ہندوستانی کرکٹ کے نئے ستارہ ویبھو سوریہ ونشی محض 15 برس کی عمر میں مسلسل بڑے اسٹیج پر اپنی چھاپ چھوڑتے دکھائی دے رہے ہیں۔ زمبابوے کے دورے پر بلے سے شاندار کارکردگی کا صلہ اب انھیں آئی سی سی رینکنگ میں بھی ملا ہے۔ ٹی-20 انٹرنیشنل بلے بازوں کی تازہ رینکنگ میں ویبھو نے 230 درجات کی زبردست چھلانگ لگاتے ہوئے براہ راست 48ویں مقام پر دھماکہ خیز انٹری کی ہے۔ اتنی بڑی چھلانگ اس بات کا اشارہ ہے کہ اب دنیا اس نوجوان بلے باز کو سنجیدگی سے لینے کو مجبور ہوگی۔From No. 278 to No. 48! A staggering rise of 230 places in the ICC T20I batting rankings. What can't this teenage sensation do? #VaibhavSooryavanshi #TeamIndia #Sportskeeda pic.twitter.com/0pvrKv7PjA— Sportskeeda (@Sportskeeda) July 29, 2026زمبابوے کے خلاف 3 میچوں کی ٹی-20 سیریز میں ویبھو نے 2 نصف سنچریاں اسکور کیں اور مجموعی طور پر 151 رنز بنائے۔ ان کی اوسط 50.33 رہی اور ہندوستان نے سیریز 0-3 سے اپنے نام کی۔ اس شاندار کارکردگی کا اثر آئی سی سی رینکنگ میں بھی نظر آیا، جہاں ان کے ریٹنگ پوائنٹس بڑھ کر 536 ہو گئے۔ ویبھو ابھی ہندوستانی بلے بازوں میں سرفہرست نہیں ہیں، لیکن ان کا سفر انتہائی تیز رفتاری سے آگے بڑھ رہا ہے۔ٹی-20 انٹرنیشنل بلے بازوں کی رینکنگ میں ہندوستان کے ایشان کشن اب بھی 910 ریٹنگ پوائنٹس کے ساتھ پہلے نمبر پر برقرار ہیں۔ تلک ورما 2 درجات کی ترقی کے ساتھ چھٹے نمبر پر پہنچ گئے ہیں، جبکہ کپتان شریئس ایئر 7 درجات کی چھلانگ لگا کر 24ویں مقام پر آ گئے ہیں۔ اگر گیند بازوں کی بات کریں تو لیگ اسپنر روی بشنوئی نے 31 درجات کی چھلانگ لگا کر 41واں مقام حاصل کیا ہے۔ دوسری جانب انجری کے باعث زمبابوے کے دورے سے باہر رہنے والے ورون چکرورتی 3 درجات نیچے کھسک گئے، تاہم وہ اب بھی ٹاپ 10 میں برقرار ہیں۔SHUBMAN GILL BECOMES THE NEW NO.1 ODI BATTERNO.1 - SHUBMAN GILL (801 rating)NO.3 - VIRAT KOHLI (767 rating)NO.4 - ROHIT SHARMA (758 rating)- 3 INDIAN BATSMAN IN TOP 5 ODI BATTER #ShubmanGill #ViratKohli #RohitSharma #ICC pic.twitter.com/DScHtA0cSm— Vaibhav Binod (@VaibhavBinod) July 29, 2026وَنڈے کرکٹ میں بھی ہندوستان کے لیے بڑی خوشخبری آئی ہے۔ کپتان شبھمن گل نے 801 ریٹنگ پوائنٹس حاصل کر نیوزی لینڈ کے ڈیرل مچل کو پیچھے چھوڑتے ہوئے آئی سی سی ونڈے بلے بازوں کی رینکنگ میں دوبارہ پہلا مقام حاصل کر لیا ہے۔ مچل اس سال جنوری سے سرفہرست تھے۔ اس رینکنگ میں وراٹ کوہلی 767 ریٹنگ پوائنٹس کے ساتھ تیسرے مقام پر اور روہت شرما 758 ریٹنگ پوائنٹس کے ساتھ چوتھے مقام پر قابض ہیں۔