دہلی میں ہندوستانی فضائیہ (آئی اے ایف) کے اسپورٹس کمپلیکس کی زمین واپس لینے کی مرکزی حکومت کی کوشش پر کانگریس نے سوالات اٹھائے ہیں۔ کانگریس نے منگل کے روز مودی حکومت کی اس کارروائی کو انتہائی شرمناک قرار دیتے ہوئے کہا کہ یہ فضائیہ کے پورے خاندان کے تئیں توہین آمیز رویہ ہے۔ کانگریس کے جنرل سکریٹری اور شعبۂ مواصلات کے انچارج جے رام رمیش نے سوشل میڈیا پلیٹ فارم ایکس پر اس سلسلے میں ایک میڈیا رپورٹ شیئر کی۔ رپورٹ کے مطابق 31 اکتوبر کو ریٹائر ہونے سے چند روز قبل 26 اکتوبر کو فضائیہ کے سربراہ ایئر چیف مارشل اے پی سنگھ نے وزیر دفاع راج ناتھ سنگھ سے ملاقات کی تھی۔The IAF Sports Complex has a long history and has,over the decades, served many public purposes, as well as being an integral part of the Indian Air Force social infrastructure. The Modi Govt’s actions are an absolute disgrace and show utter disrespect to the entire IAF family. https://t.co/dNehoaLkv0— Jairam Ramesh (@Jairam_Ramesh) November 3, 2026اس ملاقات کے دوران انہوں نے وزیر اعظم کی رہائش گاہ کے قریب ریس کورس ایئر فورس اسٹیشن کی اہم زمین پر ہندوستانی فضائیہ کا کنٹرول برقرار رکھنے کا مطالبہ کیا تھا۔ انہوں نے اس کے پیچھے فوجی ضروریات اور وہاں موجود سہولیات کا حوالہ دیا تھا۔ جے رام رمیش نے اپنی پوسٹ میں کہا کہ آئی اے ایف اسپورٹس کمپلیکس کی ایک طویل تاریخ رہی ہے۔ کئی دہائیوں سے اس نے متعدد عوامی مقاصد کی تکمیل کی ہے اور یہ ہندوستانی فضائیہ کے سماجی بنیادی ڈھانچے کا بھی ایک لازمی حصہ رہا ہے۔ انہوں نے مزید کہا کہ مودی حکومت کی کارروائی انتہائی شرمناک ہے اور یہ فضائیہ کے پورے خاندان کے تئیں توہین آمیز رویہ ہے۔وزیر اعظم کی رہائش 7، لوک کلیان مارگ کے قریب واقع ریس کورس ایئر فورس اسٹیشن کے اسپورٹس کمپلیکس میں گولف کورس، سوئمنگ پول اور دیگر سہولیات موجود تھیں۔ گزشتہ بدھ کے روز اسے بند کر دیا گیا۔ مرکزی وزارت ہاؤسنگ اور شہری امور کے تحت کام کرنے والے لینڈ اینڈ ڈیولپمنٹ آفس نے کمپلیکس انتظامیہ کو بے دخلی کا نوٹس جاری کیا تھا۔ اس میں وزیر اعظم کی سرکاری رہائش کے قریب واقع زمین خالی کرکے واپس حوالے کرنے کا مطالبہ کیا گیا تھا۔ مرکزی حکومت کی یہ کارروائی علاقے میں موجود قیمتی زمینوں کو واپس لینے کی حالیہ مہم کا حصہ ہے۔ گزشتہ کئی ہفتوں سے حکومت لینڈ اینڈ ڈیولپمنٹ آفس کے ذریعے لوک کلیان مارگ کے آس پاس کی اہم زمینوں کا جائزہ لے رہی ہے۔ اس کا مقصد دفاع سے متعلق گولف اور کھیلوں کی سہولیات کے لیے استعمال ہونے والی زمین واپس لینا ہے۔دہلی کے 2 درجن سے زیادہ اسٹیڈیم خستہ حال، جدید اسپورٹس کمپلیکس کی اشد ضرورت: ڈاکٹر نریش کماراس سے قبل مرکزی وزارت ہاؤسنگ اور شہری امور نے متعلقہ اداروں سے ایئر فورس گولف کورس کی زمین بھی حوالے کرنے کو کہا تھا۔ اگست میں محکمہ نے لوک کلیان مارگ واقع 53 ایکڑ پر مشتمل احاطے سے دہلی ریس کلب کو بے دخل کر دیا تھا۔ اس کے لیے زمین کی ضرورت ایک غیر متعین عوامی مقصد کے تحت بتائی گئی تھی۔ اس کے علاوہ حکومت نے انڈیا پولو ایسوسی ایشن سے جے پور پولو گراؤنڈ کی زمین بھی واپس لے لی تھی۔ اس کے پیچھے وسیع تر عوامی مفاد، انتظامی ضروریات اور دفاعی بنیادی ڈھانچے کے منصوبوں کا حوالہ دیا گیا تھا۔