ഓഫീസുകളിലും പൊതുശുചിമുറികളിലും കൈകൾ ഉണങ്ങാൻ നാം സാധാരണയായി ഉപയോഗിക്കുന്ന ഹാൻഡ് ഡ്രയറുകൾ ശുചിത്വമുള്ളതാണെന്നാണ് പലരും കരുതുന്നത്. എന്നാൽ, അങ്ങനെയല്ല കാര്യങ്ങൾ. ഹാന്‍ഡ് ഡ്രയറില്‍ നിന്ന് വരുന്ന ശക്തമായ ചൂടു വായു ശുദ്ധവായുവിന് പകരം ടോയ്ലറ്റ് ഉള്‍പ്പെടെയുള്ള ഫ്ളഷ് എയറോസോളുകളില്‍ നിന്നുള്ള മലിനമായ വായു വലിച്ചെടുത്ത് പുനര്‍വിതരണം ചെയ്യുന്നതാണ്.ശൗചാലയങ്ങളിൽ ഫ്ലഷ് ചെയ്യുമ്പോൾ വായുവിലേക്ക് തെറിക്കുന്ന സൂക്ഷ്മകണികകൾ (toilet plume) മണിക്കൂറുകളോളം അവിടെ തങ്ങിനിൽക്കും. ഹാൻഡ് ഡ്രയറുകൾ ഈ മലിനമായ വായു വലിച്ചെടുത്ത് ഉയർന്ന വേഗതയിൽ പുറത്തേക്ക് വിടുമ്പോൾ, അണുക്കൾ നേരിട്ട് നമ്മുടെ വസ്ത്രങ്ങളിലും മുഖത്തും ശരീരത്തിലും വന്നടിയുന്നു.ALSO READ: ഭക്ഷണത്തിനു ശേഷം ഏലയ്ക്ക ക‍ഴിച്ചാൽ എന്ത് സംഭവിക്കും?പേപ്പർ ടവലുകളെ അപേക്ഷിച്ച് ഉയർന്ന വേഗതയുള്ള ഹാൻഡ് ഡ്രയറുകൾ 1,300 മടങ്ങ് കൂടുതൽ അണുക്കളെ വായുവിൽ പരത്തുന്നുവെന്ന് യൂണിവേഴ്സിറ്റി ഓഫ് ലീഡ്സ് (University of Leeds) നടത്തിയ പഠനത്തിൽ കണ്ടെത്തിയിട്ടുണ്ട്. ഈർപ്പമുള്ള സാഹചര്യമായതിനാൽ ശൗചാലയങ്ങളിൽ പൂപ്പലുകളും (mould) മറ്റ് അലർജിക്ക് കാരണമാകുന്ന കണികകളും ഉണ്ടാകാൻ സാധ്യതയുണ്ട്. ഹാൻഡ് ഡ്രയറുകൾ ഇവയെ കൈകളിലേക്ക് നേരിട്ട് എത്തിക്കുന്നു, ഇത് മൂക്കിനും തൊണ്ടയ്ക്കും ചർമ്മത്തിനും അസ്വസ്ഥതയുണ്ടാക്കാം.പരിസ്ഥിതി സൗഹൃദമാണെന്ന കാരണത്താൽ പലയിടത്തും പേപ്പർ ടവലുകൾക്ക് പകരം ഹാൻഡ് ഡ്രയറുകൾ ഉപയോഗിക്കാറുണ്ടെങ്കിലും, ആരോഗ്യ സുരക്ഷയുടെ കാര്യത്തിൽ പേപ്പർ ടവലുകളാണ് മുന്നിൽ നിൽക്കുന്നത്. കൈകൾ കഴുകിയ ശേഷം ബാക്കിയുള്ള അണുക്കളെ തുടച്ചുനീക്കാൻ പേപ്പർ ടവലുകൾ സഹായിക്കുന്നു.പേപ്പർ ടവലുകൾ ലഭ്യമല്ലാത്ത സാഹചര്യത്തിൽ, ഹാൻഡ് ഡ്രയറുകൾ ഉപയോഗിക്കുന്നതിന് പകരം കൈകൾ സ്വാഭാവികമായി ഉണങ്ങാൻ അനുവദിക്കുന്നതാണ് (Air-dry) കൂടുതൽ സുരക്ഷിതമെന്ന് വിദഗ്ധർ അഭിപ്രായപ്പെടുന്നു.The post ഹാൻഡ് ഡ്രയറുകൾ ഉപയോഗിക്കുന്നവർ ശ്രദ്ധിച്ചില്ലെങ്കിൽ പണി കിട്ടും ! കൈകളിലേക്ക് ചീറ്റുന്ന ചൂടു വായു എവിടെനിന്നെന്ന് അറിയാമോ ? appeared first on Kairali News | Kairali News Live.