కోసం బంగ్లాదేశ్ క్రికెట్ బోర్డు 16 మందితో కూడిన జట్టును ప్రకటించింది. ఈ జట్టుకు వికెట్ కీపర్ - బ్యాటర్ లిట్టన్ కుమార్ దాస్‌ను కెప్టెన్‌గా అనౌన్స్ చేసింది. పాకిస్తాన్‌‌తో జరిగిన సిరీస్‌లో అద్భుత విజయాలు అందించిన మెహదీ హసన్ మిరాజ్‌‌కు చోటు దక్కకపోవడం విశేషం. అదేవిధంగా ఎవ్వరూ ఊహించని విధంగా మూడేళ్ల తర్వాత ఒక ప్లేయర్ జట్టులో స్థానం సాధించాడు. ఆసియా కప్‌కు ముందు బంగ్లాదేశ్ నెదర్లాండ్స్‌తో మూడు మ్యాచ్‌ల టీ20 సిరీస్ ఆడనుంది. ఈ సిరీస్‌కు కూడా లిట్టన్ దాసే సారథ్యం వహిస్తాడు. బంగ్లాదేశ్ క్రికెట్ బోర్డు ప్రకటించిన ఈ స్క్వాడ్‌లో 31 సంవత్సరాల క్వాజీ నురుల్ హసన్ సోహాన్ చోటు దక్కించుకోవడం విశేషం. దాదాపు మూడు సంవత్సరాల తర్వాత బంగ్లాదేశ్ టీ20 జట్టులో ఈ ఆటగాడు స్థానం సంపాదించుకున్నాడు. చివరిసారిగా ఆస్ట్రేలియా వేదికగా 2022లో జరిగిన టీ20 వరల్డ్ కప్‌లో నురుల్ హసన్ ఆడాడు. ఐసీసీ టీ20 వరల్డ్ కప్ 2026ను దృష్టిలో ఉంచుకుని ఆసియా కప్ కోసం స్క్వాడ్‌ను సిద్ధం చేసింది బీసీబీ. మొత్తం ఎనిమిది జట్లు పాల్గొంటున్న ఈ ఆసియా కప్‌లో బంగ్లాదేశ్ జట్టు గ్రూప్ బీలో ఆడనుంది. అప్ఘనిస్తాన్, హాంకాంగ్, శ్రీలంక జట్లు ఈ గ్రూప్ బీలో ఉన్నాయి. బంగ్లాదేశ్ స్క్వాడ్లిట్టన్ కుమార్ దాస్ (కెప్టెన్), తంజిద్ హసన్, ఫర్వేజ్ హోసన్, సైఫ్ హసన్, తౌహిద్ హృదోయ్, జాకర్ అలీ, షమీమ్ హోసన్, క్వాజీ నురుల్ హోసన్ సోహన్, మెహదీ హసన్, రషీద్ హోసన్, నసూమ్ అహ్మద్, ముస్తాఫిజుర్ రెహ్వాన్, తంజిమ్ హసన్ సాకిబ్, టస్కిన్ అహ్మద్, షోరిఫుల్ ఇస్లామ్, షైఫ్ ఉద్దీన్. స్టాండ్ బై ప్లేయర్లలో సౌమ్య సర్కార్, , తన్వీర్ ఇస్లామ్, హసన్ మహమూద్. ఈ జట్టులో ముస్తాఫిజుర్ రెహ్వాన్, టస్కిన్ అహ్మద్ లాంటి అనుభవజ్ఞులైన బౌలర్లు ఉండటం బంగ్లాదేశ్‌కు కలిసొచ్చే అంశం. మెహిదీ హసన్ మిరాజ్, మొహమ్మద్ నైమ్ ఈ ఇద్దరు ప్లేయర్లు ఇటీవ పాకిస్తాన్‌పై జరిగిన సిరీస్‌లో మ్యాచ్‌లు గెలిపించినా చోటు దక్కకపోవడం ఆశ్చర్యకరంగా ఉంది.