اطالوی وزیر اعظم کا کہنا ہے کہ غزہ کے امدادی فلوٹیلا سے فلسطینیوں کو ’کوئی فائدہ نہیں‘۔اسرائیل کی طرف سے 22 اطالوی شہریوں کو حراست میں لیے جانے کے بعد وزیر اعظم جارجیا میلونی نے غزہ پہنچنے اور محاصرہ توڑنے کی کوششوں پر اپنی تنقید کو دہرایا ہے۔میلونی نے ڈنمارک میں یورپی یونین کے اجلاس میں صحافیوں کو بتایا کہ "ظاہر ہے، ہم یہ یقینی بنانے کے لیے ہر ممکن کوشش کریں گے کہ یہ لوگ جلد از جلد اٹلی واپس آ سکیں ’’میں اس بات پر یقین رکھتی ہوں کہ اس سب سے فلسطینی عوام کو کوئی فائدہ نہیں ہوگا۔‘‘گلوبل صمود فلوٹیلا غزہ کے قریب، اٹلی نے دھوکہ دے دیاوزیر خارجہ انتونیو تاجانی نے قبل ازیں پارلیمنٹ کو بتایا تھا کہ اسرائیل نے 22 اطالوی شہریوں کو حراست میں لیا ہے جن کی صحت ٹھیک ہے۔قطرقطر نے گلوبل صمود فلوٹیلا کے گرفتار ارکان کی فوری رہائی اور اسرائیل کو اس غیرقانونی اقدام پر جواب دہ ٹھہرانے کا مطالبہ کیا ہے۔قطری وزارت خارجہ کی جانب سے جاری بیان کے مطابق فلوٹیلا کے قیدی فوری رہا کیے جائیں اور ذمہ دار وں کو جوابدہ ٹھہرایا جائے۔ترک صدرترک صدر نے کہا ہے کہ امدادی فلوٹیلا عملے کی گرفتاری غزہ میں ہونے والی بربریت کی مثال ہے۔ صدر رجب طیب اردوان نے اسرائیل کی جانب سے غزہ کے امدادی جہازوں کو روکنے کو ’بحری قزاقی‘ قرار دیا ہے۔اپنی AKP پارٹی سے خطاب میں اردوان نے کہا کہ بین الاقوامی پانیوں میں یہ اقدام ثابت کرتا ہے کہ "نسل کشی کا آلہ غزہ میں اپنے جرائم کو چھپانے کے لیے جنون کی حالت میں ہے”۔پاکستانی وزیراعظموزیر اعظم شہباز شریف نے گلوبل صمود فلوٹیلا میں اسرائیل کے ہاتھوں گرفتار پاکستانیوں کی واپسی کا مطالبہ کر دیا۔وزیر اعطم شہباز شریف نے سوشل میڈیا پلیٹ فارم ایکس پر بیان جاری کیا جس میں انہوں نے کہا کہ غزہ فلوٹیلا میں پاکستانیوں کی باوقار شرکت کو سراہتا ہوں، مشتاق احمد خان، مظہر سعید، وہاج احمد، اسامہ ریاض، اسماعیل خان، عزیز نظامی، فہد اشتیاق و دیگر پاکستانیوں نے امدادی مشن میں حصہ لیا۔شہباز شریف نے کہا کہ یہ اقدام پاکستانیوں کی انصاف کیلیے جدوجہد اور مدد کے جذبے کی نمائندگی ہے، حکومت پاکستان انسانی جان کا احترام، محفوظ رسائی اور بلاتعطل امداد کے اصولوں کی حمایت کرتی ہے۔کولمبیاکولمبیا نے پُرامن گلوبل صمود فلوٹیلا پر حملے کو عالمی جرم قرار دیتے ہوئے اسرائیلی سفارتکاروں کو ملک بدر کر دیا۔کولمبیا کے صدر گوستاوو پیٹرو نے غزہ پٹی میں انسانی امداد پہنچانے کی کوشش کرنے والے گلوبل صمود فلوٹیلا پر 2 کولمبیائی شہریوں کی گرفتاری کے بعد اسرائیلی سفارتکاروں کو ملک چھوڑنے کا حکم جاری کیا۔حماسفلسطین کی مزاحمتی تنظیم حماس نے صمود فلوٹیلا پر حملہ اور کارکنوں کی گرفتاری کو دہشتگردی قرار دیدیا۔فلسطین کی مزاحمتی تنظیم حماس نے ایک بیان میں کہا ہے کہ غزہ کے لیے امدادی سامان لے جانے والے گلوبل صمود فلوٹیلا پر اسرائیلی حملے اور انسانی حقوق کے کارکنوں کو گرفتار کرنا بحری قزاقی اور دہشت گردی ہے۔عالمی احتجاجاسرائیل کی گلوبل صمود فلوٹیلا پر حملے اور انسانی حقوق کے کارکنوں کی گرفتاریوں کے خلاف دنیا بھر میں احتجاج کا سلسلہ شروع ہوگیا۔گلوبل صمود فلوٹیلا پر حملے اور انسانی حقوق کے کارکنوں کی گرفتاریوں کے خلاف اٹلی، یونان، اسپین، برازیل، کولمبیا، ارجنٹینا سمیت دیگر ممالک میں بھی بڑی تعداد میں لوگ سڑکوں پر نکل آئے، اور دھرنے دے دیے۔فلسطینی عوام سے اظہار یکجہتی کے لیے نکالی گئی ریلیوں میں ہزاروں افراد شریک ہوئے، مظاہرین نے غزہ میں جاری نسل کشی اور گلوبل صمود فلوٹیلا پر حملوں کی شدید مذمت کی۔