బిగ్ బాస్ సీజన్ 9 గ్రాండ్ లాంఛ్‌కి ‘సమయం’ ఆసన్నమైంది. సెప్టెంబర్ 7 ఆదివారం రాత్రి 7 గంటల నుంచి బిగ్ బాస్ సీజన్ 9 ప్రారంభంకాబోతుంది. నాగార్జున హోస్ట్ చేస్తుండగా.. 24*7 హాట్ స్టార్‌లో లైవ్ స్ట్రీమింగ్ కానుంది. శని, ఆదివారాల్లో నాగార్జున ఆటాడించబోతున్నారు. అయితే ఆట మజాగా సాగాలంటే ఆటాడించేవాడు ఎంత హంగామా చేసినా పని కాదు.. హౌస్‌లో ఆటాడే వాళ్లే కీలకం. అంటే బిగ్ బాస్ హౌస్‌లో అడుగుపెట్టబోయే కంటెస్టెంట్స్‌ని బట్టే సీజన్ రిజల్ట్ ఆధారపడి ఉంటుంది. అయితే ఈ సీజన్‌లో కామన్ ఆడియన్స్‌‌కి అవకాశం కల్పిస్తూ అగ్నిపరీక్షను నిర్వహించి.. హౌస్‌లో పంపడానికి సగం మందిని ముందుగానే రెడీ చేశారు. కామనర్స్ వర్సెస్ సెలబ్రిటీస్‌గా ఈ సీజన్ సాగబోతుంది. అగ్నిపరీక్ష ద్వారా ఐదారుగురు కంటెస్టెంట్స్ హౌస్‌లోకి అడుగుపెట్టబోతున్నారు. అయితే సెలబ్రిటీలుగా వచ్చే కంటెస్టెంట్స్ లిస్ట్ బయటకు వచ్చింది. ఈ కంటెస్టెంట్స్ ఎంపికలో చాలానే ట్విస్ట్‌లు ఉన్నాయి. గత సీజన్ మాదిరిగానే.. నాలుగైదు వారాలు గడిచిన తరువాత.. 2.o పేరుతో మరో ఐదారుగుర్ని హౌస్‌లోకి పంపించబోతున్నారు. షోకి వచ్చే రెస్పాన్స్‌ని బట్టి మార్పులు చేర్పులు ఉండబోతుండగా.. ఈ సీజన్‌లో మన పచ్చళ్ల పాప అలేఖ్య చిట్టి పికిల్స్ రమ్య ఎంట్రీకి ఓ రేంజ్‌లో ప్లాన్ చేసింది బిగ్ బాస్ టీం. ఈమెని సెలబ్రిటీ కోటాలోనే హౌస్‌లోకి పంపిస్తుండగా.. అందరిలా కాకుండా ఈమెను హౌస్‌లోకి షో ఫ్లోని బట్టి పంపించబోతున్నారు. ఇక ఇప్పటివరకూ ఫైనల్ అయిన సీజన్ 9 కంటెస్టెంట్ లిస్ట్ చూద్దాం. మొదటిగా సెలబ్రిటీ లిస్ట్‌లోని అమ్మాయిలు లిస్ట్ చూస్తే..1.సంజనా గల్రానీ (బుజ్జిగాడు ఫేమ్)2. రీతూ చౌదరి (యాంకర్, కుక్ విత్ జాతిరత్నాలు)3. తనూజ గౌడ.. (సీరియల్ నటి, కుక్ విత్ జాతిరత్నాలు)4. ఆశాషైనీ.. (లక్స్ పాపా సాంగ్ ఫేమ్, హీరోయిన్)5. శ్రష్ఠి వర్మ.. (కొరియోగ్రాఫర్, జానీ మాస్టర్ మాజీ అసిస్టెంట్) ఈ ఐదుగురు లేడీస్ కోటాలో హౌస్‌లోకి వెళ్లబోతున్నారు. 6. భవాణి శంకర్ .. (స్రవంతి సీరియల్ ఫేమ్)7. కమెడియన్ సుమన్ శెట్టి.. (జయం, 7/G ఫేమ్)8. సింగర్ రాము రాథోడ్ (రానూ ముంబైకి రానూ ఫేమ్)9. జబర్దస్త్ కమెడియన్ ఇమ్మానుయేల్ (కుక్ విత్ జాతిరత్నాలు ఫేమ్)ఈ తొమ్మిదిమంది దాదాపు కన్ఫామ్ అయినట్టే. అయితే వీరే కాకుండా మరో ముగ్గురు సెలబ్రిటీ కోటాలో అడుగుపెట్టబోతున్నారు. అయితే వీరిని లాంఛింగ్ డే రోజున కాకుండా.. నాలుగైదు వారాల తరువాత 2.o లాంఛ్‌లో పంపించేందుకు ప్లాన్ చేస్తున్నారు. వాళ్లలో ఉన్న ఆ ముగ్గురు కంటెస్టెంట్స్ ఎవరంటే.. 