ٹی-20 کرکٹ میں اپنی طوفانی بلے بازی سے حریف گیندبازوں میں خوف پیدا کرنے والے ہندوستانی کرکٹر ابھشیک شرما نے ایک نیا عالمی ریکارڈ قائم کر دیا ہے۔ آئی سی سی کی تازہ ٹی-20 رینکنگ میں انھوں نے 931 ریٹنگ پوائنٹس حاصل کر لیے ہیں، جو کہ کسی بھی کھلاڑی کے ذریعہ حاصل سب سے زیادہ ریٹنگ پوائنٹس ہیں۔ ابھشیک شرما ٹی-20 رینکنگ میں پہلے سے ہی دنیا کے نمبر-1 بلے باز ہیں، اور اب انھوں نے اپنی اس پوزیشن کو مزید مستحکم کر لیا ہے۔ 931 RATING FOR ABHISHEK SHARMA IN T20I Highest ever in the history of the format, breaking the record of Dawid Malan pic.twitter.com/vpSuAiSdyJ— Johns. (@CricCrazyJohns) October 1, 2025آئی سی سی رینکنگ میں سب سے زیادہ ریٹنگ پوائنٹس حاصل کرنے کا عالمی ریکارڈ اب تک انگلش بلے باز ڈیوڈ ملان کے نام تھا۔ انھوں نے 919 ریٹنگ پوائنٹس حاصل کیے تھے، لیکن اب 931 ریٹنگ پوائنٹس کے ساتھ ابھشیک شرما نے ملان کے ریکارڈ کو اپنے نام کر لیا ہے۔ آئی سی سی رینکنگ میں وہ 900 ریٹنگ پوائنٹس یا اس کو پار کرنے والے دنیا کے چھٹے بلے باز ہیں۔ آئی سی سی ٹی-20 رینکنگ میں سوریہ کمار یادو 912 ریٹنگ پوائنٹس تک پہنچ چکے ہیں، جبکہ وراٹ کوہلی نے 909 ریٹنگ پوائنٹس تک رسائی حاصل کی ہے۔ ابھشیک ان دونوں ہی بلے بازوں سے آگے نکل گئے ہیں۔بہرحال، آئی سی سی کی تازہ ٹی-20 رینکنگ میں ابھشیک شرما نے نمبر-1 مقام پر قبضہ جمایا ہوا ہے ہی، ہندوستان کے ایک دیگر بلے باز تلک ورما نے بھی بلے بازی رینکنگ میں تیسرا مقام حاصل کیا ہے۔ ان کے اِس وقت 819 ریٹنگ پوائنٹس ہیں۔ ابھشیک اور تلک کے درمیان میں دوسرے نمبر پر انگلینڈ کے بلے باز فل سالٹ ہیں، جن کے 844 ریٹنگ پوائنٹس ہیں۔ تازہ ٹی-20 رینکنگ میں ہندوستانی کپتان سوریہ کمار یادو کو نقصان ہوا ہے۔ وہ چھٹے نمبر سے آٹھویں نمبر پر کھسک گئے ہیں۔ سوریہ کمار کو ایشیا کپ میں خراب کارکردگی کا خمیازہ بھگتنا پڑا ہے۔ ان کے اِس وقت 698 ریٹنگ پوائنٹس ہیں۔