రాష్ట్రం పంపిన ప్రతిపాదనకు కేంద్రం ప్రభుత్వం ఆమోదం తెలిపింది. ఈక్రమంలో పదవీకాలన్ని పొడిగిస్తూ కేంద్రం ఉత్తర్వులు జారీ చేసింది. మరో ఏడు నెలలు ఆయన పదవీకాలాన్ని పొడిగించింది. దీని ప్రకారం వచ్చే సంవత్సరం అనగా.. 2026, మార్చి 31 వరకు ఆయన పదవీకాలాన్ని పొడిగిస్తూ డీఓపీటీ (కేంద్ర సిబ్బంది, శిక్షణ వ్యవహారాల శాఖ) ఉత్తర్వులు జారీ చేసింది. అలానే డీఓపీటీ అండర్ సెక్రటరీ భూపేందర్ పాల్ సింగ్ గురువారం రాష్ట్ర ప్రభుత్వానికి లేఖ రాశారు. అయితే ఈ నెలాఖరున అనగా ఆగస్టు 31న కె.రామకృష్ణారావు పదవీ కాలం ముగుస్తుంది. ఆగస్టు చివరన ఆయన పదవీ విరమణ చేయాల్సి ఉంది. అయితే రాష్ట్ర ప్రభుత్వం ఆయన పదవీ కాలాన్ని మరో 7 నెలలు పొడిగించాలంటూ కేంద్రానికి ప్రతిపాదనలు పంపింది. రాష్ట్ర ప్రభుత్వం విజ్ఞప్తిని సెంట్రల్ సర్కార్ ఆమోదించింది. రాష్ట్ర ప్రభుత్వం కోరినట్లే కె.రామకృష్ణారావు పదవీ కాలాన్ని మరో ఏడు నెలలు అనగా వచ్చే ఏడాది మార్చి 31 వరకు పొడిగిస్తూ తాజాగా ఉత్తర్వుల జారీ చేసింది. ఈ సడలింపు ప్రక్రియపై కేంద్రం వివరణ ఇచ్చింది. ఏఐఎస్‌ (సీఎస్‌–ఆర్‌ఎం) రూల్స్‌–1960లోని.. మూడవ నియమాన్ని వినియోగించడం ద్వారా.. ఏఐఎస్‌ (డీసీఆర్బీ) రూల్స్‌లోని 16(1) నిబంధనను సడలించి.. రామకృష్ణారావు సర్వీసును పొడిగించినట్టుగా సెంట్రల్ గవర్నమెంట్ తెలిపింది. ఈ నిర్ణయంతో.. కె.రామకృష్ణారావు మరో ఏడు నెలలు అనగా 2026, మార్చి 31 వరకు . 1991 బ్యాచ్‌ తెలంగాణ కేడర్‌ ఐఏఎస్‌ అధికారి అయిన రామకృష్ణారావు.. పోయిన సంవత్సరం అనగా 2024, ఏప్రిల్ 30న ప్రభుత్వ ప్రధాన కార్యదర్శిగా బాధ్యతలు స్వీకరించారు. దీనికికన్నా ముందు ఆయన చాలా ఏళ్ల పాటు ఆర్థిక శాఖ ముఖ్య కార్యదర్శిగా పని చేశారు. అలానే కొంత కాలం పాటు ప్రత్యేక ప్రధాన కార్యదర్శిగా బాధ్యతలు నిర్వర్తించారు. పదవీకాలం పొడిగింపు పొందిన 2వ సీఎస్‌..తెలంగాణలో పదవీకాలం పొడిగింపు పొందిన రెండో సీఎస్‌గా రామకృష్ణరావు గుర్తింపు పొందారు. ఈయన కన్నా ముందు.. తెలంగాణ ప్రత్యేక రాష్ట్రంగా అవతరించిన తర్వాత.. మొదటి సీఎస్‌గా పనిచేసిన రాజీవ్‌ శర్మ కూడా పదవీ కాలం పొడిగింపు పొందారు. ఆయన పదవీకాలాన్ని ఒకసారి 3 నెలలు, అనంతరం మరో 3 నెలలు పొడిగించేందుకు కేంద్ర ప్రభుత్వం అనుమతించింది. రాజీవ్ శర్మ తర్వాత పదవీ కాలం పొడిగింపు పొందిన రెండో సీఎస్‌గా రామకృష్ణారావు నిలిచారు. అయితే రాజీవ్ శర్మ విషయంలో.. ఒకసారి కేవలం 3 నెలలు మాత్రమే సర్వీసు పొడిగించగా.. రామకృష్ణారావు విషయంలో మాత్రం అందుకు భిన్నంగా ఒకేసారి 7 నెలల సర్వీస్‌ పొడిగిసతూ కేంద్రం నిర్ణయం తీసుకోవడం గమనార్హం.