ബോളിവുഡ് താരം അക്ഷയ് കുമാർ തന്റെ കോളേജ് കാലത്തെ രസകരവും എന്നാൽ അല്പം ‘വേദന’ നിറഞ്ഞതുമായ ഒരു പ്രണയകഥയെ കുറിച്ച് സംസാരിച്ചിരിക്കുകയാണ്. ‘വീൽ ഓഫ് ഫോർച്യൂൺ’ എന്ന ടെലിവിഷൻ ഷോയുടെ വരാനിരിക്കുന്ന എപ്പിസോഡിലാണ് താരം ഈ രസകരമായ വെളിപ്പെടുത്തൽ നടത്തിയത്.ഏകദേശം 40 വർഷങ്ങൾക്ക് മുമ്പ്, താൻ കോളേജിൽ പഠിക്കുന്ന കാലത്ത് ഒരു പെൺകുട്ടിയോട് തോന്നിയ പ്രണയത്തെക്കുറിച്ചാണ് അക്ഷയ് കുമാർ ഓർത്തെടുത്തത്. പ്രിയതമയെ ആകർഷിക്കാനായി താൻ ഒരു പാട്ട് പാടാൻ പഠിച്ചുവെന്നും, ഗിറ്റാർ വായിക്കാൻ അറിയാവുന്ന ഒരു സുഹൃത്തിനൊപ്പം അവളുടെ വീടിന് മുന്നിൽ പോയി പാട്ടുപാടിയെന്നും താരം പറഞ്ഞു. എന്നാൽ ആ റൊമാന്റിക് നീക്കം വിചാരിച്ചതുപോലെ വിജയിച്ചില്ല. പാട്ട് കേട്ട് പ്രണയിനി പുറത്തുവരുന്നതിന് പകരം, അക്ഷയ് കുമാറിനെയും സുഹൃത്തിനെയും അയൽവാസികൾ ചേർന്ന് തല്ലി ഓടിക്കുകയായിരുന്നു.ALSO READ: ‘കേരള സ്റ്റോറിയിലെ ലവ് ജിഹാദ് ഇരകള്‍ ഇവരാണ്’; പ്രമോഷനായി വേദിയിലെത്തിച്ച 37 സ്ത്രീകളിൽ ഒരാൾ പോലും മലയാളിയല്ല, ചോദ്യം ചെയ്തതോടെ മുങ്ങി അണിയറ പ്രവർത്തകർ“നമ്മൾ ഒരു കാര്യത്തിനായി ഒരുപാട് കഠിനാധ്വാനം ചെയ്താലും ചിലപ്പോൾ തല്ല് കിട്ടും” എന്ന് തമാശ രൂപേണ അക്ഷയ് കുമാർ ഷോയിൽ പറഞ്ഞു. താരത്തിന്റെ ഈ തുറന്നുപറച്ചിൽ പ്രേക്ഷകരിൽ വലിയ ചിരി പടർത്തി. നിലവിൽ പ്രശസ്ത എഴുത്തുകാരി ട്വിങ്കിൾ ഖന്നയാണ് അക്ഷയ് കുമാറിന്റെ ഭാര്യ. ഇവർക്ക് ആരവ്, നിതാര എന്നിങ്ങനെ രണ്ട് മക്കളുണ്ട്. അക്ഷയ് കുമാറിന്റേതായി പുറത്തിറങ്ങാൻ പോകുന്ന ഏറ്റവും പുതിയ ചിത്രം ‘ഭൂത് ബംഗ്ല’ 2026 ഏപ്രിലിൽ റിലീസ് ചെയ്യുംThe post പെൺകുട്ടിയെ ഇംപ്രസ് ചെയ്യാൻ പാട്ടുപാടി, കിട്ടിയത് നാട്ടുകാരുടെ തല്ല്! കോളേജ് കാലത്തെ പ്രണയകഥ പങ്കുവെച്ച് അക്ഷയ് കുമാർ appeared first on Kairali News | Kairali News Live.