت میں گھروں سے باہر نہ نکلیں اور محکمۂ موسمیات کی ہدایات پر عمل کریں۔VIDEO | Delhi: Rain lashes parts of the national capital. Visuals from Shastri Bhawan. (Full video available on PTI Videos - https://t.co/n147TvrpG7) pic.twitter.com/4LfKlBlKCO— Press Trust of India (@PTI_News) July 28, 2026دہلی ہی نہیں، ملک کی 18 ریاستوں میں موسلادھار بارش کا الرٹ آئی ایم ڈی نے جاری کیا ہے۔ محکمہ موسمیات کا کہنا ہے کہ ملک کے کئی حصوں میں آئندہ ایک ہفتے تک شدید سے انتہائی شدید بارش کا سلسلہ جاری رہے گا۔ شمال مغربی خلیج بنگال اور مغربی بنگال-شمالی اڈیشہ ساحل کے قریب بننے والا گہرا دباؤ بتدریج آگے بڑھ رہا ہے۔ اس کے اثر سے ملک کی کئی ریاستوں میں شدید بارش کی وارننگ جاری کی گئی ہے۔ओडिशा और छत्तीसगढ़ में आज अत्यधिक भारी बारिश का अलर्ट, कई राज्यों में भी वर्षा की चेतावनी#breakingnews #hindinews #indianews #indianwitness #WeatherUpdatehttps://t.co/h4BcdhtvcU— The Indian Witness हिंदी (@WitnessHindi) July 27, 2026محکمۂ موسمیات کے مطابق دہلی-این سی آر، ہریانہ، پنجاب، اتر پردیش، اتراکھنڈ، ہماچل پردیش اور جموں و کشمیر میں 28 سے 31 جولائی کے درمیان متعدد مقامات پر شدید بارش ہو سکتی ہے۔ مشرقی راجستھان میں بھی 28 جولائی سے 2 اگست تک تیز بارش کا سلسلہ جاری رہنے کا امکان ہے۔ آج اڈیشہ اور چھتیس گڑھ میں بعض مقامات پر انتہائی شدید بارش ہونے کا امکان ہے۔ اسی طرح جھارکھنڈ، گنگا کے میدانی مغربی بنگال، مشرقی مدھیہ پردیش، اتراکھنڈ، گجرات، کونکن-گوا، وسطی مہاراشٹر اور ساحلی کرناٹک میں بھی شدید سے انتہائی شدید بارش کا الرٹ جاری کیا گیا ہے۔यूपी में मंगलवार 28 जुलाई को मॉनसून पूरी तरह सक्रिय रहने का अनुमान है. भारत मौसम विज्ञान विभाग (IMD) के अनुसार प्रदेश के पश्चिमी और पूर्वी दोनों हिस्सों में लगभग सभी स्थानों पर गरज-चमक के साथ बारिश होने की बहुत संभावना है. कई जिलों में भारी से बहुत भारी बारिश हो सकती है, जबकि… pic.twitter.com/myfnLpLVXT— Zee News (@ZeeNews) July 28, 2026محکمۂ موسمیات نے بتایا کہ اڈیشہ اور آندھرا پردیش کے ساحلی علاقوں میں 50 سے 70 کلومیٹر فی گھنٹہ کی رفتار سے تیز ہوائیں چل سکتی ہیں۔ خلیج بنگال اور بحیرۂ عرب میں سمندر بھی طغیانی کی کیفیت میں رہے گا۔ ایسے میں ماہی گیروں کو سمندر میں نہ جانے کا مشورہ دیا گیا ہے۔ آئی ایم ڈی نے اتراکھنڈ کے کئی اضلاع، جن میں دہرادون، نینی تال، چمولی، رودرپریاگ، اترکاشی، پتھورا گڑھ اور الموڑہ شامل ہیں، میں آئندہ 24 گھنٹوں کے دوران اچانک سیلاب آنے کا خدشہ ظاہر کیا ہے۔ اس کے علاوہ ہماچل پردیش کے منڈی، شملہ، سرمور اور سولن اضلاع میں بھی اچانک سیلاب آنے کا امکان ہے۔ اسی طرح اڈیشہ، جھارکھنڈ اور چھتیس گڑھ کے بعض اضلاع کے نشیبی علاقوں میں بھی پانی جمع ہونے اور سیلاب جیسی صورتحال پیدا ہو سکتی ہے۔Himachal Pradesh : Rains in Shimla, IMD issues yellow alert. pic.twitter.com/hWinto7SKU— News Arena India (@NewsArenaIndia) July 28, 2026محکمۂ موسمیات نے لوگوں سے اپیل کی ہے کہ پانی بھرے علاقوں میں جانے سے گریز کریں، سفر سے پہلے ٹریفک ایڈوائزری ضرور دیکھیں اور کمزور عمارتوں میں رہائش اختیار نہ کریں۔ کسانوں کو کھیتوں سے اضافی پانی نکالنے، فی الحال کھاد اور جراثیم کش ادویات کے چھڑکاؤ کو مؤخر کرنے اور مویشیوں کو محفوظ مقامات پر رکھنے کا مشورہ دیا گیا ہے۔