: చాలా మందికి డబ్బు ఎక్కువ సంపాదించాలని ఆశ, కోరిక ఉంటుంది. ఇది మన బాధ్యత అని చెప్పొచ్చు. అయితే కేవలం పని చేస్తేనే జీతంతో వచ్చే డబ్బు చాలదు. ఇంకా దీని నుంచి మరింత డబ్బు సృష్టించాలి. ఇందుకోసం డబ్బును ఆదా చేయాల్సి ఉంటుంది. పెట్టుబడులు పెట్టాల్సి ఉంటుంది. చాలా మంది ఇప్పటి గురించి మాత్రమే ఆలోచిస్తూ.. వచ్చిన డబ్బును మొత్తం ఖర్చు చేసేస్తుంటారు. అనవసర ఖర్చులు చేస్తూ అప్పులు కూడా చేస్తుంటారు. ఇది ఏమాత్రం సరైనది కాదు. భవిష్యత్తు కోసం పొదుపు చేయాల్సి ఉంటుంది. ముఖ్యంగా పిల్లల పైచదువులు, ఇల్లు కట్టుకోవడం, పిల్లలకు పెళ్లిళ్లు చేయడం, కారు కొనడం ఇలా పెద్ద పెద్ద ఆర్థిక లక్ష్యాలు ఉంటాయి.ఈ లక్ష్యాలు నెరవేరాలంటే డబ్బు ఆదా చేయడం.. పెద్ద ఫండ్ సృష్టించడం చాలా అవసరం. ఇందుకోసం సంపాదించే వయసులో చిన్నప్పటి నుంచే నెల జీతం నుంచి చిన్న మొత్తాల్లో పొదుపు చేస్తూ.. పెట్టుబడులు ప్రారంభించాలి. క్రమక్రమంగా దీనిని పెంచుకుంటూ పోవచ్చు. ఇలా దీర్ఘకాలంలో పెద్ద మొత్తంలో రాబడి అందుకునే అవకాశం ఉంటుందని నిపుణులు చెబుతుంటారు. ఇక్కడ మీరు ముందుగానే లక్ష్యం నిర్దేశించుకోవాలి. అంటే నెలకు ఎంత పెట్టుబడి పెట్టాలి.. ఎన్నేళ్లలో డబ్బులు కావాలి. మీకు కావాల్సిన నగదు మొత్తం ఎంత.. ఇలా దీనికి అనుగుణంగా మీ స్థోమతను బట్టి నిర్ణయం తీసుకోవాల్సి ఉంటుంది. చాలా వరకు మ్యూచువల్ ఫండ్స్‌లో లాంగ్ రన్‌లో అద్భుత స్థాయిలో రిటర్న్స్ వస్తుంటాయని చెప్పొచ్చు. ఇక్కడ రిస్క్ ఉన్నప్పటికీ కాంపౌండింగ్ ఎఫెక్ట్ వల్ల లాంగ్ రన్‌లో రాబడి ఎక్కువ ఆశించవచ్చు.>> చాలా వరకు మ్యూచువల్ ఫండ్స్ సగటున 12 శాతానికిపైగానే రాబడి అందిస్తుంటాయి. ఇప్పుడు మనం నెలకు రూ. 20 వేలను.. మ్యూచువల్ ఫండ్స్‌లో 12 శాతం వార్షిక రిటర్న్స్ లెక్కన ఆశిస్తే.. 25 ఏళ్లలో ఎంతవుతుందో చూద్దాం. ఇక్కడ మీ మొత్తం పెట్టుబడి రూ. 60 లక్షలుగా ఉండగా.. 25 ఏళ్లలో ఇది రూ. 3.40 కోట్లు అవుతుంది. మార్కెట్ పనితీరు ఆధారంగా ఈ మొత్తం కాస్త అటుఇటుగా ఉండొచ్చు. అయితే ఇందులో గ్యారెంటీ రిటర్న్స్ అంటూ ఏం ఉండవు.గమనిక: పైన చెప్పినది కేవలం సమాచార ప్రయోజనాల కోసం మాత్రమే. పెట్టుబడికి సిఫార్సు కాదు. మ్యూచువల్ ఫండ్ పెట్టుబడులు మార్కెట్ రిస్క్‌కు లోబడి ఉంటాయి. అందుకే నిపుణుల సలహా తీసుకోవాలి. అప్పుడే మెరుగైన రాబడి అందుకునే అవకాశం ఉంటుంది.