10. అలేఖ్య చిట్టి పికిల్స్ రమ్య11. సింగర్ శ్రీతేజ12. దువ్వాడ మాధురి ఈ ముగ్గురూ కూడా షో మధ్యలో హౌస్‌లోకి ఎంట్రీ ఇచ్చే అవకాశం కనిపిస్తోంది. ఎవరు వచ్చినా రాకపోయినా.. అలేఖ్య చిట్టి పికిల్స్ రమ్య మాత్రం హౌస్‌లోకి ఎంట్రీ ఇవ్వడం ఖాయం. అయితే ఆమెను మిడ్ వీక్స్‌లోనే హౌస్‌లోకి పంపించే అవకాశం కనిపిస్తోంది. ఈ 12 మంది కాకుండా.. అగ్నిపరీక్ష ఆడిషన్స్‌లో సెలెక్ట్ అయిన మరో ఆరుగుర్ని హౌస్‌లోకి పంపించబోతున్నారు. ఇప్పటి వరకూ జరిగిన పెర్ఫామెన్స్‌ని బట్టి.. ఈ ఆరుగుర్ని సెలెక్ట్ చేశారు. ఓటింగ్ ద్వారా కొంతమంది.. జడ్జీల ద్వారా కొంతమంది.. ఓటింగ్‌లో ముగ్గురు.. జడ్జీలు ముగ్గురూ తలా ఒక్కరూ హౌస్‌లోకి వెళ్లొచ్చు. అలా అగ్నిపరీక్ష ద్వారా హౌస్‌లోకి ఎంట్రీ ఇచ్చే కంటెస్టెంట్స్ పక్కాగా ఎవరనేది వరుస క్రమంలో చూద్దాం. 1. దమ్ము శ్రీజ 2. మాస్క్ మ్యాన్ హరీష్/ హరిత హరీష్3. ఆర్మీ పవన్ కళ్యాణ్4. మర్యాద మనీష్5. దివ్యా నికితా ఈ ఐదుగురు దాదాపు కన్ఫామ్. ఇక ఆరో స్థానానికి గట్టి పోటీ ఉండబోతుంది. ఇందులో నాగ ప్రశాంత్ వర్సెస్ ప్రియా శెట్టి మధ్య టఫ్ ఫైట్ ఎక్కువ. ఇక్కడ ఎలా ఉండొచ్చంటే.. అమ్మాయిల్ని ఎక్కువమందిని తీసుకుంటే కంటెంట్ ఎక్కువ వస్తుంది కాబట్టి.. అలా చూస్తే.. ప్రియాశెట్టికి ఎక్కువ ఛాన్స్ ఉంది. లేదూ.. అబ్బాయిల్ని తీసుకోవాలి అనుకుంటే మాత్రం.. నాగ ప్రశాంత్‌కి 95 పర్సంట్ ఛాన్స్ ఉంది. అలాగే డీమన్ పవన్‌కి, షాకీబ్‌కి ఫిఫ్టీ ఫిఫ్టీ పర్సంట్ ఛాన్స్ ఉంది. మరో ఆసక్తికరమైన విషయం ఏంటంటే.. అబ్బాయిల్ని ఎక్కువమందిని తీసుకోవాలనుకుంటే.. దివ్య నిఖిత, ప్రియా శెట్టి.. వీళ్లిద్దరిలో ఎవరో ఒకరికి మాత్రమే ఛాన్స్ ఉండొచ్చు. కామనర్స్‌లో ఈ ఆరుగురే కాకుండా.. వీళ్లలో నుంచే వైల్డ్ కార్డ్ ఎంట్రీలు కూడా ఉండబోతున్నాయి. అంటే అగ్నిపరీక్ష‌లో ఎలిమినేట్ అయిన బెస్ట్ పెర్ఫామర్స్‌కి తిరిగి వైల్డ్ కార్డ్‌లతో స్వాగతం పలకబోతున్నారు. అయితే.. హౌస్‌లో ఉన్న కామనర్స్ పెర్ఫామెన్స్, షోకి వస్తున్న రేటింగ్, జానాధరణని బట్టి ఈ వైల్డ్ కార్డ్ ఎంట్రీల సెలక్షన్ ఉండబోతుంది. కామనర్స్‌ని జనం ఎక్కువ ఇష్టపడితే.. వాళ్లకే ఎక్కువ ఛాన్స్ ఉండొచ్చు. లేదూ.. సెలబ్రిటీల పెర్ఫామెన్స్‌లు బాగుంటే.. అవినాష్, టేస్టీ తేజా లాంటి కమెడియన్స్‌‌ని హౌస్‌లోకి పంపించొచ్చు. అయితే మొత్తంగా సీజన్ 9కి సంబంధించిన కంటెస్టెంట్స్ లిస్ట్‌లో రీతూ చౌదరి, శ్రష్ఠి వర్మ హాట్ టాపిక్ అయ్యే కంటెస్టెంట్స్‌గా కనిపిస్తున్నారు. బట్.. వీళ్లు విన్నర్ మెటిరియల్ అయితే కాదు. ఆట చూడకుండా ఎలా చెప్తావ్ అని అనుకోవచ్చు కానీ.. కొన్ని అంతే ఫేస్‌ని బట్టి.. ఫ్యాన్ బేస్‌ని బట్టి చెప్పేయొచ్చు.