Confirmación por partida dobre no Pontevedra Club de Fútbol, que este martes desvelou un dos segredos mellor gardados do verán, as súas camisetas para a tempada 25-26 que está a piques de comezar. Con iso revelou ademais a renovación do acordo de patrocinio con Estrella Galicia, que pasará a ocupar o frontal dos novos equipamentos do primeiro equipo como patrocinador principal. Trátase dun acordo por tres tempadas, até o ano 2028, segundo informa a entidade de Pasarón, incluíndo o apoio de Cabreiroá ás categorías inferiores do club. "Estamos moi ilusionados con esta nova etapa na que ocuparemos un lugar predominante no equipamento deportivo", destacou Manuel Eiroa, responsable de Patrocinios Deportivos Iberia en Estrella Galicia, acompañado da presidenta do Pontevedra, Lupe Murillo. Nas imaxes distribuídas polo club granate, ao non tratarse dun acto público, pódense apreciar as esperadas camisetas, con varias novidades. PATROCINIO | Estrella Galicia y el Pontevedra CF renuevan su acuerdo de patrocinio hasta 2028 👉 La marca gallega pasa a ser el patrocinador principal de la camiseta 🔗 https://t.co/Snw9HxUOOE#𝐆𝐑𝐀𝐍𝐀𝐓𝐄®️♥️ pic.twitter.com/6CvXflX083 — Pontevedra CF 🦴 (@PontevedraCFSAD) August 26, 2025 No que respecta ao primeiro equipamento, de cor granate, contan un sombreado do Estadio Municipal de Pasarón, ademais de detalles en branco en mangas e pescozo. E precisamente o branco é o protagonista do segundo equipamento, que contará con pescozo, pantalón e medias de cor granate. O que aínda non confirmou o Pontevedra é a data na que as equipacioines estarán dispoñibles na súa tenda e a través da páxina web do club, así como o prezo ao que se poderán adquirir ou o período de preventa exclusivo anunciando na campaña de abonados para os que retirasen o carné na primeira fase de renovación. Xa están aquí‼️😍 💥 Así son as novas equipacións do #PontevedraCF para a tempada 25/26 🔜 🔴 Granate para defender o noso fogar ⚪ Branco con granate para levar a elegancia a todas partes 🕴️#𝐆𝐑𝐀𝐍𝐀𝐓𝐄®️♥️ pic.twitter.com/feg7W55Hu9 — Pontevedra CF 🦴 (@PontevedraCFSAD) August 26, 2025