لوک سبھا میں قائد حزب اختلاف اور کانگریس کے سینئر رہنما راہل گاندھی نے آسام کے کمل پور میں ایک انتخابی جلسے سے خطاب کرتے ہوئے وزیر اعلیٰ ہیمنت بسوا سرما پر براہ راست اور سخت حملہ کیا۔ انہوں نے الزام لگایا کہ ریاست میں بدعنوانی عروج پر ہے اور عوامی زمینوں کو منظم انداز میں بڑے کارپوریٹ اداروں کے حوالے کیا جا رہا ہے، جس سے عام لوگوں کے حقوق متاثر ہو رہے ہیں۔راہل گاندھی نے کہا کہ آسام کی سیاست کو نفرت اور تقسیم کی طرف دھکیلا جا رہا ہے، جبکہ اس ریاست کی اصل پہچان اتحاد، بھائی چارہ اور ثقافتی ہم آہنگی رہی ہے۔ انہوں نے زوبین گرگ، گوپی ناتھ بوردولوئی، بھوپین ہزاریکا اور ترون گوگوئی جیسی شخصیات کا حوالہ دیتے ہوئے کہا کہ ان اہم شخصیات نے ہمیشہ لوگوں کو جوڑنے کا کام کیا، نہ کہ انہیں تقسیم کرنے کا۔انہوں نے وزیر اعلیٰ پر الزام عائد کیا کہ وہ ریاستی وسائل کو عوامی مفاد کے بجائے اپنے قریبی حلقوں کے فائدے کے لیے استعمال کر رہے ہیں۔ ان کے مطابق ہزاروں بیگھہ زمین مختلف بڑی کمپنیوں اور شخصیات کو دی گئی، جو ایک منظم پالیسی کا حصہ معلوم ہوتی ہے۔ انہوں نے دعویٰ کیا کہ یہ عمل آسام کے عوام کے ساتھ ناانصافی کے مترادف ہے۔سی اے پی ایف بل 2026: تصادم میں پیر گنوانے والے افسر کی ویڈیو شیئر کر راہل گاندھی نے مرکزی حکومت کو بنایا ہدف تنقیدراہل گاندھی نے کہا کہ موجودہ حکومت عوام کی توجہ اصل مسائل سے ہٹانے کے لیے مسلسل بیانات اور سیاسی ہتھکنڈوں کا سہارا لے رہی ہے، مگر حقیقت یہ ہے کہ بے روزگاری، مہنگائی اور بنیادی سہولیات کی کمی جیسے مسائل جوں کے توں موجود ہیں۔ انہوں نے یہ بھی کہا کہ ایک دن قانون اپنا کام کرے گا اور بدعنوانی میں ملوث افراد کو جواب دہ ہونا پڑے گا۔مرکزی حکومت پر تنقید کرتے ہوئے انہوں نے کہا کہ ملک کی معاشی اور توانائی پالیسیوں میں ایسے فیصلے کیے جا رہے ہیں جو طویل مدت میں عوام کے مفادات کے خلاف جا سکتے ہیں۔ ان کے مطابق بین الاقوامی دباؤ کے تحت فیصلے لینے سے ملک کی خودمختاری اور معاشی استحکام متاثر ہو سکتا ہے۔آسام انتخابات: کانگریس کا ہیمنت بسوا سرما پر حملہ، اہلیہ کے غیر ملکی پاسپورٹس اور بیرون ملک کاروبار پر سوالاتراہل گاندھی نے وعدہ کیا کہ اگر کانگریس کو اقتدار ملا تو خواتین کے لیے مالی امداد، بزرگوں کے لیے باقاعدہ پنشن، زمین کے حقوق کی بحالی اور صحت کے شعبے میں جامع اصلاحات نافذ کی جائیں گی۔ انہوں نے کہا کہ ہر خاندان کو صحت بیمہ فراہم کیا جائے گا تاکہ بیماری کی صورت میں مالی بوجھ کم ہو سکے۔انہوں نے کہا کہ یہ صرف ایک انتخاب نہیں بلکہ نظریات کی لڑائی ہے، جس میں ایک طرف اتحاد اور انصاف کی سیاست ہے اور دوسری طرف نفرت اور تقسیم کی۔ انہوں نے عوام سے اپیل کی کہ وہ کانگریس کے امیدواروں کو کامیاب بنا کر ایک ایسی حکومت قائم کریں جو عوامی مفادات کا تحفظ کرے۔