واشنگٹن : دنیا بھر میں جنگیں رکوانے کے دعویدار امریکی صدر ڈونلڈ ٹرمپ نے امریکی محکمہ دفاع پینٹاگون کا نام تبدیل کرکے محکمہ جنگ رکھ دیا ہے جس کے ایگزیکٹو آرڈر پر دستخط کردیے گئے ہیں۔برطانوی خبر رساں ایجنسی کی رپورٹ کے مطابق امریکی صدر ڈونلڈ ٹرمپ نے جمعہ کو ایک ایگزیکٹیو آرڈر پر دستخط کیے جس کے تحت محکمہ دفاع پینٹاگون کا نام تبدیل کرکے ڈپارٹمنٹ آف وار(محکمہ جنگ) رکھ دیا گیا ہے۔وائٹ ہاؤس کے اوول آفس میں محکمہ دفاع کا نام تبدیلی کی تقریب میں گفتگو کرتے ہوئے امریکی صدر ٹرمپ نے کہا کہ پہلی اور دوسری جنگ عظیم میں اسے محکمہ جنگ کہا جاتا تھا۔https://urdu.arynews.tv/wp-content/uploads/2025/09/WAR-VDO.mp4ان کا کہنا تھا کہ چیزوں کو ان کے اصل نام سے پکارنے کا وقت آگیا ہے، امریکا دنیا کی طاقتور ترین فوج ہے، ہم نے جنگ عظیم اول اور دوئم جیتیں۔ٹرمپ نے کہا کہ ہم نے دنیا بھر میں جاری 7جنگیں رکوائیں، یہ جنگیں تجارت اور طاقت کے زور سے روکی گئیں، یوکرین سے متعلق سیکیورٹی معاہدہ زیر غور ہے، ہم یوکرین کی سیکیورٹی سے متعلق متحرک ہیں۔روس یوکرین جنگ رکوانا تھوڑا مشکل کام ہے، یوکرین جنگ میں ہر ہفتے 7ہزار افراد ہلاک ہورہے ہیں،President Donald J. Trump signs an Executive Order officially restoring the name "Department of War” to the Department of Defense.This is the 200th Executive Order the President has signed since taking office. pic.twitter.com/OuLfuSoRLR— Rapid Response 47 (@RapidResponse47) September 5, 2025واضح رہے کہ حکم نامے پر دستخط کے موقع پر پینٹاگون کے سربراہ پیٹ ہیگستھ بھی ٹرمپ کے ساتھ موجود تھے، جو اب سیکرٹری آف وار کہلائیں گے۔پینٹاگون کے نام کی تبدیلی کے ساتھ ہی محکمہ دفاع کے آفیشل ایکس اکاؤنٹ پر بھی نام تبدیل کرکے Department of War کر دیا گیا ہے۔