കേരളത്തിൽ കള്ള പ്രചാരണം നടത്തിയ കോൺഗ്രസ് ഇപ്പോൾ തലയിൽ മുണ്ടിട്ട് നടക്കേണ്ട അവസ്ഥായായിരിക്കുകയാണ്. ഡീൽ എന്നൊരുവാക്ക് പറഞ്ഞതേ വിഡി സതീശന് ഓർമയുള്ളൂ. ആദ്യ കാലം തൊട്ട് കോൺഗ്രസ് നടത്തിയ ഡീലുകളുടെ കഥ ഓരോന്നായി പുറത്ത് വന്ന് തുടങ്ങി. ഇന്നോ ഇന്നലെയോ തുടങ്ങിയതല്ല ഇവരുടെ ഡീൽ എന്നത് ചരിത്രം പരിശോധിച്ചാൽ വ്യക്തമാണ്. 1980 ൽ കാസർഗോഡ് മുസ്ലീം ലീഗിൻ്റേയു കോൺഗ്രസിൻ്റേയും പിന്തുണയോടെയാണ് ബിജെപി മുതിർന്ന നേതാവ് ഒ രാജഗോപാൽ മത്സരിച്ചത്. കോൺഗ്രസ് കരുണാകര വിഭാഗമാണ് അന്ന് പ്രധാനമായും ഒ രാജഗോപാലിന് മത്സരിക്കാനുള്ള പിന്തുണ നൽകിയത്. ഈ തിരഞ്ഞെടുപ്പ് പ്രചാരണത്തിന്റെ പ്രധാന ചുമതല വഹിച്ചത് മുസ്ലിം ലീഗ് നേതാവ് ഇ അഹമ്മദായിരുന്നു. ഇതിന് പുറമെ പ്രമുഖ ലീഗ് കോൺഗ്രസ് നോതാക്കൾ ഒ രാജഗോപാലിന് വേണ്ടി വോട്ടഭ്യർഥിച്ച് ഘോരെ ഘോരെ പ്രസംഗിക്കുകയും ചെയ്തിട്ടുണ്ട്. സി എച്ച് മുഹമ്മദ് കോയ നാല് വ്യത്യസ്ത വേദികളിൽ ഒ രാജഗോപാലിന് വേണ്ടി പ്രസംഗിക്കുകയും പച്ചക്കൊടി ഏന്തി പ്രചാരണം നടത്തുകയും ചെയ്തിട്ടുണ്ട്. അന്നും ഇന്നും എന്നും ഏത് തരംതാണ കൂട്ട്കെട്ടും നടത്തി ഇടതുപക്ഷത്തെ തോൽപ്പിക്കുകയെന്നതാണ് കോൺഗ്രസിൻ്റെ ലക്ഷ്യം. എന്നാൽ 1980 ലെ ആ ലക്ഷ്യം പരാജയപ്പെടുകയായിരുന്നു. സി പി ഐ എം സ്ഥാനാർഥി രാമണ്ണറെ 73509 വോട്ടുകൾക്ക് അവിടെ വിജയക്കൊടി പാറിച്ചു.Also read: പ്രചാരണ ആവേശത്തിൽ എൽഡിഎഫ് സ്ഥാനാർഥികൾ; ആവേശം പകർന്ന് മുഖ്യമന്ത്രിയുംകള്ളം പറഞ്ഞ് ചരിത്രത്തെ വളച്ചൊടിക്കാൻ നോക്കുന്ന കോൺഗ്രസിനും ബിജെപി ക്കും ലീഗിനും ഇതൊന്നും ഓർമ കാണില്ല. അവർക്ക് കള്ളങ്ങൾ പടച്ചു വിടുന്നതിൽ മാത്രമാണ് ശ്രദ്ധ. രാജ്യത്ത് വർഗീയതയെ ഏറ്റവും ശക്തമായി എതിർക്കുന്നത് ഇടതുപക്ഷമാണെന്ന സത്യം ജനങ്ങൾക്ക് ബോധ്യമുള്ള കാര്യമാണ്. നൂറ് കള്ളങ്ങൾ ആവർത്തിച്ച് പറഞ്ഞ് അത് സത്യമാക്കാനുള്ള ഗിബൽസിൻ്റെ തന്ത്രം പയറ്റുന്ന വിഡി സതീശൻ്റേയും കോൺഗ്രസിൻ്റേയും ആ ശ്രമങ്ങളെല്ലാം എട്ട് നിലയിൽ പൊട്ടുകയാണ്. വർഷങ്ങൾക്ക് മുന്നേ പയറ്റി ശീലിച്ച് അതേ കൂട്ട് കെട്ട് തന്ത്രമാണ് ഇപ്പോഴും കോൺഗ്രസ് പയറ്റുന്നത്. ഇതിന് പുറമെ ബിജെപി ക്ക് കൃത്യമായി സ്ഥാനാർഥകളെ ഉണ്ടാക്കിക്കൊടുക്കാനും കോൺഗ്രസ് പ്രത്യേകം ശ്രദ്ധിക്കുന്നുണ്ട്.The post ഡീൽ ചരിത്രം അവസാനിക്കുന്നില്ല; മറ്റൊരു കോൺഗ്രസ് – ബിജെപി ഡീൽ കൂടി appeared first on Kairali News | Kairali News Live.