: ఆర్థికంగా సురక్షితంగా ఉండాలన్నా.. మలి వయసులో ముఖ్యంగా ఉద్యోగం పోయాక రిటైర్మెంట్ సమయంలో ఎలాంటి ఇబ్బందులు లేకుండా ఉండాలన్నా కూడా.. మీ దగ్గర సరైనంత డబ్బులు ఉండాలి. అవును.. ఇప్పుడు ఉద్యోగం చేసే సమయంలో ఖర్చులకు జీతం వస్తుంది. దీంతో సరిపెట్టుకుంటారు. అదే.. ఒకసారి ఉద్యోగం పోయాక.. ఏ పనీ చేయలేని స్థితిలో ఉన్నప్పుడు.. ఖర్చులకు, ఇతర వైద్య అవసరాలకు, నిత్యావసరాలకు డబ్బు ఎలా అని ఆలోచిస్తే అక్కడ ఏం కనిపించదు. అందుకే ఇందుకోసం ముందుగానే సిద్ధపడాలి. ఉన్నట్లుంది మీ కుటుంబంలో ఎవరికైనా ఆరోగ్యం క్షీణిస్తే.. సర్జరీ చేయాల్సి వస్తే.. ఒక 20 లక్షలు కావాలంటే ఎలా.. అప్పు చేయాల్సిన పరిస్థితి వస్తుంది. అందుకే దీపం ఉన్నప్పుడు ఇల్లు చక్కబెట్టుకోవాలన్న సామెత ఇక్కడ సరిగ్గా వర్తిస్తుంది. అవును రేపటి కోసం ఇప్పటి నుంచే ఆలోచించాలి. . ఇందుకోసం ఎక్కువ మంది ఎంచుకునే ఆప్షన్ . అవును ఇక్కడ చాలా మంది సిప్ (సిస్టమేటిక్ ఇన్వెస్ట్‌మెంట్ ప్లాన్) విధానంలో పెట్టుబడులు పెడుతుంటారు. ఇక్కడ దీర్ఘకాలంలో మంచి రాబడి వస్తాయని ఆశిస్తుంటారు. కారణం వైవిధ్యత.. ఇంకా కాంపౌండింగ్ ప్రయోజనాలు. చాలా వరకు సగటున ఈక్విటీ మ్యూచువల్ ఫండ్లలో ఇన్వెస్ట్ చేసిన వారు.. కొన్నేళ్లలో పెద్ద మొత్తంలో అందుకుంటారు. సగటున వార్షిక ప్రాతిపదికన ద్రవ్యోల్బణాన్ని మించేలా 12 శాతం వరకు రాబడి ఇచ్చే ఫండ్స్ చాలా ఉంటాయి. మీరు మీ ఆర్థిక లక్ష్యాలకు అనుగుణంగా.. పిల్లల చదువులు, పెళ్లిళ్లు సహా వారికి ఎంతో కొంత మీరు ఇవ్వాలంటే ఆ లక్ష్యం నిర్దేశించుకోవాలి. అంత సంపాదించాలంటే చిన్న వయసు నుంచే.. నెలకు ఎంత ఇన్వెస్ట్ చేయాలో తెలుసుకోవాలి. ద్రవ్యోల్బణం పెరుగుతున్న నేపథ్యంలో కొనుగోలు శక్తి తగ్గుతుంది. కాబట్టి.. అనుకున్నదాని కంటే ఎక్కువ ఫండ్ సృష్టించడం మంచిది.>> ఇక్కడ మనం మన స్థోమతను బట్టి.. రిస్క్ సామర్థ్యాన్ని బట్టి.. కుటుంబ అవసరాల్ని బట్టి.. నెలకు ఎంత సిప్ చేయొచ్చో తెలుసుకోవాలి. ఎన్నేళ్లు టార్గెట్ పెట్టుకున్నారనేది కూడా అత్యంత ముఖ్యమైనది. వాల్యూ రీసెర్చ్ డేటా ప్రకారం మీ టార్గెట్ రూ. 5 కోట్లు అనుకుంటే.. ఇక్కడ మీరు నెలకు రూ. 10 వేల చొప్పున సుమారు 34 సంవత్సరాలు పాటు ఇన్వెస్ట్ చేయాలని తేలింది.ఇంకా తొందరగానే లక్ష్యాన్ని చేరుకోవాలంటే గనుక అప్పుడు.. మీరు ఏటా సిప్ మొత్తాన్ని కనీసం 5 శాతం పెంచుకుంటూ పోయినా.. చాలా తొందరగానే మంచి రాబడి అందుకుంటారు. ఇలా కాకుంటే.. రూ. 15 వేల సిప్ ప్రారంభించడం కూడా మంచి ఎంపిక అని నిపుణులు చెబుతున్నారు.