HARMAN DTS Unit: చేసింది. మరో వ్యాపార విభాగంలో.. పూర్తి వాటాను కొనుగోలు చేసేందుకు సిద్ధమైంది. ప్రముఖ ఎలక్ట్రానిక్ పరికరాల తయారీ సంస్థ శామ్‌సంగ్ కంపెనీ హార్మన్‌కు చెందినటువంటి .. డిజిటల్ ట్రాన్స్‌ఫర్మేషన్ సొల్యూషన్స్ (DTS) వ్యాపార విభాగాన్ని దక్కించుకోనుంది. దీంట్లో పూర్తి స్థాయిలో వాటా అంటే 100 శాతం కొనుగోలు చేసేందుకు ఒప్పందం కుదుర్చుకున్నట్లు ఈ మేరకు విప్రో ప్రకటించింది. ఇక ఈ డీల్ విలువ ఏకంగా 375 మిలియన్ డాలర్లుగా ఉంది. భారత కరెన్సీలో చూస్తే ఇది రూ. 3,274 కోట్ల వరకు ఉంటుంది. ఇక ఈ ఒప్పందంలో భాగంగా.. ఐరోపా, ఆసియా, అమెరికాల్లో పని చేస్తున్న మొత్తం 5600 మందికిపైగా DTS ఉద్యోగులు అంతా విప్రోకు బదిలీ కానున్నారు. వీరు 14కుపైగా దేశాల్లో పని చేస్తున్నారు. ఇందులో సీనియర్ స్థాయి ఉద్యోగులు కూడా ఉన్నారు. ఈ లావాదేవీ మొత్తం ఈ ఏడాది డిసెంబర్ 31 నాటికి పూర్తవుతుందని అంచనా వేస్తున్నారు. ఈ డీల్ ద్వారా.. విప్రో తన తదుపరి తరం ఇంజినీరింగ్ రీసెర్చ్ అండ్ డెవలప్‌మెంట్ సర్వీసెస్ (ER&D) మిషన్ లక్ష్యాల్ని చేరుకోవాలని చూస్తోంది. హార్మన్ డీటీఎస్.. క్లౌడ్, డేటా అనలిటిక్స్, ఇండస్ట్రియల్, కన్జూమర్, హైటెక్ కమ్యూనికేషన్ అండ్ సాఫ్ట్‌వేర్ ఏఐ, హెల్త్ కేర్, లైఫ్ ‌సైన్సెస్ ఇలా పలు రంగాల్లో ER&D, ఐటీ సర్వీసుల్ని ఆఫర్ చేస్తోంది. విప్రో ప్రెస్ రిలీజ్ ప్రకారం.. హార్మన్ డీటీఎస్ గతేడాది ఆదాయం 314.5 మిలియన్ డాలర్లుగా ఉంది. ఇది దాదాపు రూ. 2745 కోట్లకుపైనే ఉంటుంది. 'విప్రో కుటుంబంలోకి డీటీఎస్‌ను స్వాగతించడం అనేది మా ట్రాన్స్‌ఫర్మేషన్‌లో కీలకమైన అడుగుగా భావిస్తున్నాం. వారి ప్రత్యేక ఇంజినీరింగ్ నైపుణ్యం, విప్రో కన్సల్టింగ్ నేతృత్వంలోని ఏఐ ఆధారిత సామర్థ్యాలతో కలిపి.. మేము క్లయింట్లకు మరింత మెరుగైన సేవలు అందించేందుకు కృషి చేస్తాం. డీటీఎస్ బలమైన మార్కెట్ ఉనికి.. మమ్మల్ని ప్రపంచానికి మరింత చేరువ చేసేందుకు తోడ్పడుతుంది.' అని విప్రో సీఈఓ, మేనేజింగ్ డైరెక్టర్ శ్రీని పల్లియా అన్నారు. విప్రో షేర్ ధర కిందటి సెషన్‌లో స్వల్ప నష్టంతో రూ. 250.40 వద్ద ముగిసింది. మరి ఈ డీల్ ప్రకటనతో.. శుక్రవారం సెషన్‌లో ఫోకస్‌లోకి వచ్చే అవకాశం ఉందని నిపుణులు చెబుతున్నారు. ఇక . రెండో అతిపెద్ద ఐటీ సంస్థ ఇన్ఫోసిస్ ఇటీవల ఆస్ట్రేలియా ఐటీ కంపెనీ వెర్సెంట్ గ్రూప్ నుంచి 75 శాతం వాటా దక్కించుకోనున్నట్లు వెల్లడించింది. గత 6 నెలల్లోనే ఇన్ఫీ.. మూడు డీల్స్ చేసుకుంది. తాజాగా.. విప్రో కూడా విదేశీ వ్యాపార విభాగంలో పూర్తి వాటా దక్కించుకోవడం విశేషం.