Mobile Apps: ప్రస్తుతం అరచేతిలోనే ప్రపంచం కనిపిస్తోంది. స్మార్ట్ ఫోన్ ద్వారానే అన్ని పనులు పూర్తి చేసేస్తున్నాం. ఎవరికైనా డబ్బులు పంపించాలన్నా, ఏదైనా సమాచారం ఇవ్వాలన్నా, కావాల్సిన డాక్యుమెంట్లు అందించాలన్నా అంతా క్షణాల్లో అయిపోతోంది. మొబైల్ యాప్స్ అందుబాటులోకి లోకి వచ్చిన తర్వాత పనులు చాలా సులభమైపోయాయి. ఒక్కో అవసరానికి ఒక్కో యాప్ అందుబాటులో ఉంటోంది. మొబైల్ ఫోన్లు ఈ యాప్స్‌తో నిండిపోతున్నాయి. అయితే, తమకు ఏది అసరమనేది నిర్ణయించుకోవాల్సి ఉంటుంది. కొన్ని ముఖ్యమైన యాప్స్ తమ ఫోన్లలో కచ్చితంగా ఉండాల్సిందే. అలా ఆధార్, డ్రైవింగ్ లైసెన్, పెన్షన్, ఇన్‌కమ్ ట్యాక్స్ వంటి కేంద్ర ప్రభుత్వ సేవలు అందించే ముఖ్యమైన 8 యాప్స్ గురించి ఇప్పుడు మనం తెలుసుకుందాం. ఎం ఆధార్ఆధార్ కార్డు అనేది భారతీయులకు ఒక కీలకమైన డాక్యుమెంట్. ఆధార్‌కు సంబంధించిన మార్పులు, చేర్పులు, ఆధార్ అథెంటికేషన్ లాక్ వంటి పనులు చేసేందుకు ఎంఆధార్ () యాప్ ఉపయోగపడుతుంది. ఆధార్ కార్డుకు సంబంధించిన సేవలు పొందేందుకు ఈ యాప్ తమ ఫోన్లలో ఉంచుకోవడం చాలా అవసరమని చెప్పవచ్చు. ఉమంగ్అలాగే ఎంప్లాయీస్ ప్రావిడెంట్ ఫండ్, నేషనల్ పెన్షన్ సిస్టమ్, మై పాన్ వంటి సేవలు పొందవచ్చు. ఈపీఎఫ్, పెన్షన్, ఇన్కమ్ ట్యాక్స్ వంటి వివరాలూ ఇందులో ఉంటాయి. ఈయాప్ ద్వారా 100కు పైగా ప్రభుత్వ సర్వీసులను యాక్సెస్ చేయవచ్చు. దీనిని ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ ఆధ్వర్యంలోని నేషనల్ ఇ-గవర్నెన్స్ డివిజన్ అభివృద్ధి చేసింది. డీజీ లాకర్ఈ యాప్‌ (DigiLocker)లో సర్టిఫికెట్లు, డ్రైవింగ్ లైసెన్స్, ఆధార్, పాన్ కార్డు, పాస్ పోర్టుతో పాటుగా ఇతర విద్యా ధ్రువ పత్రాలను డిజిటల్ రూపంలో పొందవచ్చు. వాటిని ఈ యాప్‌లో దాచుకోవచ్చు. ఎం పరివాహన్వాహనాల రిజిస్ట్రేషన్, డ్రైవింగ్ లైసెన్స్, వాహనాలకు సంబంధించిన ఇతర సేవల డిజిటల్ కాపీలు ఈ యాప్ ద్వారా డౌన్ లోడ్ చేసుకోవచ్చు. ఎం పాస్‌పోర్ట్ఈ యాప్ ఉంటే పాస్‌పోర్టుకు సంబంధించిన వివధ సేవలు సులభంగా పొందవచ్చు. ఆన్‌లైన్లో పాస్‌పోర్ట్ అప్లికేషన్ చేసుకోవచ్చు. అపాయింట్‌మెంట్, ఫీజులు, డాక్యుమెంట్ల డౌన్‌లోడ్, స్టేటస్ ట్రాక్ చేయవచ్చు. మేరా రేషన్రేషన్ కార్డుకు సంబంధించిన సమాచారం పొందేందుకు మేరా రేషన్ యాప్ ఉపయోగపడుతుంది. ఆహార భద్రతా చట్టంలోని ప్రయోజనాలు, రేషన్ కార్డు స్టేటస్, రేషన్ వివరాలు, గత ఆరు నెలల్లో జరిగిన లావాదేవీల వివరాలు తెలుసుకోవచ్చు. పీఎం వాణి యాప్ఈ యాప్ ఉంటే మీ సమీపంలోని వైఫై కనెక్షన్లను గుర్తించవచ్చు. కనెక్ట్ అయ్యేందుకు, ఇంటర్నెట్ సేవలు యాక్సెస్ చేసేందుకు ఉపయోగించుకోవచ్చు. సంచార్ సాథీఈ సంచార్ సాథీ యాప్ ద్వారా స్పామ్ కాల్స్‌పై ఫిర్యాదు చేయవచ్చు. మీ పేరు పై ఉన్న మొబైల్ సిమ్ కనెక్షన్లు వివరాలు తెలుసుకోవచ్చు. వాటిని మూసి వేసేందుకు రిక్వెస్ట్ చేసుకోవచ్చు. టెలికాం నెట్‌వర్క్స్ సంబంధించిన వివరాలు ఈ సంచార్ సాథీ యాప్ ద్వారా పొందవచ్చు.