യാത്രക്കാർക്ക് സൗദി അറേബ്യയിലേക്കുള്ള ട്രാൻസിറ്റ് വിസ ടിക്കറ്റ് ബുക്കിംഗിനൊപ്പം തന്നെ ലഭ്യമാക്കുന്നതിനായി പുതിയ സേവനം ആരംഭിച്ചതായി കുവൈത്ത് എയർവേയ്സ് അറിയിച്ചു. എയർലൈൻസിന്റെ വിൽപ്പന ഓഫീസുകളിലും കസ്റ്റമർ സർവീസ് കോൾ സെന്ററിലൂടെയും ഈ സേവനം ലഭ്യമാകുമെന്ന് അധികൃതർ വ്യക്തമാക്കി. ഇതിലൂടെ ടിക്കറ്റ് ബുക്കിംഗിനൊപ്പം തന്നെ വിസ നടപടികൾ പൂർത്തിയാക്കാൻ യാത്രക്കാർക്ക് കൂടുതൽ സൗകര്യമുണ്ടാകുമെന്നും അറിയിച്ചു.സോഷ്യൽ മീഡിയ പ്ലാറ്റ്ഫോമായ എക്സിലെ ഔദ്യോഗിക അക്കൗണ്ടിലൂടെ പങ്കുവെച്ച പ്രസ്താവനയിൽ, അപേക്ഷയ്ക്കായി ആവശ്യമായ രേഖകളും എയർലൈൻസ് വ്യക്തമാക്കിയിട്ടുണ്ട്. വെളുത്ത പശ്ചാത്തലത്തിലുള്ള വ്യക്തിപരമായ ഫോട്ടോ, സിവിൽ ഐഡി കാർഡ്, പാസ്പോർട്ട് പകർപ്പ് എന്നിവയാണ് ആവശ്യമായ രേഖകൾ.Also read : കുവൈത്തിൽ പബ്ലിക് അതോറിറ്റി ഓഫിസുകളുടെ പ്രവർത്തന സമയം പുതുക്കി; മഴയെത്തുടർന്ന് ഒമാനിൽ ബുധനാഴ്ചയും വർക്ക് ഫ്രം ഹോം തുടരണമെന്ന് നിർദ്ദേശംയാത്രാ നടപടികൾ ലളിതമാക്കുകയും യാത്രക്കാരുടെ സൗകര്യം വർധിപ്പിക്കുകയും ചെയ്യുന്നതിനാണ് ഈ പുതിയ സേവനം ലക്ഷ്യമിടുന്നതെന്ന് കുവൈത്ത് എയർവേയ്സ് അറിയിച്ചു. പ്രത്യേകിച്ച് സൗദി അറേബ്യ വഴി ട്രാൻസിറ്റ് ചെയ്യുന്ന യാത്രക്കാർക്ക് ഇത് കൂടുതൽ സഹായകരമാകും.The post ടിക്കറ്റ് ബുക്കിംഗിനൊപ്പം വിസ നടപടികൾ പൂർത്തിയാക്കാൻ കൂടുതൽ സൗകര്യമൊരുക്കി കുവൈത്ത് എയർവേയ്സ് appeared first on Kairali News | Kairali News Live.