خارجہ سکریٹری وکرم مسری رواں ہفتہ 2 روزہ دورے پر نیپال جائیں گے۔ ہندوستان اور نیپال کے درمیان مضبوط اور دوستانہ تعلقات ہیں۔ خارجہ سکریٹری کا یہ دورہ دونوں ممالک کے درمیان اعلیٰ سطحی رابطوں اور بات چیت کی روایت کو آگے بڑھائے گا۔ وزارت خارجہ سے موصول ہوئی اطلاع کے مطابق خارجہ سکریٹری وکرم مسری 4 سے 5 نومبر تک نیپال کے سرکاری دورے پر جائیں گے۔ اس دوران وہ دونوں ممالک کے مشترکہ مفادات سے متعلق دو طرفہ، علاقائی اور عالمی امور پر تبادلۂ خیال کریں گے۔A press release by Ministry of External Affairs reads, "Foreign Secretary Shri Vikram Misri will undertake an official visit to Nepal from 04 to 05 November 2026 to discuss bilateral, regional and global matters of mutual interest..." pic.twitter.com/N58sQNDvzZ— Press Trust of India (@PTI_News) November 2, 2026وزارت نے بتایا کہ ہندوستان اور نیپال کے درمیان طویل عرصے سے مضبوط اور دوستانہ تعلقات رہے ہیں، جن میں مختلف شعبوں میں تعاون مسلسل بڑھا ہے۔ خارجہ سکریٹری کا یہ دورہ دونوں ممالک کے درمیان اعلیٰ سطحی باہمی رابطے اور بات چیت کی روایت کو آگے بڑھانے کا حصہ ہے۔ وزارت نے کہا کہ امید ہے کہ اس دورے سے ہندوستان اور نیپال کی وسیع دو طرفہ شراکت داری کو مزید مضبوط بنانے میں مدد ملے گی اور دونوں ممالک کے درمیان تعاون کے نئے مواقع بھی سامنے آئیں گے۔ فی الحال خارجہ سکریٹری وکرم مسری متحدہ عرب امارات (یو اے ای) کے سرکاری دورے پر ہیں۔خارجہ سکریٹری نے پیر کو متحدہ عرب امارات (یو اے ای) کی وزیر مملکت اور ہندوستان کے لیے خصوصی ایلچی ریم الہاشمی سے ملاقات کی۔ اس دوران دو طرفہ تعلقات کا جائزہ لیا گیا اور ’جامع تزویراتی شراکت داری‘ کو مزید مضبوط بنانے کے طریقوں پر تبادلۂ خیال کیا گیا۔ ملاقات کے دوران مصری اور الہاشمی نے مغربی ایشیا کی صورتحال اور باہمی مفادات سے جڑے عالمی امور پر بھی خیالات کا تبادلہ کیا۔آبنائے ہرمز پر 60 ممالک کا اجلاس، وکرم مسری نے کہا- ’ہندوستان وہ واحد ملک، جس نے یہاں اپنے ملاح کھوئے‘ متحدہ عرب امارات میں واقع ہندوستانی سفارت خانے نے سوشل میڈیا پلیٹ فارم ’ایکس‘ پر بتایا کہ ’’خارجہ سکریٹری وکرم مسری نے یو اے ای کی وزیر مملکت اور ہندوستان کے لیے خصوصی ایلچی ریم الہاشمی سے ملاقات کی۔ انہوں نے ہندوستان اور یو اے ای کے تعلقات کے تمام پہلوؤں کا جائزہ لیا اور ’جامع تزویراتی شراکت داری‘ کو مزید گہرا کرنے کے طریقوں پر تبادلۂ خیال کیا۔ انہوں نے مغربی ایشیا کی صورتحال اور باہمی مفادات سے منسلک عالمی امور پر بھی خیالات کا تبادلہ کیا۔‘‘ اس سے قبل ہندوستان کے سفیر دیپک متل نے سرکاری دورے پر یو اے ای پہنچے خارجہ سکریٹری وکرم مسری کا استقبال کیا۔