അദാനി ന്യൂ ഇൻഡസ്ട്രീസ് ലിമിറ്റഡിന്‍റെ സോളാർ നിർമ്മാണ വിഭാഗമായ അദാനി സോളാർ, വുഡ് മക്കെൻസിയുടെ ഗ്ലോബൽ സോളാർ ഫോട്ടോവോൾട്ടെയ്ക് മൊഡ്യൂൾ മാനുഫാക്ചറർ റാങ്കിംഗില്‍ ആറാം സ്ഥാനത്തെത്തി. ആഗോളതലത്തിൽ മികച്ച 10 സ്ഥാനങ്ങളിൽ ഇടം നേടിയ ഏക ഇന്ത്യൻ കമ്പനിയും അദാനി സോളാറാണ്.ഊർജ്ജ ഗവേഷണ, കൺസൾട്ടൻസി സ്ഥാപനമായ വുഡ് മക്കെൻസിയുടെ മുൻ റാങ്കിംഗില്‍ എട്ടാം സ്ഥാനമായിരുന്നു അദാനി സോളാറിന്. സോളാർ മൊഡ്യൂൾ നിർമ്മാതാക്കളുടെ ശേഷി വിനിയോഗം, സാങ്കേതികവിദ്യാ പക്വത, സാമ്പത്തിക പ്രകടനം, വിതരണ ശൃംഖല പ്രതിരോധശേഷി, പ്രവർത്തന ശക്തി എന്നിവയുൾപ്പെടെയുള്ള പാരാമീറ്ററുകളിൽ വിലയിരുത്തിയാണ് വുഡ് മെക്കന്‍സിയുടെ റാങ്കിങ്ങ് നിര്‍ണയം. നിർമ്മാണം, സാങ്കേതികവിദ്യ, സാമ്പത്തിക ആരോഗ്യം, വിതരണ ശൃംഖല പ്രതിരോധശേഷി, പ്രവർത്തന അളവുകൾ എന്നിവയിലെല്ലാം അദാനി സോളാറിന് ഗ്രേഡ് എ ക്ലാസിഫിക്കേഷന്‍ ലഭിച്ചു.വുഡ് മക്കെൻസി പട്ടികയിലെ ആദ്യ ആറ് സ്ഥാനങ്ങളും ചൈനീസ് സ്ഥാപനങ്ങള്‍ക്കാണ്. പട്ടികയിൽ ഒന്നാം സ്ഥാനം ലോംഗി ഗ്രീൻ എനർജിയ്ക്കാണ്. ജിങ്കോ സോളാർ, ജെഎ സോളാർ, ട്രിനസോളാർ എന്നിവ തൊട്ടുപിന്നിലുണ്ട്.Also Read: ഇൻ്റലിസ്മാർട്ട് ഇൻഫ്രാസ്ട്രക്ചറിനെ ഏറ്റെടുക്കാൻ അദാനി എനർജി; 3,050 കോടി രൂപയുടെ വമ്പൻ കരാർവൈദ്യുതി ഇറക്കുമതി കുറയ്ക്കുന്നതിനായി ആഭ്യന്തര സൗരോര്‍ജ ഉൽപ്പാദന ശേഷി വികസിപ്പിക്കാന്‍ ഇന്ത്യ ലക്ഷ്യമിട്ടിരുന്നു. ഇതേതുടര്‍ന്ന് 2014-ൽ 2.5 ജിഗാവാട്ടിൽ (GW) കുറവായിരുന്ന ഇന്ത്യയുടെ സോളാർ മൊഡ്യൂൾ നിർമ്മാണ ശേഷി 2026 ആയപ്പോഴേക്കും 170 GW-ൽ അധികമായി വളർന്നു. അതേസമയം, ആഭ്യന്തര സോളാർ സെൽ നിർമ്മാണ ശേഷി 27 GW-ൽ എത്തിയിട്ടുണ്ട്.