దశలో కీలక పోరుకు రంగం సిద్ధమైంది. మంగళవారం జరిగే ఈ మ్యాచ్‌లో పాకిస్తాన్ జట్టు ఇంగ్లండ్‌తో తలపడనుంది. ఈ మ్యాచ్ శ్రీలంకలోని పల్లెకెల క్రికెట్ స్టేడియం వేదికగా జరగనుంది. రాత్రి 7 గంటలకు ప్రారంభమయ్యే ఈ మ్యాచ్ లైవ్ స్టార్ స్పోర్ట్స్, జియో హాట్ స్టార్‌లో వీక్షించొచ్చు.న్యూజిలాండ్‌తో తొలి మ్యాచ్ వర్షం వల్ల రద్దవడంతో పాక్‌కు ఆశించిన ఆరంభం దక్కలేదు. ఇకపై ప్రతి మ్యాచ్ కీలకంగా మారింది. ఈ మ్యాచ్‌లో ఓటమి ఎదురైతే శ్రీలంకతో చివరి పోరుకు ముందు పాక్‌పై తీవ్ర ఒత్తిడి పెరుగుతుంది. మరోవైపు ఇంగ్లండ్ జట్టు ఇప్పటివరకు మిశ్రమ ప్రదర్శననే చేసింది. ఇటలీ, నేపాల్‌తో స్వల్ప విజయాల తర్వాత శ్రీలంకపై ఘన విజయం సాధించి ఆత్మవిశ్వాసం పెంచుకుంది. ఈ మ్యాచ్ గెలిస్తే సెమీఫైనల్‌కు దాదాపు మార్గం సుగమమవుతుంది.మ్యాచ్‌కు ముందు మీడియాతో మాట్లాడిన పాక్ ఓపెనర్ షాహిబ్‌జాదా ఫర్హాన్ గత రికార్డులను పట్టించుకోమని స్పష్టం చేశాడు. “టీ20 అనేది అనూహ్యమైన ఫార్మాట్. మా జట్టు పూర్తి ఆత్మవిశ్వాసంతో ఉంది. ఇంగ్లండ్‌కు గట్టి పోటీ ఇస్తాం” అని చెప్పాడు. చరిత్ర చూస్తే మాత్రం పాక్‌కు అనుకూలంగా లేదు. ఇప్పటివరకు టీ20 ప్రపంచకప్‌లో ఇంగ్లండ్‌తో ఆడిన మూడు మ్యాచ్‌ల్లోనూ పాక్ ఓడిపోయింది. అయినా ఈసారి ఆ పరాజయాల ముద్రను చెరిపేయాలనే లక్ష్యంతో బరిలోకి దిగనుంది.ఇంగ్లాండ్ తరఫున హ్యారీ బ్రూక్ సారథ్యంలోని జట్టు పేస్‌, స్పిన్ విభాగంతో బలంగా కనిపిస్తోంది. బ్యాటింగ్‌లో ఫిల్ సాల్ట్ కీలక పాత్ర పోషిస్తున్నాడు. పాక్ జట్టులో బాబర్ ఆజామ్, సల్మాన్ ఆఘా, ఫకర్ జమాన్‌పై భారీ అంచనాలు ఉన్నాయి. అలాగే స్పిన్నర్ ఉస్మాన్ తారిక్ ప్రదర్శన కూడా కీలకంగా మారనుంది.పల్లెకెలె పిచ్ సాధారణంగా బ్యాటింగ్‌కు అనుకూలంగా ఉంటుంది. సగటు తొలి ఇన్నింగ్స్ స్కోరు సుమారు 165–170 మధ్య ఉంటుంది. అయితే ఇటీవలి మ్యాచ్‌ల్లో స్పిన్నర్లకు కూడా సహకారం లభిస్తోంది. అందుకే ఈ మ్యాచ్‌లో స్పిన్ విభాగమే ఫలితాన్ని తేల్చే అవకాశం ఉంది. వాతావరణం అనుకూలంగానే ఉండనుంది. స్వల్ప వర్ష సూచనలు ఉన్నా, పూర్తి మ్యాచ్ జరిగే అవకాశమే ఎక్కువ. ఉష్ణోగ్రత 25 డిగ్రీల చుట్టూ ఉండగా, తేమ శాతం అధికంగా ఉండనుంది. ఇంగ్లండ్ జట్టుఫిలిప్ సాల్ట్, జోస్ బట్లర్, జాకబ్ బెథెల్, టామ్ బాంటన్, హ్యారీ బ్రూక్, సామ్ కరన్, విల్ జాక్స్, జేమీ ఓవర్టన్, లియామ్ డాసన్, జోఫ్రా ఆర్చర్, ఆదిల్ రషీద్.పాకిస్తాన్ జట్టుషాహిబ్‌జాదా ఫర్హాన్, సైమ్ అయూబ్, సల్మాన్ ఆఘా, బాబర్ ఆజమ్, ఫఖర్ జమాన్, ఉస్మాన్ ఖాన్, షాదాబ్ ఖాన్, మహ్మద్ నవాజ్, అబ్రార్ అహ్మద్, సల్మాన్ మీర్జా, ఉస్మాన్ తారిక్.