തിരുവനന്തപുരം | സംസ്ഥാനത്ത് ശക്തമായ മഴ സാധ്യതാ മുന്നറിയിപ്പു നല്‍കി കാലാവസ്ഥാ വകുപ്പ്. വടക്കന്‍ ജില്ലകളിലാണ് മഴയ്ക്ക് സാധ്യതയുള്ളത്. മധ്യപ്രദേശിന്റെ വടക്കുകിഴക്ക് ഭാഗത്തായി ചക്രവാതച്ചുഴി രൂപപ്പെട്ടിട്ടുണ്ട്. കേരളത്തില്‍ പടിഞ്ഞാറന്‍ കാറ്റും ശക്തമാണ്. ഇതാണ് മഴയ്ക്ക് കാരണം.കണ്ണൂരും കാസര്‍കോട്ടും വരുന്ന 16-ന് ഓറഞ്ച് ജാഗ്രത പുറപ്പെടുവിച്ചു. ഇന്ന് ഏഴ് ജില്ലകളില്‍ മഞ്ഞ ജാഗ്രതയുണ്ട്. തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് എന്നിവിടങ്ങളിലാണിത്.ചൊവ്വാഴ്ച എറണാകുളം, തൃശൂര്‍, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലും ബുധനാഴ്ച എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും മഞ്ഞ ജാഗ്രത പ്രഖ്യാപിച്ചു.