ترکیہ کے وزیر ٹرانسپورٹ پر تیزرفتاری کا چالان کٹ گیا۔بین الاقوامی میڈیا رپورٹس کے مطابق وزیر ٹرانسپورٹ عبدالقادر نے انقرہ کے قریب ہائی وے پر گاڑی چلاتے ویڈیو شیئر کی جس میں گاڑی کا کانٹا دوسو پچیس کلومیٹر فی گھنٹہ دیکھ کر سوشل میڈیا پر طوفان بپا ہو گیا۔سوشل میڈیا صارفین کی جانب سے سخت ردعمل آنے کے بعد وزیر کو دوسواسی ڈالر کا جرمانہ ادا کرنا پڑا۔https://urdu.arynews.tv/wp-content/uploads/2025/08/turkiye.mp4عبدالقادر نے چالان کی تصویر شیئر کرتے ہوئے اپنی غلطی تسلیم کی اور آئندہ زیادہ محتاط رہنےکا وعدہ بھی کیا۔اس واقعے نے آن لائن بڑے پیمانے پر توجہ مبذول کروائی، ناقدین نے وزیر کے فیصلے پر سوال اٹھائے۔ ایک سوشل میڈیا صارف نے پوچھا کہ محترم وزیر، میں حقیقی طور پر متجسس ہوں کہ کیا آپ کی ٹیم میں ایک بھی ایسا شخص نہیں جو کہے کہ آپ نے اس ویڈیو میں رفتار کی حد سے تجاوز کیا، اسے شیئر کرنے سے مسائل پیدا ہوسکتے ہیں؟’