کانگریس میڈیا ڈپارٹمنٹ کے سربراہ پون کھیڑا نے جمعرات (28 اگست) کو بہار میں جاری راہل گاندھی کی ’ووٹر ادھیکار یاترا‘ کو ایک ’تیرتھ یاترا‘ قرار دیا ہے۔ ساتھ ہی دعویٰ کیا کہ بہار کے لوگ ’ووٹ چوروں‘ کو سب سے پہلے سزا دیں گے اور پھر ملک کی دیگر ریاستیں بھی انہیں سزا دیں گی۔ یہ دعویٰ پون کھیڑا نے ایک پریس کانفرنس کے دوران کیا اور بتایا کہ ’ووٹر ادھیکار یاترا‘ کا اختتام یکم ستمبر کو پٹنہ میں بڑے پیدل مارچ کے ساتھ ہوگا۔پہلے سے طے پروگرام کے مطابق ’ووٹر ادھیکار یاترا‘ کا اختتام گاندھی میدان میں ’ووٹر ادھیکار ریلی‘ سے ہونا تھا۔ پون کھیڑا نے کہا کہ اب ’ووٹر ادھیکار یاترا‘ کا اختتام پٹنہ میں یکم ستمبر 2025 کو ایک بڑے پیدل مارچ کے ساتھ ہوگا۔ یہ پیدل مارچ صبح 11 بجے گاندھی میدان کے گاندھی مجسمہ سے شروع ہو کر امبیڈکر کے مجسمہ پر ختم ہوگا۔ یہ مارچ ووٹ چوری کے خلاف ایک ایسی تحریک کی شروعات ہوگی جو پورے ملک میں پھیل چکی ہے۔'वोटर अधिकार यात्रा' का समापन पटना में 1 सितंबर, 2025 को एक विशाल पैदल मार्च के साथ होगा।ये मार्च सुबह 11 बजे गांधी मैदान की गांधी प्रतिमा से शुरू होकर अंबेडकर जी की प्रतिमा पर समाप्त होगा।ये समापन 'वोट चोरी' के खिलाफ एक ऐसे आंदोलन का आरंभ होगा, जो पूरे देश में फैल चुका है।… pic.twitter.com/xWzDA7JN2h— Congress (@INCIndia) August 28, 2025پون کھیڑا نے یاترا کے اثرات کا تذکرہ کرتے ہوئے کہا کہ ’’میں اسے تیرتھ یاترا مانتا ہوں کیونکہ یہ ایک مقدس کام ہے کہ ووٹ چوری سے بچانے کے لیے مہاگٹھ بندھن کے لیڈران محنت کر رہے ہیں۔‘‘ کانگریس لیڈر نے رواں سال ہونے والے اسمبلی انتخاب کا حوالہ دیا اور کہا کہ ووٹ چوری اب نہیں چلے گی اور ووٹ چوری کی سزا سب سے پہلے بہار دے گا۔ ساتھ ہی انہوں نے کہا کہ ’’بہار جو سزا دینے والا ہے، وہی سزا پورا ہندوستان دینے والا ہے۔‘‘'वोटर अधिकार यात्रा' का समापन पटना में 1 सितंबर, 2025 को एक विशाल पैदल मार्च के साथ होगा।ये मार्च सुबह 11 बजे गांधी मैदान की गांधी प्रतिमा से शुरू होकर अंबेडकर जी की प्रतिमा पर समाप्त होगा।ये समापन 'वोट चोरी' के खिलाफ एक ऐसे आंदोलन का आरंभ होगा, जो पूरे देश में फैल चुका है।… pic.twitter.com/xWzDA7JN2h— Congress (@INCIndia) August 28, 2025پون کھیڑا کے ساتھ پریس کانفرنس میں شامل آر جے ڈی کے راجیہ سبھا رکن سنجے یادو نے کہا کہ ’’بہار کے نوجوان پہلے ریلوے اور فوج میں نوکری کرتے تھے، لیکن بی جے پی حکومت نے تمام نوکریوں پر تالا مار دیا ہے۔ بہار آج جے ڈی یو-بی جے پی سے 20 سال کا حساب مانگ رہا ہے۔‘‘ ساتھ ہی انہوں نے دعویٰ کیا کہ ’’بہار میں بدعنوانی عروج پر ہے۔ غریبوں کو ستایا جا رہا ہے۔ زندہ لوگوں کو مردہ قرار دیا جا رہا ہے۔ کتا، بلی اور ڈونالڈ ٹرمپ کا سرٹیفکیٹ بنایا جا رہا ہے۔ این ڈی اے کی انتہائی بدعنوان حکومت بہار کو صرف اور صرف پریشانی میں ڈال رہی ہے۔‘‘बिहार के युवा रेलवे और सेना में जाते थे, लेकिन BJP सरकार ने सारी नौकरियों पर ताला मार दिया।बिहार आज BJP-JDU से 20 साल का हिसाब मांग रहा है।बिहार में भ्रष्टाचार चरम पर है। गरीब को सताया जा रहा है। जिंदा लोगों को मुर्दा बताया जा रहा है। कुत्ता, बिल्ली, ट्रंप का प्रमाण पत्र… pic.twitter.com/6kSr1Bc5Ka— Congress (@INCIndia) August 28, 2025پریس کانفرنس سے خطاب کرتے ہوئے سی پی آئی-ایم ایل کی لیڈر ششی یادو نے کہا کہ ’’ووٹر ادھیکار یاترا کے ذریعہ بہار کے لوگوں نے ووٹ چوری کے خلاف جم کر آواز بلند کی ہے۔ اس کے لیے میں ریاستی عوام کا تہِ دل سے شکریہ ادا کرتی ہوں۔‘‘ ساتھ ہی انہوں نے کہا کہ ’’اس یاترا سے معاشرہ کے ہر طبقہ کے لوگ جڑے، سب نے اپنے اپنے مسائل کو راہل گاندھی، تیجسوی یادو سمیت دیگر لیڈران کے ساتھ شیئر کیا اور اپنا درد بیان کیا۔ ووٹر ادھیکار یاترا کو بہت زیادہ لوگوں کی حمایت مل رہی ہے اور آنے والے وقت میں بہار میں مہاگٹھ بندھن کی حکومت بنے، ایسی عوام کی خواہش ہے۔‘‘