سعودی اور قطری توانائی تنصیبات کے تحفظ کے لیے امریکہ نے پیٹریاٹ بیٹریز کی اضافی کھیپ بھیج دی۔خبر رساں ویب سائٹ ‘ایکسیس’ (Axios) نے دو امریکی عہدیداروں اور خطے کے ایک ذریعے کا حوالہ دیتے ہوئے رپورٹ کیا کہ ایران کے خلاف ممکنہ نئے فوجی آپریشنز کی تیاریوں کے دوران، امریکی فوج نے سعودی عرب اور قطر میں توانائی کی تنصیبات کے تحفظ کے لیے پیٹریاٹ میزائل کی دو اضافی بیٹریاں (batteries) تعینات کی ہیں۔رپورٹ کے مطابق ایک بیٹری گزشتہ ماہ سعودی عرب میں تیل کی ایک اہم تنصیب کے تحفظ کے لیے بھیجی گئی تھی، جبکہ دوسری قطر میں قدرتی گیس کی تنصیب کے دفاع کے لیے تعینات کی گئی۔ان تعیناتیوں کا مقصد دونوں ممالک کو یہ یقین دہانی کرانا تھا کہ اگر امریکی صدر ڈونلڈ ٹرمپ ایران کے خلاف بڑے پیمانے پر جنگی کارروائیاں دوبارہ شروع کرتے ہیں تو واشنگٹن ان کے توانائی کے اہم بنیادی ڈھانچے کا تحفظ کرے گا۔اسلامی تعاون تنظیم کی مدینہ منورہ پر حوثی حملے کی مذمتٹرمپ نے جمعرات کو کہا کہ وہ آنے والے ہفتوں میں بمباری کی مہم دوبارہ شروع کرنے پر غور کر رہے ہیں۔انہوں نے کہا، "اب مجھے فیصلہ کرنا ہے: یا تو ایران معاہدے پر دستخط کرے، یا پھر اس کا وجود ہی باقی نہیں رہے گا۔”