മനാമ: മനസ്സിൽ നന്മയുടെ വെളിച്ചവുമായി പ്രവർത്തനം ആരംഭിച്ച ആശ്രയം ബഹ്റൈൻ കൂട്ടായ്മയുടെ ആദ്യ ചാരിറ്റി പ്രവർത്തനത്തിന് തുടക്കമായി. ഓണാഘോഷത്തോടനുബന്ധിച്ച് എ.സി.എം.ഇ ക്യാമ്പിലെ സഹോദരങ്ങൾക്ക് ആശ്രയത്തിന്റെ നേതൃത്വത്തിൽ സ്നേഹനിർഭരമായ ‘ഓണസദ്യ’ വിതരണം ചെയ്തു. രക്ഷാധികാരി സെയ്ദ് ഹനീഫ, വൈസ് പ്രസിഡന്റ് അലീന അഗസ്റ്റിൻ, ചാരിറ്റി കോഡിനേറ്റർ അനീഷ് ആലപ്പുഴ, എക്സിക്യൂട്ടീവ് അംഗങ്ങളായ മുതിരി, മുസ്തഫ, അബ്ദുള്ള എന്നിവർ പരിപാടിക്ക് നേതൃത്വം നൽകി.പ്രവാസലോകത്ത് തണലായി മാറുക എന്ന ലക്ഷ്യത്തോടെയാണ് സംഘടനയുടെ ആദ്യ കാരുണ്യ പ്രവർത്തനം വിജയകരമായി സംഘടിപ്പിച്ചത്. വരും ദിവസങ്ങളിലും പ്രവാസി സഹോദരങ്ങൾക്കായി വൈവിധ്യമാർന്ന ക്ഷേമ-കാരുണ്യ പ്രവർത്തനങ്ങളുമായി ആശ്രയം മുന്നോട്ടുപോകുമെന്ന് ഭാരവാഹികൾ അറിയിച്ചു.ആദ്യ സംരംഭത്തിൽ പങ്കാളികളാവുകയും വിജയകരമാക്കാൻ സഹകരിക്കുകയും ചെയ്ത എല്ലാ പ്രിയപ്പെട്ട അംഗങ്ങൾക്കും ആശ്രയം കമ്മിറ്റി നന്ദി രേഖപ്പെടുത്തി.The post ആശ്രയം ബഹ്റൈൻ ഓണസദ്യ വിതരണം ചെയ്തു appeared first on Bahrain Vartha ബഹ്റൈൻ വാർത്ത.