امت شاہ کی غیر موجودگی پر راجیہ سبھا میں ہنگامہ، کارروائی دوپہر 2 بجے تک ملتویراجیہ سبھا میں وقفۂ سوالات کے دوران کانگریس رکن پارلیمنٹ رینوکا چودھری نے مرکزی وزیر داخلہ امت شاہ کی ایوان میں غیر موجودگی پر سوال اٹھاتے ہوئے کہا، ’’امت شاہ کہاں ہیں؟ انہیں ایوان میں بلایا جائے۔‘‘ اس معاملے پر حکومت اور اپوزیشن کے ارکان کے درمیان ہنگامہ آرائی شروع ہو گئی، جس کے باعث کارروائی متاثر ہوئی۔ شور شرابے کے پیش نظر چیئرمین نے راجیہ سبھا کی کارروائی دوپہر 2 بجے تک کے لیے ملتوی کر دی۔وزیراعظم اور وزیر داخلہ کی غیر موجودگی پر گورو گوگوئی کا حکومت پر حملہکانگریس رکن پارلیمنٹ گورو گوگوئی نے اینٹی پیپر لیک (ترمیمی) بل پر جاری بحث کے دوران حکومت کو نشانہ بناتے ہوئے کہا کہ جب امتحانات جیسے اہم مسئلے پر بحث ہو رہی ہے تو نہ وزیراعظم ایوان میں موجود ہیں اور نہ ہی وزیر داخلہ۔ انہوں نے سوال کیا کہ ایسی بحث کا کیا فائدہ جس میں دونوں اہم ذمہ دار شخصیات ہی شریک نہ ہوں۔ گوگوئی نے کہا کہ اپوزیشن کی بنیادی مانگ ہے کہ مرکزی وزیر داخلہ امت شاہ اس معاملے پر جواب دیں، لیکن ان کی غیر موجودگی میں یہ کیسے ممکن ہے۔ انہوں نے الزام لگایا کہ حکومت تعلیم اور امتحانی بے ضابطگیوں کے معاملے پر جواب دینے سے گریز کر رہی ہے، اسی لیے اپوزیشن نے وقفۂ سوالات کے دوران بھی یہ مسئلہ بھرپور انداز میں اٹھایا۔#WATCH | Delhi | Congress MP Gaurav Gogoi says, "There is a discussion on the examination, and the Prime Minister or the Home Minister is not in the House. What kind of discussion is this where the Prime Minister is absent and the Home Minister is not present? Therefore, the… pic.twitter.com/VcmGDa19zA— ANI (@ANI) July 29, 2026سی پی ایم دفتر پر کارروائی جمہوریت کے خلاف: ملکارجن کھڑگےکانگریس صدر اور راجیہ سبھا میں قائد حزب اختلاف ملکارجن کھڑگے نے دہلی میں سی پی ایم کے دفتر پر پولیس کارروائی کا معاملہ اٹھاتے ہوئے کہا کہ کسی قومی سیاسی جماعت کے دفتر میں داخل ہو کر اس نوعیت کی کارروائی جمہوری اقدار کے منافی ہے۔ انہوں نے مطالبہ کیا کہ اس کارروائی کا حکم دینے والوں کی نشاندہی کر کے ان کے خلاف کارروائی کی جائے۔ اس سے قبل سی پی ایم کے رکن پارلیمنٹ جان برٹاس نے بھی ایوان میں یہ معاملہ اٹھایا تھا۔راجیہ سبھا کی کارروائی بھی 12 بجے تک ملتویلوک سبھا کے بعد راجیہ سبھا میں بھی اپوزیشن کے ہنگامے کے باعث کارروائی متاثر ہوئی۔ قائم مقام چیئرمین سی پی رادھا کرشنن نے ایوان میں نظم و ضبط برقرار نہ رہنے پر کارروائی دوپہر 12 بجے تک ملتوی کر دی۔ اپوزیشن نے مختلف سیاسی اور پارلیمانی معاملات پر احتجاج کیا۔ سچ بولنے کی سزا بھی ملی تو سچ ہی بولوں گی: پرینکا گاندھیکانگریس رکن پارلیمنٹ پرینکا گاندھی نے مرکزی وزیر پرہلاد جوشی سے متعلق اپنے بیان پر وضاحت دیتے ہوئے کہا کہ انہوں نے کوئی غیر پارلیمانی بات نہیں کہی بلکہ صرف سچ بیان کیا ہے۔ انہوں نے کہا، ’’اگر سچ بولنے پر مجھے سزا بھی دی جاتی ہے تو بھی میں سچ ہی بولوں گی۔‘‘ پرینکا گاندھی نے دعویٰ کیا کہ خواتین سے متعلق بعض واقعات اور ان سے جڑے افراد کے حوالے سے ان کے بیان کے حق میں شواہد موجود ہیں اور اسی تناظر میں انہوں نے اپنی بات ایوان میں رکھی تھی۔#WATCH | Delhi: On her remarks on Pralhad Joshi, Congress MP Priyanka Gandhi Vadra says, "What was unparliamentary about it? It was simply the truth. If they want to punish me for speaking the truth—well, I will speak the truth. You have seen that there are videos—and it is not… pic.twitter.com/DMjNsHXS9F— ANI (@ANI) July 29, 2026سماجوادی پارٹی کا پارلیمنٹ میں احتجاجلوک سبھا کی کارروائی شروع ہونے سے قبل سماجوادی پارٹی کے ارکان نے پارلیمنٹ احاطے میں احتجاج کیا۔ اس دوران ارکان نے ’چندہ چور، گدی چھوڑ‘ کے نعرے لگائے اور مرکزی حکومت کو مختلف معاملات پر تنقید کا نشانہ بنایا۔ احتجاج کے بعد اپوزیشن کے ہنگامے کی وجہ سے ایوان کی کارروائی دوپہر 12 بجے تک ملتوی کر دی گئی۔#WATCH | Delhi: Carrying placards and raising slogans of "chanda chor gaddi chhodd", Samajwadi Party MPs protest over Ram Mandir donation embezzlement case. pic.twitter.com/oSxnMlTOvR— ANI (@ANI) July 29, 2026لوک سبھا کی کارروائی 12 بجے تک ملتویلوک سبھا کی کارروائی بدھ کی صبح شروع ہوتے ہی اپوزیشن ارکان نے مختلف مسائل پر ہنگامہ کیا، جس کے باعث ایوان کی کارروائی معمول کے مطابق نہیں چل سکی۔ شور شرابے کے دوران اسپیکر نے کارروائی کو دوپہر 12 بجے تک ملتوی کرنے کا اعلان کر دیا۔ آج ایوان میں اینٹی پیپر لیک (ترمیمی) بل پر دوسرے دن کی بحث دوبارہ شروع ہونے اور حکومت کی جانب سے اپوزیشن کے سوالات کا جواب دیے جانے کا امکان ہے۔لوک سبھا میں اینٹی پیپر لیک بل پر دوسرے دن بھی ہنگامہلوک سبھا میں اینٹی پیپر لیک (ترمیمی) بل پر بحث کے دوسرے دن بھی ہنگامہ آرائی دیکھنے میں آئی۔ کارروائی شروع ہوتے ہی اپوزیشن کے شور شرابے کے باعث اسپیکر نے ایوان کی کارروائی دوپہر 12 بجے تک ملتوی کر دی۔ آج حکومت کی جانب سے اپوزیشن کے اعتراضات کا جواب دیا جانا ہے، جبکہ اپوزیشن لیڈر راہل گاندھی کی تقریر بھی متوقع ہے۔