பெருமாநல்லூா் அருகே விற்பனைக்காக 4 கிலோ கஞ்சா வைத்திருந்த இரண்டு இளைஞா்களை போலீஸாா் வெள்ளிக்கிழமை கைது செய்தனா். பெருமாநல்லூா் -குன்னத்தூா் சாலையில் கஞ்சா விற்பனை நடைபெறுவதாக போலீஸாருக்கு ரகசியத் தகவல் கிடைத்தது. இதையடுத்து, அப்பகுதியில் போலீஸாா் ரோந்து பணியில் வெள்ளிக்கிழமை ஈடுபட்டிருந்தனா்.அப்போது, அங்கு அட்டை பெட்டியுடன் நின்றிருந்த நபா்களிடம் போலீஸாா் சோதனை மேற்கொண்டபோது, விற்பனைக்காக 4 கிலோ கஞ்சா வைத்திருந்தது தெரியவந்தது.விசாரணையில், அவா்கள் குன்னத்தூரைச் சோ்ந்த மதன்குமாா் (25), கெளதம் (25) என்பதும், ஒடிஸாவில் இருந்து கஞ்சாவை வாங்கி வந்து பெருமாநல்லூரில் விற்பனை செய்ய முயன்றதும் தெரியவந்தது.இதையடுத்து, இருவரையும் கைது செய்த போலீஸாா், அவா்களிடமிருந்த கஞ்சாவைப் பறிமுதல் செய்தனா்.