نئی دہلی: آج پورے ملک میں گاندھی جینتی عقیدت و احترام کے ساتھ منائی جا رہی ہے۔ اس موقع پر کانگریس کے اہم رہنماؤں نے بابائے قوم مہاتما گاندھی کو خراجِ عقیدت پیش کیا اور ان کے دکھائے ہوئے راستے پر چلنے کے عزم کا اعادہ کیا۔ قائد حزب اختلاف اور کانگریس کے سینئر لیڈر راہل گاندھی نے ایکس پر اپنے پیغام میں کہا کہ بانیِ قوم کے اصول آج بھی ہندوستان کو جوڑنے کی طاقت رکھتے ہیں۔सत्य, अहिंसा और सौहार्द के सिद्धांतों से भारत को एकजुट करने वाले बापू के आदर्श हमें नफ़रत के सामने शांति, भाईचारे, सच्चाई और मानवता के मार्ग पर चलने की प्रेरणा देते रहेंगे।राष्ट्रपिता महात्मा गांधी जी की जयंती पर उन्हें सादर नमन। pic.twitter.com/ezSBZAPHqG— Rahul Gandhi (@RahulGandhi) October 2, 2025راہل گاندھی نے لکھا، ’’سچائی، عدم تشدد اور بھائی چارے کے نظریات ہندوستان کو متحد کرتے رہیں گے۔ بابائے قوم کی اقدار ہمیں نفرت کے مقابلے میں امن، بھائی چارے، سچائی اور انسانیت کے راستے پر چلنے کی تحریک دیتی رہیں گی۔‘‘ راہل گاندھی نے اس موقع پر بانیِ قوم کو سلام پیش کیا اور کہا کہ گاندھی جی کے خیالات آج بھی ہر ہندوستانی کے لیے روشنی کا مینار ہیں۔‘‘کانگریس صدر ملکارجن کھڑگے نے بھی ایکس پر مہاتما گاندھی کے یوم پیدائش پر ان کے قول کا حوالہ دیتے ہوئے کہا، ’’سچ لوگوں کے تعاون کے بغیر بھی کھڑا رہتا ہے، وہ خود میں مکمل ہے۔‘‘کھڑگے نے کہا کہ گاندھی جی نے سچائی، عدم تشدد اور ستیاگرہ جیسے اعلیٰ اقدار کے ذریعے دنیا کو امن کا راستہ دکھایا۔ انہوں نے گاندھی جی کو ہندوستانی آزادی تحریک کا عظیم معمار قرار دیا اور کہا کہ ان کے نظریات ہمارے لیے ہمیشہ تحریک کا ذریعہ رہیں گے۔ کھڑگے نے اس بات پر زور دیا کہ آج جب بانیِ قوم کے اصولوں کو چیلنجز درپیش ہیں، تو ہمیں گاندھی جی کی تعلیمات پر چل کر ہی ان کا مقابلہ کرنا ہوگا۔“सत्य लोगों के समर्थन के बिना भी खड़ा रहता है, वह आत्मनिर्भर है”~ महात्मा गाँधीसत्य, अहिंसा और सत्याग्रह जैसे सर्वोच्च मूल्यों से सम्पूर्ण विश्व को शांति का मार्ग दिखाने वाले, भारतीय स्वतंत्रता आंदोलन के महान सूत्रधार और राष्ट्रपिता महात्मा गाँधी जी के आदर्श हमारे लिए सदैव… pic.twitter.com/AvOqfZ3iPx— Mallikarjun Kharge (@kharge) October 2, 2025کانگریس پارٹی کے آفیشل ہینڈل سے بھی ایکس پر پیغام جاری کیا گیا، جس میں کہا گیا، ’’بابائے قوم مہاتما گاندھی جی کی جینتی پر لاکھوں سلام۔ آئیے ہم سب باپو کی جینتی پر سچائی، عدم تشدد کی اقدار پر عمل کرنے کا عہد کریں اور سماجی انصاف کی جانب ایک مضبوط قدم اٹھائیں۔‘‘اس موقع پر کانگریس کے دیگر رہنماؤں نے بھی اپنے بیانات میں کہا کہ گاندھی جی نے ہندوستان کو آزادی دلانے کے لیے نہ صرف انقلابی تحریک کو قیادت دی بلکہ دنیا بھر کو امن اور بھائی چارے کا پیغام دیا۔ ان کے نظریات آج بھی ہر دور میں اتنے ہی موزوں ہیں جتنے آزادی کی جدوجہد کے وقت تھے۔ گاندھی جینتی پر ملک بھر میں مختلف تقریبات منعقد کی جا رہی ہیں۔ اسکولوں، کالجوں اور سماجی اداروں میں بانیِ قوم کو یاد کیا جا رہا ہے، جبکہ کانگریس کی جانب سے مہاتما گاندھی کے یوم پیدائش پر ملک کے عوام کو امن، بھائی چارے اور ہم آہنگی کا پیغام دیا گیا ہے۔گاندھی جی کو یاد کرتے ہوئے کانگریس رہنماؤں نے ایک بار پھر اس عہد کا اعادہ کیا کہ نفرت اور تفرقہ پھیلانے والی طاقتوں کے مقابلے میں صرف گاندھی جی کے نظریات ہی ہندوستان کو متحد اور مضبوط بنا سکتے ہیں۔