ഗുജറാത്തിലെ മുന്ദ്രയിലെ പ്ലാന്‍റിന്‍റെ സംയോജിത നിർമ്മാണ വാർഷിക ശേഷി 10 GW ആയി വികസിപ്പിക്കുകയാണ് അദാനി സോളാർ. നിലവിൽ 2GW ഇൻഗോട്ട്, വേഫർ ശേഷിയും 4 GW വീതം സോളാർ സെല്ലും മൊഡ്യൂൾ നിർമ്മാണ ശേഷിയും കമ്പനി പ്രവർത്തിപ്പിക്കുന്നു. മറ്റ് നിര്‍മാതാക്കളില്‍ നിന്ന് വ്യത്യസ്തമായി ഇൻഗോട്ടുകൾ, വേഫറുകൾ, സോളാർ സെല്ലുകൾ, ഫിനിഷ്ഡ് മൊഡ്യൂളുകൾ എന്നിവ ഉൾക്കൊള്ളുന്ന സംയോജിത പ്രവർത്തനങ്ങളാണ് അദാനി സോളാര്‍ നടത്തുന്നത്.2026 ലെ രണ്ടാം പാദത്തിൽ കമ്പനി ബ്ലൂംബെർഗ്നെഫ് ടയർ-1 നിർമ്മാതാവ് എന്ന അംഗീകാരം കമ്പിനിക്ക് ലഭിച്ചിരുന്നു. കൂടാതെ കിവ പിവിഇഎൽ നടത്തിയ സ്വതന്ത്ര സോളാർ മൊഡ്യൂൾ വിശ്വാസ്യത വിലയിരുത്തലുകളിൽ സ്ഥിരമായി മികച്ച പ്രകടനം കാഴ്ചവയ്ക്കുന്ന സ്ഥാപനവുമാണ് അദാനി സോളാര്‍.ഇന്ത്യ, ദക്ഷിണ കൊറിയ, സിംഗപ്പൂർ എന്നിവിടങ്ങളിൽ നിന്നുള്ള കമ്പനികൾ കൂടുതൽ ഭൂമിശാസ്ത്രപരമായി വൈവിധ്യപൂർണ്ണമായസൗരോർജ്ജ നിർമ്മാണ വ്യവസായത്തിന് സംഭാവന നൽകുന്നവരായി ഉയർന്നുവരുമ്പോൾ, ചൈനീസ് നിർമ്മാതാക്കൾ ആഗോള റാങ്കിംഗിൽ ആധിപത്യം പുലർത്തുന്നത് തുടരുകയാണെന്ന് വുഡ് മക്കെൻസി അറിയിച്ചു.വാർഷിക സൗരോർജ ശേഷി വര്‍ധിപ്പിക്കുന്നതില്‍ അമേരിക്കയെ മറികടന്ന് ഇന്ത്യ ലോകത്തിലെ ഏറ്റവും വേഗത്തിൽ വളരുന്ന സൗരോർജ്ജ വിപണികളിൽ ഒന്നായി കഴിഞ്ഞ വര്‍ഷം മാറിയിരുന്നു. 155 ജിഗാവാട്ടിലേറെ സൗരോര്‍ജം ഉത്പാദിപ്പിക്കുന്ന പ്ലാന്‍റുകളാണ് കഴിഞ്ഞ വര്‍ഷം ഇന്ത്യയില്‍ സ്ഥാപിതമായത്. ഇത് രാജ്യത്തിന്‍റെ 50 ശതമാനം ഫോസിൽ ഇതര ഇന്ധന ശേഷി ലക്ഷ്യം കൈവരിക്കുന്നതിനും അതിന്‍റെ ദേശീയമായി നിർണ്ണയിക്കപ്പെട്ട ലക്ഷ്യങ്ങള്‍ നിശ്ചിത സമയപരിധിക്ക് മുമ്പേ പൂർത്തീകരിക്കുന്നതിനും സഹായിച്ചു. 2021-ൽ സോളാർ മൊഡ്യൂളുകൾ നിർമ്മിക്കുന്ന കമ്പനികളുടെ എണ്ണം 21 ആയിരുന്നത് ഇന്ന് ഏകദേശം 100 ആയി വര്‍ധിച്ചിട്ടുണ്ട്.The post വുഡ് മക്കെൻസി റാങ്കിങ്ങില് അദാനി സോളാറിന് ആറാം സ്ഥാനം; രാജ്യാന്തര തലത്തിലെ മികച്ച പത്തില് സ്ഥാനം നേടിയ ഏക ഇന്ത്യന് കമ്പിനി appeared first on Kairali News | Kairali News Live.