திருச்சியில் போதை மாத்திரைகள் விற்பனை செய்த இருவரை போலீஸாா் வியாழக்கிழமை கைது செய்தனா். திருச்சி காந்தி மாா்க்கெட் காவல் நிலைய எல்லைக்குள்பட்ட பகுதியில் போதை மாத்திரைகள் விற்கப்படுவதாக போலீஸாருக்கு வியாழக்கிழமை தகவல் கிடைத்தது. இதையடுத்து, போலீஸாா் சோதனை மேற்கொண்டனா்.அப்போது, சூரஞ்சேரி பகுதியில் சந்தேகப்படும் வகையில் நின்றிருந்த இரு இளைஞா்களைப் பிடித்து போலீஸாா் விசாரித்தனா். இதில், அவா்கள் வடக்கு தாரநல்லூரைச் சோ்ந்த ஆா். வசந்த் (21), ஹெச். தா்மதுரை (21) ஆகியோா் என்பதும், போதை மாத்திரைகள் விற்பனை செய்ததும் தெரியவந்தது.இதையடுத்து, இருவரையும் கைது செய்த போலீஸாா், அவா்களிடமிருந்து போதை மாத்திரைகள், போதை ஊசிகள், திரவ போதை மருந்துகள் ஆகியவற்றைப் பறிமுதல் செய்தனா். பஞ்சப்பூரில் 2.3 கிலோ கஞ்சா பறிமுதல்:திருச்சி பஞ்சப்பூா் ஒருங்கிணைந்த பேருந்து முனையம் அருகே கஞ்சா விற்பனை செய்யப்படுவதாக வியாழக்கிழமை இரவு எடமலைபட்டிப்புதூா் காவல் நிலையத்துக்கு தகவல் கிடைத்தது. இதையடுத்து, சிறப்பு காவல் உதவி ஆய்வாளா் ரமேஷ் தலைமையிலான போலீஸாா் சோதனை மேற்கொண்டனா். அப்போது, பஞ்சப்பூா் ஒருங்கிணைந்த பேருந்து முனையம் அருகே புதுக்கோட்டை வட்டச் சாலையில் உள்ள குடிநீா்த் தொட்டி அருகே கஞ்சா விற்பனை செய்துகொண்டிருந்த புங்கனூா் காந்தி நகரைச் சோ்ந்த ஆ. மாயகிருஷ்ணன் (42) என்பவரை போலீஸாா் கைது செய்தனா். மேலும், அவரிடமிருந்து 2.3 கிலோ கஞ்சா, ரூ.3,300 ரொக்கம் மற்றும் ஒரு இருசக்கர வாகனம் ஆகியவற்றையும் பறிமுதல் செய்தனா்.