ఐసీసీ టీ 20 వరల్డ్‌కప్ 2026లో భాగంగా సూపర్ 8 మ్యాచ్‌లకు రంగం సిద్ధమైంది. కొలంబో వేదికగా న్యూజిలాండ్ - పాకిస్తాన్ మ్యాచ్‌తో ఈ సూపర్ 8 ప్రారంభమైనప్పటికీ.. వర్షం కారణంగా మ్యాచ్ రద్దయింది. దాంతో ఈ రోజు జరుగుతున్న మ్యాచ్‌తో అసలు సిసలు బిగ్ ఫైట్ మొదలయింది. పల్లెకెలె వేదికగా జరుగుతున్న ఈ మ్యాచ్‌లో టాస్ గెలిచిన శ్రీలంక జట్టు బౌలింగ్ ఎంచుకుంది. దాంతో ఇంగ్లండ్ తొలుత బ్యాటింగ్‌కి రానుంది. మ్యాచ్ మధ్యాహ్నం 3 గంటలకు ప్రారంభం కానుంది. మ్యాచ్ లైవ్ స్టార్ స్పోర్ట్స్, జియో హాట్ స్టార్ వేదికగా వీక్షించొచ్చు.శ్రీలంక జట్టు రెండు మార్పులు చేసింది. ఆఖరి నిమిషంలో చమీరా, మిషారాను జట్టులోకి తీసుకున్నారు. సూపర్ 8 కావడం, అదీ సొంత గడ్డపై జరుగుతుండటంతో శ్రీలంక చాలా కాన్పిడెంట్‌గా ఉంది. తొలుత బ్యాటింగ్‌కి రానున్న ఇంగ్లండ్ జట్టు భారీ స్కోర్ చేయాలన్న ఆలోచనలో ఉంది. శ్రీలంకను వాళ్ల గడ్డపై ఓడించాలంటే ఇంగ్లండ్ ఈ మ్యాచ్‌లో భారీ స్కోర్ చేయాల్సి ఉంటుంది. ఇంగ్లండ్ జట్టు తమ పాత జట్టుతోనే బరిలోకి దిగుతోంది. ఈ టీ20 వరల్డ్‌కప్‌ ఆరంభంలో తడబడిన ఇంగ్లండ్ జట్టు ఆ తర్వాత పుంజుకుని వరుస విజయాలతో సూపర్ 8లో అడుగుపెట్టింది. ఇక శ్రీలంక వరుస విజయాలతో అందర్ని అవాక్కు చేసింది. కానీ ఆఖర్లో జింబాబ్వేపై ఓడిపోయింది. సూపర్ 8లో ప్రతి మ్యాచ్ కీలకం కావడంతో ఈ పోరు పోటాపోటీగా సాగడం ఖాయంగా కనిపిస్తోంది. ఇంగ్లండ్ జట్టు ఫిల్ సాల్ట్, జాస్ బట్లర్, జాకబ్ బేతెల్, టామ్ బాంటన్, హ్యారీ బ్రూక్ (కెప్టెన్), సామ్ కరన్, విల్ జాక్స్, జెమీ ఓవర్టన్, లియామ్ డాసన్, జోఫ్రా ఆర్చర్, ఆదిల్ రషీద్. శ్రీలంక జట్టుపాతుమ్ నిస్సంక, కమిల్ మిషారా, కుశాల్ మెండిస్, పవన్ రత్నాయకే, దాసున్ షనక (కెప్టెన్), కమిందు మెండిస్, దునిత్ వెల్లలాగే, దుష్మంత్ హేమంత, దుష్మంత చమీరా, మహీష్ తీక్షణ, దిల్షాన్ మధుషనక.