چینی انفلوئنسر لائیو اسٹریم کے دوران سنگل سیٹ ہیلی کاپٹر گرنے سے اپنی جان گنوا بیٹھا۔غیر ملکی ذرائع ابلاغ کے مطابق 55 سالہ چینی انفلوئنسر کی شناخت تانگ فیجی کے نام سے ہوئی ہے، جو اپنا سنگل سیٹ ہیلی کاپٹر (الٹرا لائٹ کو ایکسیئل روٹر) اڑا رہا تھا جو کریش کرگیا۔سوشل میڈیا پر شیئر کی جانے والی ویڈیوز میں دیکھا جاسکتا ہے کہ حادثے کے بعد ہیلی کاپٹر زمین پر گرتا ہے اور اس میں آگ بھڑک جاتی ہے۔ View this post on Instagram A post shared by ㅤㅤㅤㅤㅤㅤㅤㅤㅤㅤㅤㅤㅤㅤ (@peace.520)رپورٹس کے مطابق چینی انفلوئنسر تانگ فیجی کا تعلق صوبہ سیچوان کے شہر گوانگیوان سے تھا اور وہ چینی سوشل میڈیا پلیٹ فارم دوئین پر اپنے فالوورز کے لیے پرواز کو لائیو دکھا رہے تھے۔لندن کے مشہور سنیما میں خوفناک آگ بھڑک اٹھی، بچے ویڈیو نہ دیکھیںحکام کا کہنا ہے کہ حادثے کے مقام سے ان کی لاش مل گئی ہے، تانگ کے تقریباً ایک لاکھ فالوورز تھے، رپورٹس کے مطابق ان کا ہیلی کاپٹر صرف 115 کلوگرام وزنی تھا اور اس کی قیمت تقریباً 3 لاکھ 50 ہزار یوان (68 ہزار 400 ڈالر) تھی۔تانگ نے اپنی حالیہ ویڈیوز میں بتایا تھا کہ ان کا ہیلی کاپٹر 100 کلومیٹر فی گھنٹہ کی رفتار حاصل کرسکتا ہے اور زیادہ سے زیادہ 600 میٹر بلندی پر اڑان بھر سکتا ہے۔