యాక్షన్ ప్రియులు ఎంతో ఆసక్తిగా ఎదురుచూస్తున్న 'వార్ 2'సినిమా ప్రేక్షకుల ముందుకు వచ్చేసింది. యంగ్ టైగర్ , బాలీవుడ్ గ్రీక్ గాడ్ హృతిక్ రోషన్ కాంబినేషన్ లో తెరకెక్కిన ఈ స్పై యాక్షన్ థ్రిల్లర్ తెరకెక్కింది. భారీ అంచనాల నడుమ ఈరోజు గురువారం (ఆగస్టు 14) థియేటర్లలో విడుదలైంది. యూఎస్ నుంచి ప్రీమియర్ షోల టాక్ బయటకు వచ్చింది. సినిమా చూసిన జనాలు సోషల్ మీడియా వేదికగా తమ అభిప్రాయాన్ని పంచుకుంటున్నారు. 'వార్ 2' ట్విట్టర్ టాక్ ఏంటి? తారక్, హృతిక్ వార్ ఎలా ఉంది? ఉందనేది ఇప్పుడు చూద్దాం.'వార్ 2' సినిమాతో ఎన్టీఆర్ బాలీవుడ్ లో ఎంట్రీ ఇచ్చారు. ఇది ఆయనకు హిందీ డెబ్యూ కావడంతో మొదటి నుంచే అందరిలో ఆసక్తి నెలకొంది. హృతిక్ రోషన్ లాంటి సూపర్ స్టార్ తో స్క్రీన్ షేర్ చేసుకోవడంతో, తప్పకుండా బాక్సాఫీస్ ను షేక్ చేస్తుందని భావించారు. దానికి తగ్గట్టుగానే టీజర్, ట్రైలర్ కు మంచి రెస్పాన్స్ రావడంతో అంచనాలు పెరిగిపోయాయి. ఇప్పుడు ట్విట్టర్ లో పోస్టులు చూస్తుంటే, కొందరు బొమ్మ బ్లాక్ బస్టర్ అంటుంటే.. మరికొందరు మాత్రం ఆశించిన స్థాయిలో లేదని పేర్కొన్నారు.'వార్ 2' చిత్రంలో తారక్, హృతిక్ రోషన్ పోటాపోటీగా నటించినట్లు తెలుస్తోంది. యాక్షన్ సన్నివేశాల్లో, డ్యాన్సుల్లో ఇద్దరూ అదరగొట్టేశారు. ఇద్దరి ఇంట్రడక్షన్ సీన్స్ నెక్స్ట్ లెవెల్ లో ఉన్నాయని అంటున్నారు. ఫస్టాఫ్ లో ఇంట్రోలు, డ్యాన్స్ నంబర్ హైలైట్ అని చెబుతున్నారు. హీరోయిన్ కియారా అద్వానీ గ్లామర్ కూడా దీనికి యాడ్ అయింది. ఓవరాల్ గా ఫస్టాఫ్ ఓకే అని కామెంట్స్ వినిపిస్తున్నాయి. రెగ్యులర్ స్పై యాక్షన్ సినిమాగా ప్రారంభమై, ఒక హై ఇచ్చే ట్విస్ట్ తో ఇంటర్వెల్ పడినట్లు తెలుస్తోంది.'వార్ 2' సెకండాఫ్ విషయంలో ఎక్కువ పాజిటివ్ పోస్టులు కనిపిస్తున్నాయి. సినిమాలో ఎన్టీఆర్ కార్ ఛేజింగ్, ట్రైన్ ఫైట్ బాగున్నాయి చెబుతున్నారు. ఇండియన్ సినిమాలో ఇప్పటి వరకూ చూడని రేంజ్ లో యాక్షన్ సన్నివేశాలు తీర్చిదిద్దారని అంటున్నారు. కానీ అక్కడక్కా వీఎఫ్ఎక్స్ వర్క్ బాగాలేదనే పోస్టులు కూడా సోషల్ మీడియాలో కనిపిస్తున్నాయి