హైదరాబాద్ వాతావరణ కేంద్రం జారీ చేసింది. వచ్చే వారం రాష్ట్రంలోని పలు ప్రాంతాల్లో తేలికపాటి నుంచి ఓ మోస్తరు వర్షాలు కురిసే అవకాశం ఉందని తెలిపింది. గంటకు 40 నుంచి 50 కిలోమీటర్ల వేగంతో బలమైన గాలులు వీస్తాయని అంచనా వేస్తున్నారు. అయితే ఈ వర్షాలు గత కొంతకాలంగా వర్షాభావ పరిస్థితులతో అల్లాడుతున్న రైతన్నలకు ఎంతవరకు ఉపశమనం కలిగిస్తాయనేది ప్రశ్నార్థకమే.నేడు తెలంగాణలోని కొత్తగూడెం, మంగపేట, చెర్ల, సారపాక వంటి ప్రాంతాల్లో ఉదయం 11 గంటల వరకు తేలికపాటి వర్షం పడుతుందని, మిగిలిన ప్రాంతాల్లో పొడి వాతావరణంతో పాటు రోజంతా మేఘావృతమై ఉంటుందని వాతావరణ శాఖ తెలిపింది. అరేబియా సముద్రంలో గంటకు 55 కిలోమీటర్ల వేగంతో వీస్తున్న గాలులు కేరళ, కర్ణాటక మీదుగా ఏపీ, తెలంగాణలోకి ప్రవేశిస్తున్నాయి.తెలంగాణలో ఉష్ణోగ్రత 31 నుంచి 35 డిగ్రీల సెల్సియస్ మధ్య ఉంటుందని, మేఘాలు, గాలుల కారణంగా లభిస్తుందని అధికారులు పేర్కొన్నారు. సగటు తేమ 48 శాతం ఉంటుందని అంచనా. హిందూ మహా సముద్రంలో, భూమధ్య రేఖ ప్రాంతంలో దట్టమైన మేఘాలు ఏర్పడి భారీ వర్షాలు కురుస్తున్నాయని, అవి ఒక వారం పాటు ఉండే అవకాశం ఉందని, తెలుగు రాష్ట్రాల్లోకి ప్రవేశించే అవకాశాలు కూడా ఉన్నాయని, అవి వస్తే మంచి వర్షాలు కురుస్తాయని ఆశాభావం వ్యక్తం చేశారు.గత కొన్ని వారాలుగా కురవకపోవడంతో రైతులు తీవ్ర ఇబ్బందులు ఎదుర్కొంటున్నారు. ముఖ్యంగా ఖరీఫ్ సీజన్ ప్రారంభం కావడంతో నాట్లు వేయడానికి, పంటలు పెరగడానికి సరైన వర్షాలు లేక ఆందోళన చెందుతున్నారు. భూగర్భజలాలు అడుగంటిపోవడం, చెరువులు, కుంటలు ఎండిపోవడం వంటి కారణాలతో సాగునీటికి తీవ్ర కొరత ఏర్పడింది. కొన్ని ప్రాంతాల్లో రైతులు బోర్లు వేసినా.. అవి కూడా ఆశించిన స్థాయిలో నీటిని అందించలేకపోతున్నాయి.వర్షాలు లేకపోవడంతో విత్తనాలు మొలకెత్తడం లేదు, మొలకెత్తిన పంటలు కూడా ఎండిపోతున్నాయి. ఇది రైతులకు పెట్టుబడి నష్టాన్ని చేకూరుస్తోంది. పశుగ్రాసం కొరత కూడా రైతులను బాధిస్తోంది. రాబోయే వర్షాలు ఈ వర్షాభావ పరిస్థితులను కొంతమేర తీరుస్తాయని ఆశిస్తున్నా.. అవి ఎంతవరకు ఫలిస్తాయో వేచి చూడాలి. ఈ వర్షాల హెచ్చరికలు తెలంగాణ రైతులకు కొంత ఆశను రేకెత్తించినా.. సమృద్ధిగా వర్షాలు కురిసి, వారి కష్టాలు తీరాలని ఆశిద్దాం.