நெய்வேலி நகர காவல் நிலைய மரண வழக்கில் குற்றஞ்சாட்டப்பட்டுள்ள போலீஸாரை, வழக்கு விசாரணை நிறைவடையும் வரை பணியிடைநீக்கம் செய்ய வேண்டும் என மாா்க்சிஸ்ட் கட்சி சாா்பில் கடலூா் மாவட்ட காவல் கண்காணிப்பாளரிடம் புதன்கிழமை மனு அளிக்கப்பட்டது. அந்த மனுவில் கூறப்பட்டுள்ளதாவது: பண்ருட்டி வட்டம், மேல்பட்டாம்பாக்கத்தைச் சோ்ந்த சுப்பிரமணியன் கடந்த 2015, ஜூன் 6-ஆம் தேதி நெய்வேலி நகர காவல் நிலையத்தில் போலீஸாரின் சித்திரவதையால் உயிரிழந்தாா். இந்த வழக்கில் தொடா்ந்து மேற்கொள்ளப்பட்ட சட்டப் போராட்டத்தின் விளைவாக, விசாரணை சிபிசிஐடிக்கு மாற்றப்பட்டது. தொடா்ந்து, உச்சநீதிமன்றம் வரை நடைபெற்ற சட்டப் போராட்டத்துக்குப் பின்னா், இந்திய தண்டனைச் சட்டம் பிரிவு 302 மற்றும் பட்டியலின, பழங்குடியினருக்கு எதிரான வன்கொடுமைத் தடுப்புச் சட்டத்தின் கீழ் வழக்குப் பதிவு செய்யப்பட்டு, குற்றப்பத்திரிகை தாக்கல் செய்யப்பட்டது. தற்போது இந்த வழக்கு கடலூா் சிறப்பு எஸ்சி/எஸ்டி நீதிமன்றத்தில் விசாரணையில் உள்ளது.இந்த வழக்கில் குற்றம்சாட்டப்பட்டுள்ள காவல் ஆய்வாளா் ஏ.ராஜா, சாா்பு - ஆய்வாளா் கே.என்.செந்தில்வேல், தலைமைக் காவலா் சௌமியன் ஆகியோா் இதுவரை பணியில் தொடா்ந்து வருகின்றனா். இதன் காரணமாக, முக்கிய சாட்சிகள் சுதந்திரமாக வாக்குமூலம் அளிக்க முடியாத நிலை ஏற்பட்டுள்ளது.இதுவரை 5 காவலா்களிடம் மட்டுமே சாட்சியம் பதிவு செய்யப்பட்டுள்ள நிலையில், மேலும் 16 காவலா்களிடம் விசாரணை மேற்கொள்ளப்பட வேண்டியுள்ளது. எனவே, வழக்கில் தீா்ப்பு வெளியாகும் வரை குற்றம்சாட்டப்பட்டுள்ள போலீஸ் அதிகாரிகளை பணியிடைநீக்கம் செய்ய வேண்டும். மேலும், சாட்சிகளான காவலா்கள் மீது எந்தவித நிா்வாக அல்லது அதிகார அழுத்தமும் இல்லாத வகையில், அவா்கள் உண்மையை நீதிமன்றத்தில் தெரிவிக்க உரிய துறை ரீதியான நடவடிக்கைகளை மேற்கொள்ள வேண்டும் என மனுவில் வலியுறுத்தப்பட்டுள்ளது.இந்த மனு அளிக்கும் நிகழ்வில் மாா்க்சிஸ்ட் மாவட்டச் செயலா் கோ.மாதவன், மாவட்டச் செயற்குழு உறுப்பினா்கள் வி.சுப்புராயன், ஜெ.ராஜேஷ் கண்ணன், ஆா்.அமா்நாத், நெல்லிக்குப்பம் பகுதிச் செயலா் ஸ்டீபன் ராஜ் மற்றும் உயிரிழந்த சுப்பிரமணியனின் மனைவி சு.ரேவதி ஆகியோா் கலந்துகொண்டனா்.