Gold Rate Crash: పశ్చిమాసియాలో ఉద్రిక్తతలు కొనసాగుతున్నాయి. అమెరికా అధ్యక్షుడు డొనాల్డ్ ట్రంప్ ఈ యుద్ధానికి తాత్కాలికంగా బ్రేకులు వేసినట్లు ప్రకటించినా ప్రయోజనం లేకుండా పోయింది. ఇరాన్‌లోని ఇంధన, విద్యుత్తు కేంద్రాలపై దాడులు 5 రోజులు ఆపేస్తున్నామని ట్రంప్ ప్రకటించినప్పటికీ ఇరాన్ మాత్రం వెనక్కి తగ్గలేదు. దీంతో ప్రపంచ మార్కెట్లపై యుద్ధ ప్రభావం కొనసాగుతోంది. ట్రంప్ ప్రకటన తర్వాత కాస్త పెరిగినట్లు కనిపించినా వెంటనే ఇరాన్ ప్రకటన రావడంతో మళ్లీ పడిపోయాయి. చమురు ధరల పెరుగుదల, డాలర్ విలువ పుంజుకోవడం, అమెరికా ఫెడ్ వడ్డీ రేట్లు యథాతథంగా కొనసాగించడం వంటి అనేక కారణాలు ఇరాన్-ఇజ్రాయెల్, అమెరికా యుద్ధం ఇప్పట్లో ఆగకపోవచ్చన్న అంచనాలు, బాండ్ ఈల్డ్స్‌కు పెరిగిన గిరాకీతో సురక్షితమైన పెట్టుబడి మార్గంగా బంగారానికి బదులు డాలర్ బాండ్స్‌ను ఎంచుకుంటున్నారు. దీంతో పసిడి రేట్లు పడిపోతున్నాయి. ఈ క్రమంలో మార్చి 25వ తేదీన హైదరాబాద్ మార్కెట్లో బంగారం, వెండి రేట్లు ఎలా ఉన్నాయో తెలుసుకుందాం. అంతర్జాతీయ మార్కెట్లో బంగారం, వెండి ధరలు మాత్రం వరుసగా తగ్గి ఈరోజు ఒక్కసారిగా పెరిగాయి. స్పాట్ గోల్డ్ రేటు ఔన్సుకు 184 డాలర్ల మేర దూసుకుకెళ్లింది. దీంతో ప్రస్తుతం ఔన్స్ బంగారం రేటు 4589 డాలర్ల స్థాయికి ఎగబాకింది. ఇక స్పాట్ సిల్వర్ రేటు ఔన్స్ ధర 7.40 డాలర్ల పెరగడంతో ప్రస్తుత ధర 74 డాలర్లు దాటింది. ఈ ప్రభావం దేశీయ మార్కెట్లపై ఉంటుందని బులియన్ మార్కెట్ వర్గాలు బావిస్తున్నాయి. హైదరాబాద్‌లో బంగారం ధరవరుసగా 7వ రోజూ బంగారం ధరలు తగ్గడం గమనార్హం. ఈ వారం రోజుల్లో తులం బంగారం దాదాపు రూ.15000 వరకు పడిపోయింది. ఈరోజు చూసుకుంటే 24 క్యారెట్ల బంగారం రేటు 10 గ్రాములపై రూ.380 మేర దిగివచ్చింది. దీంతో తులం గోల్డ్ రేటు రూ.1,42,910 వద్దకు తగ్గింది. ఇక 22 క్యారెట్ల బంగారం రేటు 10 గ్రాములకు రూ.350 మేర తగ్గడంతో తులం ధర రూ. 1,31,000 వద్దకు తగ్గింది. స్థిరంగా వెండి రేటుబంగారం ధర మరింత పడిపోయినప్పటికీ వెండి రేటు మాత్రం స్థిరంగానే కొనసాగుతోంది. ఈరోజు హైదరాబాద్ మార్కెట్లో కిలో వెండి రేటు ఏ మార్పు లేకుండా రూ.2,50,000 వద్ద అమ్ముడవుతోంది. పైన చెప్పిన బంగారం, వెండి ధరలు మార్చి 25వ తేదీ బుధవారం రోజు ఉదయం 7 గంటల సమయానికి ఉన్నవి. అయితే, బులియన్ మార్కెట్లో పసిడి ధరలు మధ్యాహ్నం లోపు మారిపోతుంటాయి. కొనుగోలు చేయాలనుకుంటున్న వారు స్థానిక జువెలర్స్ వద్ద కొనుగోలు చేసే ముందే ధరలు తెలుసుకోవడం మంచిది.