ദില്ലിയിൽ വിദ്യാ‍ർഥി യുവജന സമരം ആളിപ്പടരുകയാണ്. ബി ജെ പി ഭരണകൂടം വിദ്യാർഥികൾക്ക് നേരെ നരനായാട്ട് നടത്തുമ്പോൾ അതിനെതിരെ വലിയ പ്രതിഷേധമാണ് രാജ്യവ്യാപകമായി ഉയർന്ന് വരുന്നത്. ഇടതുപക്ഷ സംഘടനകൾ സമരത്തിന് ഐക്യദാർഢ്യം പ്രഖ്യാപിച്ച് രംഗത്തെത്തിയിരുന്നു. ഇടത് എംപിമാരും സമരത്തിന് പിന്തുണയുമായി ദില്ലിയിലെ തെരുവോരങ്ങളിലാണ്.സമരത്തിൽ ക്രൂരമായ മർദ്ദനത്തിന് ഇരയായവരുടെ ചെരുപ്പുകൾ ജന്തർ മന്തറിലെ സമര മുഖത്ത് സൂക്ഷിച്ച് വെച്ചതിൻ്റെ ചിത്രം സമൂഹമാധ്യമങ്ങളിൽ പങ്കുവെച്ചിരിക്കുകയാണ് ഡോ ജോൺ ബ്രിട്ടാസ് എം പി. എത്ര അടിച്ചമർത്തിയാലും ചിതറിച്ചാലും ആ പാദുകങ്ങൾ സമരസ്ഥലത്തേക്ക് തന്നെ മടങ്ങിയെത്തുമെന്നതിന്റെ പ്രതീകമാണെന്ന് അദ്ദേഹം ചിത്രം പങ്കുവെച്ച് കൊണ്ട് ഫേസ്ബുക്കിൽ കുറിച്ചു.Also read: മോദി ജനാധിപത്യത്തിൻ്റെ ഘാതകൻ; അപ്രഖ്യാപിത ഏകാധിപത്യം നടപ്പാക്കുന്നു: ശ്രീജൻ ഭട്ടാചാര്യഫേസ്ബുക്ക് പോസ്റ്റിൻ്റെ പൂർണരൂപംപാർലമെന്റ് മാർച്ച് ദിനത്തിൽ പോലീസിന്റെ ഭീകരമായ ആക്രമണത്തിന് ഇരയായ സമരക്കാരുടെ ചെരുപ്പുകൾ വഴിയോരത്തുനിന്ന് ശേഖരിച്ച് ജന്തർ മന്തറിലെ സമരസ്ഥലത്ത് സൂക്ഷിച്ചിരിക്കുകയാണ്. ഇതൊരു പ്രതീകമാണ്. എത്ര അടിച്ചമർത്തിയാലും ചിതറിച്ചാലും ആ പാദുകങ്ങൾ സമരസ്ഥലത്തേക്ക് തന്നെ മടങ്ങിയെത്തുമെന്നതിന്റെ പ്രതീകം…The post എത്ര അടിച്ചമർത്തിയാലും ആ പാദുകങ്ങൾ സമരസ്ഥലത്തേക്ക് തന്നെ മടങ്ങിയെത്തും: ഡോ ജോൺ ബ്രിട്ടാസ് എം പി appeared first on Kairali News | Kairali News Live.