واشنگٹن (26 مارچ 2026): امریکی صدر ڈونلڈ ٹرمپ نے ایران کے حوالے سے دعویٰ کیا ہے کہ وہ اب مذاکرات کر رہا ہے اور بے تابی سے ڈیل چاہتا ہے۔امریکی صدر ٹرمپ نے واشنگٹن میں ریپبلکنز پارٹی کی اہم تقریب سے خطاب میں کہا کہ ایران ڈیل چاہتا ہے لیکن بولنے سے ڈر رہا ہے، ایرانی قیادت ڈیل کا بولے گی تو اپنے لوگوں کے ہاتھوں مرے گی، اور اس کو ڈر ہے اگر ڈیل سے انکار کیا تو ہمارے ہاتھوں مرے گی۔ڈونلڈ ٹرمپ نے کہا ایران میں کوئی ایسا نہیں جو سپریم لیڈر بننے کے لیے تیار ہو، کوئی بھی قیادت کی بجائے بے روزگار رہنا پسند کرے گا، ایک نے کہا کہ میں سپریم لیڈر نہیں بننا چاہتا، ایسے ہی ٹھیک ہوں۔تل ابیب خالی کرنے کی تیاری؟ اسرائیلی سیاست دانوں نے محفوظ ٹھکانوں کی تلاش شروع کر دیانھوں نے کہا فیک نیوز کو دیکھیں تو ایسا لگتا ہے ہم جنگ ہار رہے ہیں، لیکن ہم نے ایران کی فضائیہ اور نیوی سمیت سب کچھ تباہ کر دیا ہے، اس کے پاس کچھ نہیں لیکن فیک نیوز غلط بتاتا ہے، میرے خلاف 94 فی صد منفی خبریں چلائی گئیں لیکن پھر بھی الیکشن جیت گیا تھا۔ٹرمپ نے کہا ایئرپورٹس پر آئس کی تعیناتی سے فلائٹس تاخیر کا معاملہ حل کر لیا ہے، ضرورت پڑی تو ایئرپورٹس کو فعال رکھنے کے لیے نیشنل گارڈز بھیجیں گے، ڈیموکریٹس نے شٹ ڈاؤن کر کے ایئرپورٹس کو متاثر کیا، ہوم لینڈ سیکیورٹی کو فنڈنگ نہ ملنے کے باعث ٹی ایس اے عملہ چھٹیوں پر گیا۔امریکی صدر نے دعویٰ کیا کہ وہ مڈ ٹرم الیکشن بھاری اکثریت سے جیت جائیں گے، ڈیموکریٹ پارٹی کرمنلز اور فراڈ کرنے والوں کی حامی ہے، اوباما اور بائیڈن امریکا کو تباہی کی طرف لے کر گئے تھے۔