Gold Price Fall: బంగారం కొనుగోలుదారులకు ఇదే మంచి అవకాశం. దేశీయ మార్కెట్ల పసిడి ధరలు వరుసగా రెండో రోజూ తగ్గాయి. గత వారం రోజులుగా వరుసుగా పెరుగుతూ వచ్చిన బెంబేలెత్తించిన పసిడి ధరలు ఇప్పుడు వరుసగా దిగివస్తుండడం ఊరట కలిగించే విషయంగా చెప్పవచ్చు. అంతర్జాతీయ మార్కెట్లో ధరలు వరుసగా తగ్గుతూ రావడం, ప్రపంచ దేశాల మధ్య వాణిజ్య ఉద్రిక్తతలు తగ్గడం దేశీయంగా పుత్తడి ధరలు దిగివచ్చేందుకు కారణమైనట్లు బులియన్ మార్కెట్ వర్గాలు భావిస్తున్నాయి. అయితే, ఇవాళ గ్లోబల్ ఎంసీఎక్స్ మార్కెట్లో గోల్డ్ రేట్లు పెరిగాయి. దీంతో దేశీయంగా బంగారం రేట్లు మళ్లీ పెరగవచ్చని అంచనా వేస్తున్నారు. అందుకే బంగారం కొనేందుకు ఇదే మంచి అవకాశంగా చెబుతున్నారు. ఈ క్రమంలో హైదరాబాద్ బులియన్ మార్కెట్లో జూలై 17వ తేదీన తులం స్వచ్ఛమైన బంగారం రేటు ఎంతకు దిగివచ్చిందో తెలుసుకుందాం. అంతర్జాతీయ మార్కెట్లో పసిడి ధరలు వరుసగా తగ్గుతూ వచ్చి ఇవాళ సడెన్ షాకిచ్చాయి. స్పాట్ గోల్డ్ రేటు ఔన్సుకు ఇవాళ ఏకంగా 10 డాలర్లకు పైగా పెరిగింది. దీంతో ఔన్స్ గోల్డ్ రేటు 3340 డాలర్లు దాటింది. ఇక స్పాట్ సిల్వర్ రేటు ఔన్సుకు 0.29 శాతం మేర పెరిగి 37.9 డాలర్ల స్థాయికి చేరుకుంది. మరోవైపు.. రూపాయి విలువ కాస్త పడిపోయింది. ఈరోజు డాలర్‌తో పోలిస్తే రూ.85.88 వద్ద ట్రేడవుతోంది. హైదరాబాద్‌లో తగ్గిన బంగారం ధరక్రితం రోజు24 క్యారెట్ల మేలిమి గోల్డ్ రేటు 10 గ్రాములకు రూ.110 తగ్గగా ఇవాళ మరో రూ.490 మేర తగ్గింది. దీంతో తులం రేటు రూ.99 వేల 280 స్థాయికి పడిపోయింది. అలాగే 22 క్యారెట్ల నగల తయారీ బంగారం రేటు ఇవాళ తులంపై రూ.450 తగ్గింది. దీంతో 10 గ్రాముల ధర రూ.91,000 వద్దకు దిగివచ్చింది. రూ.1000 తగ్గిన వెండి రేటు.. బంగారంతో పాటు వెండి రేటు సైతం దిగివచ్చి భారీ ఊరట కల్పించింది. గత రెండ్రోజులుగా రికార్డ్ స్థాయిలో స్థిరంగా కొనసాగుతున్న వెండి ధర ఇవాళ ఏకంగా రూ.1000 మేర దిగివచ్చింది. దీంతో హైదరాబాద్ మార్కెట్లో కిలో వెండి ధర రూ. 1,24,000 వద్ద ట్రేడవుతోంది. ముందు ముందు మరింత తగ్గవచ్చనే అంచనాలు ఉన్నాయి. అలాగే ఢిల్లీ, ముంబై, కోల్‌కతా వంటి ప్రాంతాల్లో కిలో వెండి ధర రూ. 1,14,000 వద్ద ఉంది. ఈ కథనంలో చెప్పిన పసిడి ధరలు జూలై 17వ తేదీ ఉదయం 7 గంటల సమయానికి ఉన్న రేట్లు. అయితే, బులియన్ మార్కెట్లో రేట్లు మధ్యాహ్నం మారుతుంటాయి. జీఎస్టీ, వీఏ అంటూ అన్ని పన్నులు కలిపితే ప్రాంతాల వారీగా బంగారం రేట్లు వేరు వేరు ఉంటాయి. కొనేముందే స్థానికంగా ధరలు తెలుసుకోవాలి.