అమెరికాలో ఓ తెలుగు యువకుడి జీవితం విషాదాంతమైంది. మాస్టర్స్ చేయడం కోసం 2018లో అమెరికా వెళ్లిన అనే 30 ఏళ్ల యువకుడు కార్డియాక్ అరెస్ట్ కారణంగా ప్రాణాలు కోల్పోయాడు. 8 ఏళ్ల క్రితం అమెరికా వెళ్లిన తమ కొడుకు ఎప్పుడెప్పుడు తిరిగొస్తాడా.. అని ఎదురు చూస్తున్న శశికాంత్ తల్లిదండ్రులు ఇప్పుడు తమ బిడ్డ శవం కోసం ఎదురు చూడాల్సిన దుస్థితి తలెత్తింది. శశికాంత్ మాస్టర్స్ పూర్తి చేసినప్పటికీ హెచ్1బీ వీసా రాలేదు. దీంతో మరోసారి మాస్టర్స్ డిగ్రీ చదివారు. అయినా సరే హెచ్1బీ వీసా అందని ద్రాక్షగానే మిగిలింది. శశికాంత్ ఎంత కష్టపడినప్పటికీ, మంచి విద్యార్హతలు ఉన్నప్పటికీ, అదృష్టం కలిసిరాలేదు.ఎంత ప్రయత్నించినప్పటికీ హెచ్1బీ వీసా రాకపోవడం.. 8 ఏళ్లుగా తల్లిదండ్రులకు దూరంగా ఉండటం.. ఎక్కువ గంటలు పని చేయాల్సి రావడంతో శశికాంత్ తీవ్ర ఒత్తిడికి గురయ్యారు. చివరకు ఫిబ్రవరి 16న తెల్లవారుజామున ఛాతిలో నొప్పిగా ఉందని ఫ్రెండ్స్‌కు చెప్పారు. వారు వెంటనే అతణ్ని హాస్పిటల్‌కు తరలించారు. కానీ కాపాడుకోలేకపోయారు. దీంతో శశికాంత్ భౌతిక కాయాన్ని స్వదేశానికి పంపించడానికి, శశికాంత్ తల్లిదండ్రులకు అండగా ఉండటానికి అమెరికాలోని అతడి స్నేహితులు, అక్కడి తెలుగు సమాజం ప్రయత్నాలు మొదలుపెట్టింది. అందులో భాగంగా ఫండ్ రెయిజ్ చేస్తున్నారు. శశికాంత్‌ స్వస్థలం ఏపీలోని కర్నూలు జిల్లా అని సమాచారం.శశికాంత్ మరణం.. అమెరికాలో చదువుకోవడానికి, ఉద్యోగం చేయడానికి వెళ్లిన తెలుగు వాళ్లు ఎంతటి ఒత్తిడిలో ఉన్నారో చెప్పకనే చెబుతోంది. ఒకప్పుడు తల్లిదండ్రులు తమ కొడుకు లేదా కూతురు అమెరికాలో చదువుకోవడానికి వెళ్తే గొప్పగా ఫీలయ్యేవారు. అమెరికాలోనే జాబ్ తెచ్చుకొని, అక్కడే సెటిలైపోతే వీళ్లు ఇక్కడ హ్యాపీగా ఫీలయ్యేవారు. కానీ ఇప్పుడు అమెరికాలో ఆ పరిస్థితులు లేవు. ఇప్పటికే అక్కడ చదువుకోవడానికి వెళ్లిన వారు హెచ్1బీ వీసాలు రాక.. చదువుకు తగ్గ ఉద్యోగాలు రాక.. తిరిగి ఇండియా రావడానికి మనసొప్పక.. మళ్లీ మాస్టర్స్ కోర్సుల్లో చేరుతున్నారు. అయినా సరే అక్కడ కొంత కాలమైనా మంచి ఉద్యోగం చేసే అవకాశం లేక తీవ్ర ఒత్తిడికి లోనవుతున్నారు. అబ్బాయి అమెరికా వెళ్లకపోతే వృథా అనుకోవద్దు..మంచి భవిష్యత్తు కోసం విదేశాల బాట పట్టిన విద్యార్థులు.. అక్కడి పరిస్థితులు మారిపోవడంతో డిప్రెషన్లోకి వెళ్లిపోతున్నారు. తిరిగి రాలేక, అక్కడే ఉండలేక నరకయాతన అనుభవిస్తున్నారు. ఇక్కడ ప్రస్తావనార్హం.తల్లిదండ్రులు సైతం వాస్తవాన్ని గుర్తించాల్సిన తరుణం ఇది. అమెరికాలో చేస్తేనే ఉద్యోగం.. డాలర్లు సంపాదిస్తేనే జీవితం అనే భ్రమ నుంచి బయటకు రావాలి. పక్కింటి అబ్బాయి వెళ్లాడు. మన బంధువులంతా అమెరికాలోనే ఉన్నారు.. మనోడు వెళ్లకపోతే ఎలా ఆలోచనలు మానేయాలి. అమెరికా వెళ్తే ఓకే, మంచి యూనివర్సిటీలో సీటు వస్తే ఓకే.. అక్కడ జాబ్ వస్తే డబుల్ ఓకే. అంతే కానీ అమెరికానే జీవితం అనే స్థాయికి వెళ్లొద్దు.