തിരുവനന്തപുരം | കടലില് കാണാതായ മൂന്ന് മത്സ്യത്തൊഴിലാളികള്ക്കായുള്ള തിരച്ചില് പതിനൊന്നാം ദിവസവും നടക്കും. തിരുവനന്തപുരം മുതലപ്പൊഴിയിലും കൊല്ലം നീണ്ടകരയിലുമായി മത്സ്യബന്ധനത്തിനിടെ കാണാതായവര്ക്കുവേണ്ടിയാണ് ഇന്നും തിരച്ചില് തുടരുന്നത്.തിരുവനന്തപുരം മുതലപ്പൊഴിയില് നിന്ന് മത്സ്യബന്ധനത്തിനിടെ കാണാതായ ഷിജിനായുള്ള തിരച്ചില് നാവികസേനയുടെ നേതൃത്വത്തിലാണ് പുരോഗമിക്കുന്നത്. വിഴിഞ്ഞത്ത് നിന്ന് കാണാതായ ജോണ് മാത്യാസിനായുള്ള തിരച്ചില് കോസ്റ്റ് ഗാര്ഡിന്റെയും കോസ്റ്റല് പോലീസിന്റെയും സംയുക്ത നേതൃത്വത്തിലാണു നടക്കുന്നത്. ഇരുവര്ക്കുമായുള്ള തിരച്ചില് ഇന്ന് കൂടുതല് മേഖലകളിലേക്ക് വ്യാപിപ്പിക്കും.മിഴ്നാട് തീരം കേന്ദ്രീകരിച്ച് കൂടുതല് തിരച്ചില് നടത്തുന്നതിനായി തമിഴ്നാട് സര്ക്കാരിന്റെ സഹായം തേടുമെന്ന് തിരുവനന്തപുരം ജില്ലാ കലക്ടര് അനു കുമാരി അറിയിച്ചിട്ടുണ്ട്. ഇതുവരെയുള്ള തിരച്ചില് പുരോഗതി വിലയിരുത്തുന്നതിനും തുടര്നടപടികള് ചര്ച്ച ചെയ്യുന്നതിനുമായി ഫിഷറീസ് വകുപ്പ് മന്ത്രി വി ഇ അബ്ദുല് ഗഫൂര് ഇന്ന് ഉന്നത ഉദ്യോഗസ്ഥരുടെ പ്രത്യേക യോഗം വിളിച്ചു ചേര്ത്തിട്ടുണ്ട്.കൊല്ലം നീണ്ടകരയില് മത്സ്യബന്ധനത്തിനിടെ വള്ളം മറിഞ്ഞ് കാണാതായ പുത്തന്തുറ സ്വദേശി ഗൗതം കൃഷ്ണനായി ഇന്ന് രാവിലെ തന്നെ ഫിഷറീസ് വകുപ്പിന്റെ യാനങ്ങളില് തിരച്ചില് പുനരാരംഭിച്ചു. ഇതിന് പുറമെ നാവികസേനയുടെ സേവനവും ഗൗതമിനായുള്ള തിരച്ചിലിനായി ലഭ്യമാക്കിയിട്ടുണ്ട്. ദുരന്തത്തില്പ്പെട്ട കുടുംബത്തിനുള്ള സഹായം നല്കുന്നത് സംബന്ധിച്ച കാര്യങ്ങളില് വരും ദിവസങ്ങളില് ചേരുന്ന മന്ത്രിസഭായോഗത്തില് അന്തിമ തീരുമാനമുണ്ടാകുമെന്ന് ആഭ്യന്തരമന്ത്രി രമേശ് ചെന്നിത്തല വ്യക്തമാക്കി. ഗൗതം കൃഷ്ണന്റെ വീട് സി പി എം സംസ്ഥാന സെക്രട്ടറി എം വി ഗോവിന്ദന് ഇന്ന് സന്ദര്ശിക്കും.