: మీరు ఉద్యోగం చేస్తున్నారనుకోండి జీతం కోసం బ్యాంక్ అకౌంట్ తీసుకోవాల్సి వస్తుంది. మీకు ప్రభుత్వ పథకాల ప్రయోజనాలు అందాలంటే.. పీఎం కిసాన్, రైతు భరోసా, ఉజ్వల యోజన ఇలా ఈ స్కీమ్ కింద డబ్బులు పొందాలంటే బ్యాంక్ ఖాతా ఉండాలి. పెన్షన్ రావాలంటే బ్యాంక్ ఖాతా ఉండాలి. ఇప్పట్లో చిన్న పిల్లల పేరిట కూడా పలు ప్రభుత్వ పథకాల కోసం మైనర్ అకౌంట్లు తెరవాల్సి వస్తుంది. ఇలా ఎటు చూసినా ఆర్థికంగా మన మొదటి అడుగు పడేది బ్యాంక్ అకౌంట్‌ ప్రారంభంతోనే అని గుర్తుంచుకోవాలి. అది కూడా సేవింగ్స్ అకౌంట్. ఉద్యోగం చేసే వారికి మాత్రం కొన్ని కంపెనీలు శాలరీ అకౌంట్ అందిస్తాయి. మనకు బ్యాంక్ అకౌంట్ ఉన్నప్పుడే.. పొదుపు, పెట్టుబడులు, ఖర్చులు అన్నీ తెలిసొస్తాయి. ఇక ఇటీవల ఈ బ్యాంక్ సేవింగ్స్ అకౌంట్ల గురించి చర్చ నడుస్తోంది. ముఖ్యంగా ప్రముఖ ప్రైవేట్ రంగ బ్యాంక్ అయిన ఐసీఐసీఐ బ్యాంక్ చేసిన ఒక్క ప్రకటనతోనే చర్చనీయాంశమైంది. పొదుపు ఖాతాలు నిర్వహించేవారు.. కనీస బ్యాలెన్స్ నిర్వహించాలన్న మొత్తాన్ని ఒక్కసారిగా భారీగా పెంచింది. స్పష్టం చేసింది. తర్వాత కస్టమర్ల నుంచి వ్యతిరేకతతో వెనక్కి తగ్గింది. మళ్లీ పాత విధానమే అంటే వరుసగా రూ. 15 వేలు, రూ. 7500, రూ. 2500 కు చేర్చింది. ఇక్కడ మినిమం బ్యాలెన్స్ మెయింటెయిన్ చేయకపోతే.. షార్ట్ ఫాల్ అమౌంట్‌పై దాదాపు 6 శాతం పెనాల్టీ విధిస్తున్నాయి. అయితే ఇక్కడ చాలా మంది సేవింగ్స్ అకౌంట్ అంటే కేవలం మినిమం బ్యాలెన్స్ గురించే ఆలోచిస్తున్నారు. ఇక్కడ ఇంకా చాలానే ఛార్జీలు ఉంటాయి. వీటి గురించి తెలుసుకుందాం. >> ముందుగా మీరు ఏ బ్యాంకులో సేవింగ్స్ అకౌంట్ తీసుకున్నారో.. అక్కడ కనీస నిల్వ సగటున ఎంత ఉండాలో చూసుకొని దానికి తగ్గట్లుగా మెయింటెయిన్ చేస్తూ ఉండండి. లేకపోతే బ్యాంకుల్ని బట్టి ఈ ఛార్జీలు కనీసం రూ. 250 నుంచి రూ. 1000 వరకు పడుతున్నాయి. >> ఇంకా మినిమం బ్యాలెన్స్ అవసరం ఉన్నా లేకపోయినా కొన్ని ఉదాహరణకు చూస్తే నెలకు 4 సార్లు మాత్రమే డబ్బు తీసుకోవడం, డిపాజిట్ చేయడం ఇలా పరిమితులు ఉండే అవకాశం ఉంటుంది. పరిమితికి మించి చేసే లావాదేవీలపై కొన్ని సార్లు రూ. 50 వరకు ఛార్జీ వసూలు చేస్తుంటాయి.>> ఇదే సమయంలో ఏటీఎం నుంచి డబ్బులు తీసుకోవడంపైనా పరిమితి ఉంటుంది. చాలా వరకు బ్యాంకులు నెలకు నాలుగు లేదా 5 వరకు ఉచిత ట్రాన్సాక్షన్లపై అనుమతిస్తాయి. తర్వాత పెనాల్టీ చెల్లించాల్సి వస్తుంది. ఇంకా ఇతర బ్యాంక్ ఏటీఎంలలో ట్రాన్సాక్షన్లు దాదాపు 3 వరకే ఫ్రీ ఉంటాయి. ఫెయిల్డ్ ట్రాన్సాక్షన్లపైనా ఇటీవల చాలా బ్యాంకులు రుసుములు విధిస్తున్నాయన్న సంగతి గ్రహించాలి.>> ఈఎంఐ, చెక్ వంటివి బౌన్స్ కాకుండా చూసుకోవడం చాలా ముఖ్యం. ఇక్కడ ఛార్జీలు కాస్త ఎక్కువే ఉండే అవకాశం ఉంది. చాలా వరకు బ్యాంకులు ఇంకా డెబిట్ కార్డు, క్రెడిట్ కార్డు వార్షిక నిర్వహణ రుసుముల్ని విధిస్తుంటాయి. ఇది దేంట్లో ఎంత ఉందో తెలుసుకోవాల్సిన అవసరం ఉంది. >> అందుకే.. ఏమైనా ఛార్జీలు పడుతున్నాయో లేదా అని తెలుసుకునేందుకు బ్యాంక్ అకౌంట్ స్టేట్‌మెంట్ ఎప్పటికప్పుడు చెక్ చేసుకుంటూ ఉండాలి. ఏమైనా తేడాలు ఉంటే బ్యాంకును సంప్రదించొచ్చు.