Cheapest : చాలా మందికి సొంతిల్లు ఉండాలనేది ఒక కల. అయితే ఇల్లు కట్టుకోవడం లేదా కొనుగోలు చేయడం అనేది చాలా ఖర్చుతో కూడుకున్న వ్యవహారం అని చెప్పొచ్చు. అందుకే ఇక్కడ ఎక్కువగా లోన్లపైనే ఆధారపడుతుంటారు. ఇందుకోసం బ్యాంకులు, ఇతర నాన్ బ్యాంకింగ్ ఫైనాన్షియల్ కంపెనీలు హోం లోన్స్ ఆఫర్ చేస్తుంటాయి. ఒకప్పటితో పోలిస్తే ఇటీవల దీని వేగం పెరిగింది. పెద్దగా డాక్యుమెంటేషన్ లేకుండానే.. స్వల్ప వ్యవధిలోనే లోన్‌కు ఆమోదం తెలిపి వేగంగా అకౌంట్లలో డబ్బులు జమ చేస్తున్నాయి. వీటిల్లో ఇతర లోన్లతో చూస్తే వడ్డీ రేట్లు కూడా తక్కువగానే ఉంటాయి. ఉదాహరణకు పర్సనల్ లోన్, ఎడ్యుకేషన్ లోన్, వెహికిల్ లోన్ వడ్డీ రేట్ల కంటే తక్కువగానే ఉంటాయని చెప్పొచ్చు. అంటే బ్యాంకులు అందించే తక్కువ వడ్డీ రేటు రుణాల్లో.. హోం లోన్ ఒకటి. ఇక్కడ హోం లోన్ పొందాలంటే . క్రెడిట్ స్కోరు, ఆదాయం వంటి పలు అంశాల్ని ప్రాతిపదికగా తీసుకుంటాయి. హోం లోన్ అనేది పెద్ద మొత్తంలో ఉంటుంది కాబట్టి.. ఇక్కడ వడ్డీ రేట్లు తక్కువగా ఉన్నప్పటికీ.. ఎక్కువ కాల పరిమితితో వస్తాయి. అంటే ఎక్కువ ఈఎంఐలు చెల్లించాల్సి వస్తుంది. దీని వల్ల దీర్ఘకాలంలో వడ్డీ భారం అధికంగా ఉంటుంది. పెద్ద మొత్తంలో లోన్ తీసుకునేటప్పుడు కాస్త వడ్డీ రేటు తక్కువగా ఉన్నా.. లాంగ్ రన్‌లో పెద్ద మొత్తంలో ఆదా అవుతుందని చెప్పొచ్చు. అందుకే హోం లోన్ కోసం అప్లై చేసే ముందు.. ఎక్కువ బ్యాంకుల్లో వడ్డీ రేట్లను పోల్చుకొని చూసుకోవాలి. ఎందులో వడ్డీ రేట్లు తక్కువగా ఉన్నాయి.. దీర్ఘకాలంలో దేంట్లో తక్కువ వడ్డీ చెల్లించాల్సి వస్తుందనేది తెలుసుకోవాల్సి ఉంటుంది. ఇప్పుడు దేశంలో టాప్ బ్యాంకుల్లో హోం లోన్లపై వడ్డీ రేట్లు ఎలా ఉన్నాయనేది చూద్దాం. చెప్పొచ్చు. ముందుగా స్టేట్ బ్యాంక్ ఆఫ్ ఇండియాలో కనీసం 7.25 శాతం నుంచి హోం లోన్స్ వడ్డీ రేట్లు ప్రారంభమవుతున్నాయి. క్రెడిట్ స్కోరు మెరుగ్గా ఉంటే తక్కువ వడ్డీకే లోన్ పొందొచ్చన్నమాట. ప్రైవేట్ రంగ అతిపెద్ద బ్యాంకు.. హెచ్‌డీఎఫ్‌సీ బ్యాంకులో చూస్తే గృహ రుణాలపై వడ్డీ రేట్లు 7.75 శాతం నుంచి ఉన్నాయి. పంజాబ్ నేషనల్ బ్యాంకులోనూ ఇదే స్థాయిలో వడ్డీ రేటు ఉంది. యాక్సిస్ బ్యాంకులో 8 శాతం నుంచి ప్రారంభమవుతున్నాయి. బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర వంటి ప్రభుత్వ బ్యాంకుల్లో ప్రారంభ వడ్డీ రేట్లు వరుసగా 7.10 శాతం, 7.15 శాతం నుంచే ఉన్నాయి. NBFC ల్లో ఎల్ఐసీ హౌసింగ్ ఫైనాన్స్‌లో వడ్డీ రేటు 7.15 శాతం నుంచి.. టాటా క్యాపిటల్‌లో 7.50 శాతం నుంచి మొదలవుతున్నాయి.గమనిక: పైన చెప్పినవి బ్యాంకుల్లో ప్రారంభ వడ్డీ రేట్లు మాత్రమే. మీ క్రెడిట్ స్కోరు, ఆదాయం, వయసు, లోన్ మొత్తంపై ఆధారపడి వడ్డీ రేట్లలో మార్పులు ఉంటాయని గమనించాలి. ఇంకా లోన్‌పై బ్యాంకులు అదనంగా.. ప్రాసెసింగ్ ఛార్జీలు, ఇతర ఫీజుల్ని వసూలు చేస్తుంటాయి.