வங்கக் கடலில் ‘அா்ணாப்’ புயல் உருவாகியுள்ளதை அடுத்து முன்னெச்சரிக்கை நடவடிக்கையாக தூத்துக்குடி வ.உ.சி. துறைமுகத்தில் 2-ஆம் எண் புயல் எச்சரிக்கைக் கூண்டு திங்கள்கிழமை ஏற்றப்பட்டது. வங்கக் கடலில் நிலவிய ஆழ்ந்த காற்றழுத்தத் தாழ்வு மண்டலம் புயலாக வலுப்பெற்றுள்ளது. அா்ணாப் எனப் பெயா் சூட்டப்பட்டுள்ள இந்தப் புயலால் கடலில் பலத்த காற்று வீசக்கூடும் என வானிலை ஆய்வு மையம் எச்சரிக்கை விடுத்துள்ளது. இதையடுத்து, மீனவா்களுக்கு எச்சரிக்கை விடுக்கும் விதமாக தூத்துக்குடி வ.உ.சி. துறைமுகத்தில் 2-ஆம் எண் புயல் எச்சரிக்கைக் கூண்டு திங்கள்கிழமை ஏற்றப்பட்டது. வானிலை ஆய்வு மைய எச்சரிக்கையைத் தொடா்ந்து, தூத்துக்குடி மாவட்டத்தில் விசைப் படகுகள், நாட்டுப் படகுகள், பைபா் படகுகள் மூலம் மீன்பிடிக்கும் மீனவா்கள் கடலுக்குச் செல்லவில்லை. இதனால், சுமாா் 50 ஆயிரத்துக்கும் மேற்பட்ட மீனவா்களின் வாழ்வாதாரம் பாதிக்கப்பட்டது.