Gold Silver Rates: భారతదేశంలో బంగారానికి మంచి డిమాండ్ ఉంటుంది. ముఖ్యంగా మహిళలు.. పండగలు, శుభకార్యాలు, ఇతర వేడుకల సమయాల్లో బంగారు ఆభరణాల్ని కొనుగోలు చేసేందుకు ఎక్కువగా ఆసక్తి చూపిస్తుంటారు. అయితే కొంత కాలంగా ముఖ్యంగా 2025 నుంచి విపరీతంగా పెరగ్గా.. దీనికి డిమాండ్ తగ్గింది. ఇటీవల పశ్చిమాసియాలో ఉద్రిక్తతలు నెలకొన్నప్పటి నుంచి చూస్తే.. సంక్షోభ పరిస్థితుల్లో కూడా భారీగా తగ్గడమే కొనుగోలుదారులకు సానుకూల పరిణామం. యుద్ధం సమయం నుంచి దాదాపు నెల రోజుల్లో బంగారం ధర రూ. 40 వేల వరకు దిగొచ్చింది. దీంతో కొనుగోలుదారులకు కాస్త ఊరట కలిగింది. కొనుగోళ్లు మళ్లీ పెరిగాయి. అయితే వరుసగా తగ్గిన బంగారం ధరలు ఇప్పుడు మళ్లీ పెరిగాయి. ఒకవైపు .. మరోవైపు పశ్చిమాసియాలో యూఎస్ మరింత సైనిక బలగాల్ని మోహరిస్తుండటమే అర్థం కావట్లేదు. ఇదే సమయంలో ఇజ్రాయెల్.. తాజాగా ఇరాన్ అణు కేంద్రాలపైనా దాడులు చేయడం ఉద్రిక్తతల్ని మరింత పెంచింది. దీంతో ఈసారి క్రూడాయిల్ ధర మళ్లీ పెరిగినా.. బంగారం ధరలు కూడా పెరగడం గమనార్హం. క్రూడాయిల్ ధర మళ్లీ బ్యారెల్‌కు 114 డాలర్లకు చేరుకుంది. ఇంటర్నేషనల్ మార్కెట్లో స్పాట్ గోల్డ్ రేటు ఔన్సుకు ప్రస్తుతం 4,494 డాలర్ల స్థాయిలో ఉంది. సిల్వర్ రేటు 69.80 డాలర్ల వద్ద ఉంది. ఇదే సమయంలో డాలరుతో పోలిస్తే రూపాయి మారకం విలువ భారీగా పతనమైంది. ప్రస్తుతం రూ. 94.80 స్థాయిలో ఉంది. దేశీయంగా బంగారం ధరలు చూస్తే ఇటీవల వరుసగా తగ్గింది. మార్చి 27న కూడా రూ. 2 వేల మేర తగ్గింది. అయితే ఇప్పుడు మార్చి 28న ఉదయం 8 గంటల సమయంలో బంగారం ధరలు పెరిగాయి. 22 క్యారెట్ల గోల్డ్ రేటు రూ. 950 మేర పెరగ్గా.. తులం ప్రస్తుతం హైదరాబాద్ నగరంలో రూ. 13,345 వద్ద ఉంది. ముందటి రోజు ఇది రూ. 13,250 వద్ద ఉండేది. ఇక 24 క్యారెట్ల పసిడి ధర చూస్తే రూ. 1,44,710 వద్ద కొనసాగుతోంది. ఇది కూడా కిందటి రోజుతో పోలిస్తే రూ. 1000 కిపైగా ఎగబాకింది. బంగారం ధరలు ఇలా ఉండగా.. సిల్వర్ రేట్లు చూస్తే రూ. 15 వేలు తగ్గడంతో ప్రస్తుతం ఇది కేజీకి హైదరాబాద్ మార్కెట్లో రూ. 2.45 లక్షల వద్ద ఉంది. ఇది ఇటీవలి కాలంలో భారీగా దిగొచ్చిందని చెప్పొచ్చు. ఆల్ టైమ్ హై ధర రూ. 4.25 లక్షలు కాగా.. అక్కడి నుంచి రూ. 1.80 లక్షల దూరంలో ఉండటం విశేషం.