ടി20 ലോകകപ്പ് 2026 സൂപ്പർ 8 പോരാട്ടത്തിൽ ദക്ഷിണാഫ്രിക്ക ഇന്ത്യയെ 76 റൺസിന് തകർത്തതോടെ അഹമ്മദാബാദിലെ നരേന്ദ്ര മോദി സ്റ്റേഡിയം വീണ്ടും ഇന്ത്യൻ ക്രിക്കറ്റിന്റെ ദുരന്തഭൂമിയായി മാറി.ഈ തോൽവി ഇന്ത്യയുടെ ടി20 ലോകകപ്പ് ചരിത്രത്തിലെ ഏറ്റവും വലിയ പരാജയം മാത്രമല്ല, ഇന്ത്യയുടെ 12 മത്സരങ്ങൾ നീണ്ട ടി20 ലോകകപ്പുകളിലെ വിജയ പരമ്പരയുടെ അവസാനം കൂടിയായിരുന്നു.2023 നവംബർ 19-ന് ഇതേ വേദിയിൽ ഓസ്ട്രേലിയക്കെതിരെ ഏകദിന ലോകകപ്പ് ഫൈനലിൽ നേരിട്ട പരാജയം ആരാധകർക്ക് ഓർമ്മിപ്പിക്കുന്ന തരത്തിലായിരുന്നു ഈ തോൽവി. ഇതോടെ “അഹമ്മദാബാദ് ജിൻക്സ്” എന്ന ചർച്ച വീണ്ടും സജീവമായി. പ്രധാന ഐസിസി ടൂർണമെന്റുകളിൽ ഇവിടെ നടന്ന അവസാന നാല് മത്സരങ്ങളിൽ ഇന്ത്യ രണ്ട് വിജയവും രണ്ട് തോൽവിയും മാത്രമാണ് സ്വന്തമാക്കിയിട്ടുള്ളത്. “ഇവിടെ ഇന്ത്യയെ ഇനി കാണുമോ?”, മുൻ ദക്ഷിണാഫ്രിക്കൻ നായകൻ ഫാഫ് ഡു പ്ലെസി ഇന്ത്യയുടെ “അഹമ്മദാബാദ് ജിൻക്സി”നെ കുറിച്ച് പറഞ്ഞു.Also Read: “സമയം എടുത്ത് കളിക്കാമായിരുന്നു!” യുവ ബാറ്ററെ വിമർശിച്ച് ഗാവസ്കർമത്സരത്തിൽ ദക്ഷിണാഫ്രിക്കയ്ക്കെതിരെ 188 റൺസ് വിജയലക്ഷ്യം പിന്തുടർന്ന ഇന്ത്യ 18.5 ഓവറിൽ 111 റൺസിനു പുറത്തായി .ഇതോടെ ഇന്ത്യയുടെ നെറ്റ് റൺറേറ്റ് -3.8 ആയി താഴ്ന്നു. ഇനി സിംബാബ്വെയെയും വെസ്റ്റ് ഇൻഡീസിനെയും നേരിടുന്ന മത്സരങ്ങളിൽ ജയം അനിവാര്യമായി.The post ഇന്ത്യയെ വിടാതെ പിന്തുടർന്ന് “അഹമ്മദാബാദ് ജിൻക്സ്!” വീണ്ടും ഇന്ത്യയെ കണ്ണീരിലാഴ്ത്തി നരേന്ദ്ര മോദി സ്റ്റേഡിയം appeared first on Kairali News | Kairali News Live.